UDutheronomi 7:13 - iBhayibhili Elingcwele 1978

¹³ Izakulithanda, ilibusise, ilandise. Futhi izakubusisa inzalo yenu, lezithelo zomhlabathi wenu, lamabele enu, lewayini lenu, lamafutha enu, lenzalo yenkomo zenu lenzalo yezimvu zenu, elizweni eyafunga kubokhokho benu ukuiinika lona.

IBhayibhili Elingcwele LesiNdebele

¹³ Uzalithanda alibusise andise ubunengi benu. Uzabusisa izithelo zenzalo yezisu zenu, izilimo zamasimu enu, amabele enu, iwayini elitsha kanye lamafutha, amathole emihlambi yenkomo zenu kanye lamazinyane emihlambi yezimvu zenu elizweni afunga ukuthi uzalinika okhokho benu ukuba balinike lona.

UDutheronomi 7:13 Referans Kwoze

UJohane 14:21

Olemilayo yami ayigcine, nguye ongithandayo; yena ongithandayo uzakuthandwa nguBaba, lami ngizakumthanda, ngizibonakalise kuye.

UJohane 15:10

Uba ligcina imilayo yami, lizakuhlala othandweni lwami, njengalokhu lami ngigcine imilayo kaBaba ngihlala othandweni lwakhe.

UJohane 16:27

ngoba uBaba uqobo uyalithanda, ngoba lingithandile mina, likholiwe ukuba ngivele kuBaba.

U-Eksodasi 23:25

Lizakhonza iNkosi uNkulunkulu wenu; ngizabusisa ukudla kwenu lamanzi enu, ngisuse izifo phakathi kwenu.

UMatewu 6:33

Kodwa funani kuqala umbuso wakhe lokulunga kwakhe; ng’khona lezizinto zonke zizakwengezelelwa kini.

Izaga 10:22

Ukubusisa kweNkosi kuyanothisa, kayengezi usizi kukho.

UJobe 42:12

INkosi yazibusisa insuku zokucina zikaJobe kulezakuqala. Waba lezimvu ezizinkulungwane ezilitshumi lane, lamakamela azinkulungwane eziyisithupha, lenkabi ezizinkulungwane, lobabhemi abasikazi abayinkulungwane.

UDutheronomi 28:11

INkosi izakulandisela izinto ezinhle, inzalo yenu, lenzalo yenkomo zenu, lezithelo zomhlaba wenu, elizweni iNkosi eyafunga kubokhokho benu ukulinika lona.

AmaHubo 1:3

Unjengesihlahla esihlanyelwe ngasemifuleni yamanzi, esithela isithelo saso ngesikhathi saso, esimahlamvu aso kawabuni. Kukho konke akwenzayo uyaphumelela.

UDutheronomi 7:7

INkosi kayilithandanga, kayilikhethanga ngoba lalibanengi kulazo zonke ezinye izizwe; ngoba lalibalutshwana kulazo zonke;

AmaHubo 11:7

Ngoba iNkosi ilungile, iyathanda ukulunga; abaqotho bazakubona ubuso bayo.

ULevi 26:9

Ngizakuba lomusa kini, ngilenze ukuba lizale, lande, ngimise isivumelwano sami lani.

UDutheronomi 13:17

Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

UDutheronomi 30:5

ilibuyisele elizweni okhokho benu abalithumba ukuba libe ngelenu, liphumelele, lande kakhulu kulabokhokho benu.

AmaHubo 127:3

Khangelani, amadodana ayisipho esivela eNkosini, abantwana bangumvuzo ovela kuyo.

AmaHubo 146:8

iNkosi iyavula amehlo eziphofu; iNkosi iyabalulamisa bona abawileyo; iNkosi iyabathanda abalungileyo.

Izaga 15:9

INkosi izonda indlela yababi, kodwa ithanda umuntu owenza okulungileyo.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 28:1

Uba lilalela ilizwi leNkosi uNkulunkulu wenu, ligcine kuhle yonke imilayo yayo engililaya yona lamuhla, iNkosi uNkulunkulu wenu izaliphakamisa phezu kwazo zonke izizwe zomhlaba.

UNehemiya 9:32

Ngakhoke, Nkulunkulu wethu omkhulu, wena olamandla lowesabekayo, ogcina isivumelwano lolothando olungapheliyo, ungadeleli ubunzima bonke obusehleleyo thina sonke, lamakhosi ethu lezikhulu zethu labapristi bethu labaprofethi bethu labokhokho bethu labo bonke abantu bakho, kusukela esikhathini samakhosi aseAsiriya kuze kube lamhla.

UJobe 1:10

Kawumvikelanga inxa zonke yena lendlu yakhe kanye lakho konke alakho na? Ubusisile imisebenzi yakhe, lemfuyo yakhe yandile elizweni.

AmaHubo 107:38

Ngokubusisa kwayo bayanda kakhulu, lenkomo zabo kazinciphi.