UDutheronomi 4:19 - iBhayibhili Elingcwele 1978

¹⁹ Futhi lapho liphakamisela amehlo enu phezulu, libone ilanga lenyanga lezinkanyezi, konke okusezulwini, xwayani, funa liyengwe, likudumise likukhonze. INkosi uNkulunkulu wenu lokhu ikunike bonke abantu abangaphansi komthunzi welanga ukuba bakukhonze.

IBhayibhili Elingcwele LesiNdebele

¹⁹ Njalo nxa likhangela phezulu esibhakabhakeni libona ilanga, inyanga kanye lezinkanyezi, zonke ezihlobise zacecisa isibhakabhaka, lingalingeki lizikhothamele beselikhonza izinto uThixo uNkulunkulu wenu azibekela izizwe zonke ngaphansi kwezulu.

UDutheronomi 4:19 Referans Kwoze

AbaseRoma 1:25

ngoba baphendula iqiniso ngoNkulunkulu balenza amanga, bakhuleka bekhonza okudaliweyo kuloMdali ongobongekayo kuze kube nininini; Ameni.

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

2 AmaKhosi 21:3

Wabuya wakha indawo eziphakemeyo zokukhonzela uyise uHezekiya ayeziqedile, wakhela uBali ama‐altare, wenza insika zikankulunkulukazi uAshera, njengokwenza kukaAhabi inkosi yakoIsrayeli, wadumisa zonke inkanyezi zaphezulu, wazikhonza.

2 AmaKhosi 17:16

Bayephula yonke imilayo yeNkosi uNkulunkulu wabo, bazenzela izithombe ezikhandiweyo ezamathole amabili, benza insika zikankulunkulukazi uAshera, bakhonza zonke inkanyezi zaphezulu, bakhonza loBali.

UGenesisi 2:1

Kwasekuphela ukwenziwa kwezulu lomhlaba lakho konke okukukho.

UNehemiya 9:6

Nguwe wedwa oyiNkosi owenza izulu eliphezulu kakhulu lakho konke okukulo, lomhlaba lakho konke okukuwo, lezinlwandle lakho konke okukuzo, wena uyakulondoloza konke; lakho konke okusezulwini kuyakukhonza.

Imisebenzi 7:42

Kodwa uNkulunkulu wabafulathela, wabanikela ukuba bakhonze izinkanyezi, njengokulotshiweyo encwadini yabaprofethi ukuthi: Laletha kimi imihlatshelo leminikelo iminyaka engamatshumi amane enkangala lina ndlu kaIsrayeli na?

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

UJeremiya 8:2

azachaywa elangeni lasenyangeni, lakuzo zonke inkanyezi, abakuthandileyo bakukhonza, abakulandeleyo bakudinga, bakudumisa; kawayikubuthwa angcwatshwe futhi, azakuba njengomquba emhlabathini.

UZefaniya 1:5

ngiqede labakhuleka kulo ilanga lenyanga lezinkanyezi phezu kwezindlu, labakhuleka kimi bangifunge, bafunge futhi loMilkomu,

UHezekhiyeli 8:16

Wangingenisa egumeni elingaphakathi kwethempeli; ngabona ngasemnyango wethempeli leNkosi phakathi komkoto lealtare abantu abangamatshumi amabili lanhlanu befulathele ithempeli leNkosi, bekhangele ngasempumalanga, bekhonza ilanga eliphumayo.

UJeremiya 33:25

INkosi ithi: Uba ngingamisanga isivumelwano sami semini lesebusuku, lezimiso zami zezulu lomhlaba,

UJeremiya 31:35

INkosi enika ilanga libe yikukhanya emini, emise inyanga lezinkanyezi zibe yikukhanya ebusuku, evusa ulwandle ukuba kuhlokome amavinqo alo, ebizwa ngokuthi yiNkosi yamabandla, ithi:

UJeremiya 19:13

Izindlu zaseJerusalema lezamakhosi akoJuda, zonke izindlu okwatshiselwa phezu kwazo impepha kuzo zonke inkanyezi, okwachithelwa kuzo leminikelo yokuthululwa kwabanye onkulunkulu, zizangcoliswa njengendawo yaseTofethi.

2 AmaKhosi 23:11

Entubeni yethempeli wasusa amabhiza amakhosi akoJuda ayewahlukanisele ilanga, wona ayeseduze lendlu kaNathani‐Meleki umthenwa eyayingaphandle, wazitshisa ngomlilo inqola zelanga.

UDutheronomi 4:18

loba sokuhuquzelayo emhlabeni, lenhlanzi esemanzini angaphansi komhlaba.

UDutheronomi 13:5

Lowomprofethi loba lowomphuphi wamaphupho kabulawe, ngoba ulifundisile ukuba liyivukele iNkosi uNkulunkulu wenu, lokuba liphambuke endleleni elalaywa ukuhamba ngayo yiNkosi uNkulunkulu wenu, eyalikhupha eGibithe, yalikhulula endaweni yobugqili ngalokhu. Ngakho khuphani ububi obuphakathi kwenu.

UDutheronomi 13:10

Mkhande ngamatshe aze afe, ngoba ubezama ukukuduhisa eNkosini uNkulunkulu wakho, eyakukhupha eGibithe, endaweni yobugqili.

UHezekhiyeli 18:6

engadleli emathempelini aphezu kwezintaba, engaphakamiseli amehlo akhe ezithombeni zakoIsrayeli, engangcolisi umfazi womakhelwana wakhe, engahlangani lowesifazana ngesikhathi esemfuleni,

UGenesisi 1:14

UNkulunkulu wasesithi: Kakube khona emkhathini wezulu izikhanyiso ezahlukanisa imini lobusuku, zibe yizibonakaliso zezibanga, lezensuku lezeminyaka,

2 ImiLando 33:3

Wabuya wakha indawo eziphakemeyo zokukhonzela uyise uHezekiya ayezivalile, wakhela oBali ama‐altare, wamisa insika zikankulunkulukazi uAshera, wadumisa zonke inkanyezi zaphezulu, wazikhonza.

AmaHubo 19:3

Kakukho ukukhuluma, kawakho amazwi, lelizwi lawo kalizwakali;