UDutheronomi 5:11 - iBhayibhili Elingcwele 1978

¹¹ Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala eNkosini.

IBhayibhili Elingcwele LesiNdebele

¹¹ Ungalisebenzisi ngeze ibizo likaThixo uNkulunkulu wakho, ngoba uThixo kayikumyekela olecala lokudlala ngebizo lakhe.

UDutheronomi 5:11 Referans Kwoze

U-Eksodasi 20:7

Ungalisebenzisi ngeze ibizo leNkosi uNkulunkulu wakho; ngoba olisebenzisa ngeze ibizo layo uzakuba lecala phambi kweNkosi.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

ULevi 19:12

Lingafungeli ibizo lami amanga, lize lihlambaze ibizo likaNkulunkulu wenu. NgiyiNkosi.

UJakhobe 5:12

Kodwa kukho konke, bazalwane bami, lingafungi; lingafungi ngezulu, loba ngomhlaba, loba ngesinye isifungo. Kodwa uyebo wenu kabe nguyebo, loatshi wenu kabe nguatshi, ukuze lingalahlwa.

UJeremiya 4:2

futhi uba ufunga ngeqiniso langokulunga langokuqonda uthi: Ngifunga iNkosi; izizwe zizabusiswa kuyo, zizibonge ngayo.

AmaHubo 139:20

abantu abakuhlambazayo, bekuvukela wena!

UDutheronomi 10:20

Lizakuyesaba iNkosi uNkulunkulu wenu, liyikhonze, libambelele kuyo, lifunge ngebizo layo.

UHosiya 4:2

Kukhona ukwaphulwa kwezifungo, lokuqamba amanga, lokubulala, lokweba, lokufeba; baqhubeka ngokwenza okubi, lamacala egazi ayalandelana.