UDutheronomi 5:12 - iBhayibhili Elingcwele 1978

¹² Gcina usuku lweSabatha, ulwenze lube ngcwele, njengokukulaya kwayo iNkosi uNkulunkulu wakho.

IBhayibhili Elingcwele LesiNdebele

¹² Gcina usuku lweSabatha ngokulwenza lubengcwele njengokulaywa kwakho nguThixo uNkulunkulu wakho.

UDutheronomi 5:12 Referans Kwoze

U-Isaya 58:13

INkosi ithi: Uba ungoni iSabatha, ungenzi umsebenzi wakho ngosuku lwami olungcwele, ulibize iSabatha ngokuthi liyintokozo, losuku olungcwele lweNkosi ngokuthi lulodumo, uba ulihlonipha ngokungahambi langokungasebenzi ngalo, langokungakhulumi ize,

U-Isaya 56:6

Labezizwe abazihlanganisa leNkosi ukuyikhonza lokuthanda ibizo layo, babe yizinceku zayo, bonke abagcina iSabatha, bengaloni, bebambelela esivumelwaneni sami,

UMakho 2:27

Wathi kibo: ISabatha lenzelwa umuntu, umuntu kenzelwanga iSabatha.

U-Eksodasi 16:23

Wathi kuzo: Yikho iNkosi ekutshiloyo ukuthi: Kusasa kulusuku lokuphumula, iSabatha elingcwele leNkosi. Yosani lokho okufanele ukosiwa, lipheke lokho okufanele ukuphekwa, lizibekele lokho okuseleyo ukuba kugcinwe kuze kube sekuseni.

U-Eksodasi 31:13

Tshela abantu bakoIsrayeli uthi: Impela lizagcina amaSabatha ami; ngoba lokhu kuyisibonakaliso phakathi kwami lani kuzo izizukulwana zenu, ukuba lazi ukuthi ngiyiNkosi elenza libe ngcwele.

U-Eksodasi 31:15

Kusetshenzwe insuku eziyisithupha, kodwa usuku lwesikhombisa lube liSabatha lokuphumula, lingcwele eNkosini; lowo osebenza ngeSabatha uzakubulawa sibili.

UDutheronomi 5:13

Uzasebenza insuku eziyisithupha, uwenze wonke umsebenzi wakho;

UNehemiya 13:15

Ngalezonsuku ngabona abantu bakoJuda benyathela izikhamelo zewayini ngeSabatha, bethatha lamabele amanengi, bewathwalisa obabhemi, lewayini, lezithelo zezivini lezomkhiwa, lazo zonke inhlobo zemithwalo abazingenisa eJerusalema ngeSabatha. Ngabaxwayisa mhla bethengisa ukudla.

UJeremiya 17:22

Futhi lingakhuphi umthwalo ezindlini zenu ngeSabatha, lingasebenzi lutho; kodwa lwenzeni usuku lweSabatha lube ngcwele, njengokubalaya kwami okhokho benu.

U-Eksodasi 16:30

Ngakho abantu baphumula ngosuku lwesikhombisa.