UDutheronomi 5:14 - iBhayibhili Elingcwele 1978

¹⁴ kodwa usuku lwesikhombisa luliSabatha leNkosi uNkulunkulu wakho; ungasebenzi ngalo wena lendodana yakho lendodakazi yakho lenceku yakho lencekukazi yakho lenkabi yakho lobabhemi wakho lezinkomo zakho, lowemzini osemzini wakho, ukuba inceku lencekukazi zakho ziphumule njengawe.

IBhayibhili Elingcwele LesiNdebele

¹⁴ kodwa usuku lwesikhombisa luyiSabatha kuThixo uNkulunkulu wakho. Ngalo awuyikwenza loba yiwuphi umsebenzi, wena, indodana yakho loba indodakazi yakho, inceku loba incekukazi yakho, inkabi yakho, ubabhemi wakho loba yisiphi isifuyo sakho, loba isihambi esikwethekeleleyo, ukuze izisebenzi zakho zesilisa kanye lezesifazane ziphumule njengawe.

UDutheronomi 5:14 Referans Kwoze

AmaHebheru 4:4

Ngoba utshilo endaweni ethile ngosuku lwesikhombisa ukuthi: UNkulunkulu waphumula ngosuku lwesikhombisa emisebenzini yakhe yonke.

UGenesisi 2:2

Ngosuku lwesikhombisa uNkulunkulu wawuqeda umsebenzi wakhe abewenza. Waphumula ngosuku lwesikhombisa emsebenzini wakhe wonke abewenza.

U-Eksodasi 23:12

Ngensuku eziyisithupha uzakwenza umsebeni wakho, uphumule ngosuku lwesikhombisa, kuphumule futhi lenkabi yakho labobabhemi bakho, kuvuseleleke indodana yencekukazi yakho kanye lowezizweni.

UNehemiya 13:21

Ngabaxwayisa ngathi kibo: Lilalelani eduzane lomduli na? Uba liphinda futhi, ngizalibopha. Kusukela kulesosikhathi kabasezanga futhi ngeSabatha.

UNehemiya 5:5

Sinyamanye labazelwane bethu, labantwana bethu bayafanana lababo; kanti khathesi sicindezelwa ukuba senze amadodana ethu lamadodakazi ethu abe yizigqili; amanye amadodakazi ethu aseyizigqili; kasilawo amandla okuwasiza, ngoba abanye abantu sebesithathele amasimu ethu lezivini zethu.

UNehemiya 13:15

Ngalezonsuku ngabona abantu bakoJuda benyathela izikhamelo zewayini ngeSabatha, bethatha lamabele amanengi, bewathwalisa obabhemi, lewayini, lezithelo zezivini lezomkhiwa, lazo zonke inhlobo zemithwalo abazingenisa eJerusalema ngeSabatha. Ngabaxwayisa mhla bethengisa ukudla.

UMakho 2:27

Wathi kibo: ISabatha lenzelwa umuntu, umuntu kenzelwanga iSabatha.

ULukha 23:56

Basebebuyela emuva, balungisa amakha lamagcobo. NgeSabatha baphumula njengomlayo.

ULevi 23:3

Umsebenzi uzakwenziwa insuku eziyisithupha; kodwa usuku lwesikhombisa luzakuba liSabatha lokuphumula, lube lusuku lwenkonzo enkulu; lingasebenzi ngalo; luyiSabatha eNkosini kuyo yonke imizi yenu.

UDutheronomi 5:13

Uzasebenza insuku eziyisithupha, uwenze wonke umsebenzi wakho;

UNehemiya 13:16

Abantu baseTire labo ababehlala phakathi komuzi baletha inhlanzi lenhlobo zonke zempahla, bazithengisa ngeSabatha kwabakoJuda laseJerusalema.