UDutheronomi 8:16 - iBhayibhili Elingcwele 1978

¹⁶ yalinika imana enkangala okhokho benu ababengayazi, ukuba ilithobise, ilihlole, ilenzele okuhle ekucineni.

IBhayibhili Elingcwele LesiNdebele

¹⁶ Walinika imana ukuba lidle enkangala, into abangazange bayazi oyihlo, ukulichumisa njalo lokulilinga ukuze kuthi ekucineni kulihambele kuhle.

UDutheronomi 8:16 Referans Kwoze

UDutheronomi 8:3

Ngakho yalithobisa, yalilambisa, yalinika imana elalingayazi labokhokho benu babengalazi, ukuba ilifundise ukuthi umuntu kaphili ngesinkwa sodwa, kodwa uphila ngawo wonke amazwi aphuma emlonyeni weNkosi.

UJakhobe 1:12

Ubusisiwe umuntu obekezelayo ekulingweni; ngoba lapho esehloliwe uzakwamukeliswa umqhele wokuphila othenjiswe nguNkulunkulu kwabamthandayo.

U-Eksodasi 16:15

Bathi bezibona abakoIsrayeli babuzana besithi: Kuyini lokhu? Ngoba babengazi ukuthi kuyini. UMose wathi kubo: Kuyisinkwa elinike sona iNkosi ukuba lidle.

1 UPhethro 1:7

ukuze ubuqotho bokukholwa kwenu, okuligugu okwedlula igolide eligugayo loba lihlolwe ngomlilo, bulethe ukubonga lobukhosi lodumo ekwambulweni kukaJesu Kristu.

2 AbaseKhorinte 4:17

Inhlupheko yethu elula engeyomzuzwana iyasivezela ubukhosi obungapheliyo, obungelakulinganiswa;

AbaseRoma 8:28

Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe.

UGenesisi 22:1

Kwathi emva kwalokhu uNkulunkulu wamlinga uAbrahama, wathi kuye: Abrahama! Wathi: Ngilapha.

U-Eksodasi 15:25

Wakhala eNkosini. INkosi yamtshengisa isihlahla; kwathi esesiphosele emanzini, amanzi aba mnandi. INkosi yabamisela khona isimiso lomthetho, yabalinga,

U-Eksodasi 16:4

INkosi yasisithi kuMose: Ngizakulehlisela isinkwa sivela ezulwini; abantu bazaphuma insuku ngensuku babuthe isabelo esilingene usuku, ukuze ngibalinge, ngibone ukuthi bazakuhamba ngomlayo wami yini.

U-Eksodasi 16:31

Indlu yakoIsrayeli yakubiza ngokuthi yiMana; kwakunjengenhlanyelo emhlophe, kwezwakala emlonyeni njengezinkwa ezilenyosi.

UDutheronomi 8:2

Likhumbule yonke indlela iNkosi uNkulunkulu wenu elihole ngayo kuliminyaka engamatshumi amane enkangala, ukuba ilithobise, ilihlole, ibone imicabango yenhliziyo zenu ukuba ibone ukuthi lizakuyigcina imithetho yayo yini, loba ayi.

UDutheronomi 13:3

lingalaleli amazwi alowomprofethi loba lowomphuphi wamaphupho; ngoba iNkosi uNkulunkulu wenu iyalilinga ukuba yazi ukuthi liyayithanda yini iNkosi uNkulunkulu wenu ngenhliziyo yenu yonke langomphefumulo wenu wonke.

2 ImiLando 32:31

Lasendabeni yezithunywa zezikhulu zaseBabiloni ezazithunywe kuye ukuzabuza ngesibonakaliso esasenziwe elizweni, uNkulunkulu wamyekela ukuba azenzele ngokuthanda kwakhe ukuba amhlole, abone konke okusenhliziyweni yakhe.

AmaHubo 119:68

Wena ulungile, wenza okulungileyo; ngifundisa izimiso zakho.

UDanyeli 11:35

Abanye babahlakaniphileyo bazabulawa ukuze abanye bahlolwe, bahlanjululwe, benziwe babe mhlophe, kuze kufike isikhathi sokuphela, ngoba kungokwesikhathi esimisiweyo.

U-Eksodasi 20:20

UMose wathi ebantwini: Lingesabi; ngoba uNkulunkulu ufikile ukuba alilinge, ukuze limesabe, lingoni.

UJobe 42:12

INkosi yazibusisa insuku zokucina zikaJobe kulezakuqala. Waba lezimvu ezizinkulungwane ezilitshumi lane, lamakamela azinkulungwane eziyisithupha, lenkabi ezizinkulungwane, lobabhemi abasikazi abayinkulungwane.

Izaga 17:3

Igolide lesiliva kuhlolwa esithandweni somlilo, ngokunjalo kuyiNkosi ehlola inhliziyo zabantu.