UDutheronomi 5:29 - iBhayibhili Elingcwele 1978

²⁹ Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

IBhayibhili Elingcwele LesiNdebele

²⁹ Sengathi ngabe inhliziyo zabo zingagxila ekungesabeni njalo bayigcine imilayo yami, ukuze kubalungele bona kanye labantwababo kuze kube laphakade!

UDutheronomi 5:29 Referans Kwoze

U-Isaya 48:18

Kungathi ngabe walalela imilayo yami! Ng’khona izibusiso zakho zazizakuba njengomfula ogelezayo, lokuphumelela kwakho kube njengamavinqo olwandle;

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UMatewu 23:37

Hawu, Jerusalema, wena obulala abaprofethi, obakhanda ngamatshe labo abathunyiweyo kuwe! Bengithanda kangaka ukubuthela ndawonye abantwana bakho njengesikhukhukazi sibuthela amatsiyane aso ngaphansi kwamaphiko aso; kodwa kalivumanga.

ULukha 19:42

esithi: Kungathi ngabe wazile lawe ngalolusuku izinto eziletha ukuthula; kodwake zifihlakele emehlweni akho.

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 5:16

Hlonipha uyihlo lonyoko, njengokukulaya kweNkosi uNkulunkulu wakho, ukuba uphile isikhathi eside, lokuba kukulungele elizweni iNkosi uNkulunkulu wakho ekunika lona.

2 AbaseKhorinte 5:20

Ngakhoke siyizithunywa zikaKristu okuyikuthi uNkulunkulu uyalincenga ngathi; lathi siyalincenga esikhundleni sikaKristu sithi: Buyisanani loNkulunkulu.

Isambulo 22:14

Babusisiwe labo abagezisa ingubo zabo ukuba babe lelungelo esihlahleni sokuphila, bangene emzini ngamasango.

UJakhobe 1:25

Kodwa lowo okhangelisisa emlayweni opheleleyo, umlayo okhululayo, abambelele kuwo, engesuye ozwayo nje akhohlwe kodwa engowenzayo asebenze, uzakuba ngobusisiweyo ekwenzeni kwakhe.

Abase-Efesu 6:3

sokuthi kuze kube kuhle kuwe, usile isikhathi eside emhlabeni.

2 AbaseKhorinte 6:1

Thina esisebenza kanye laye siyalincenga ukuba lingawamukeli ngeze umusa kaNkulunkulu.

UJohane 15:14

Lina lingabangane bami, uba lisenza lokhu engililaya khona.

ULukha 11:28

Kodwa yena wathi: Yebo, kodwa ikakhulu babusisiwe abalizwayo ilizwi likaNkulunkulu, balilondoloze.

UJeremiya 44:4

Kanti ngathuma inceku zami zonke abaprofethi, ngazithuma njalonjalo, ngisithi: Lingayenzi linto enengisayo lengiyizondayo.

U-Isaya 3:10

Tshelani abalungileyo ukuthi kuzakuba kuhle kubo, ngoba bazakudla umvuzo wezenzo zabo.

AmaHubo 106:3

Babusisiwe bona abenza okufaneleyo, abenza ukulunga ngazo zonke izikhathi.

AmaHubo 19:11

Lenceku yakho iyelulekwa ngazo; ozigcinayo uzakuzuza umvuzo omkhulu.

URuthe 3:1

UNawomi uninazala wathi kuye: Mntanami, ngingakudingeli umuntu yini ongakuthatha ukuba uhlale kuhle laye na?

UDutheronomi 22:7

kodwa yekela unina ukuba ahambe, uzithathele amatsiyane. Ngalokho kuzakukulungela, uhlale insuku ezinengi.

UDutheronomi 19:13

Lingamhawukeli, kodwa qedani koIsrayeli icala lokuchitha igazi elingelacala, ukuba kulilungele.

UDutheronomi 12:28

Qaphelani ukuba lilalele wonke amazwi la engililaya wona, ukuba kulilungele labantwana benu emva kwenu kokuphela, lapho lisenza okulungileyo lokuhle emehlweni eNkosi uNkulunkulu wenu.

UDutheronomi 12:25

Lingalidli ukuba kulilungele labantwana benu emva kwenu, lapho lisenza okulungileyo emehlweni eNkosi.

UDutheronomi 6:18

Wenze okulungileyo lokuhle emehlweni eNkosi ukuba kukulungele, lokuba ungene ulithumbe ilizwe elihle, iNkosi eyafunga ukulinika okhokho benu,

UDutheronomi 6:3

Ngakhoke zwana, Israyeli, unanzelele ukuzenza, ukuba kukulungele, wande kakhulu elizweni eligcwele uchago lenyosi njengokukuthembisa kwayo iNkosi uNkulunkulu wabokhokho benu.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

UDutheronomi 5:30

Hamba uyekuthi kibo: Buyelani emathenteni enu.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

AmaHubo 78:7

ukuze bamise ithemba labo kuNkulunkulu, bangayikhohlwa imisebenzi kaNkulunkulu, kodwa bagcine imithetho yakhe;

UJeremiya 42:6

Loba kukuhle loba kukubi, sizalalela ilizwi leNkosi, uNkulunkulu wethu, esikuthuma kuyo, ukuze kusilungele lapho sililalela ilizwi leNkosi, uNkulunkulu wethu.

UDutheronomi 4:2

Kaliyikwengezelela lutho elizwini engililaya ngalo, lingaphunguli lutho kulo, ukuba ligcine imilayo yeNkosi uNkulunkulu wenu engililaya yona.

UDutheronomi 4:10

ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

UDutheronomi 6:17

Ugcine kuhle imithetho yayo lemilayo yayo lezimiso zayo ekulaye zona.

UDutheronomi 8:6

Ngakhoke lizagcina imithetho yeNkosi uNkulunkulu wenu, lihambe ngendlela zayo, liyesabe.

UDutheronomi 10:12

Khathesike, Israyeli, iNkosi uNkulunkulu wakho ifunani kuwe ngaphandle kokuba uyesabe iNkosi uNkulunkulu wakho, uhambe ngendlela zayo zonke, uyithande, uyikhonze ngenhliziyo yakho yonke langomphefumulo wakho wonke,

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

1 ImiLando 29:18

Nkosi, Nkulunkulu kaAbrahama loIsaka loIsrayeli, okhokho, gcina kokuphela enhliziyweni zabantu bakho ukuzinikela kwabo, uqondise inhliziyo zabo kuwe.

AmaHubo 19:12

Kodwa ngubani owazi iziphosiso zakhe na? Ngithethelela, Nkosi, kwezisithekileyo.

AmaHubo 81:16

Bengingalipha amabele amahle, ngilisuthise ngenyosi ezivela edwaleni.