UDutheronomi 4:16 - iBhayibhili Elingcwele 1978

¹⁶ xwayani funa lone, lizenzele isithombe esibaziweyo sowesilisa loba sowesifazana,

IBhayibhili Elingcwele LesiNdebele

¹⁶ ukuze lingaxhwali libe selizenzela isithombe, loba umfanekiso olesimo bani, loba ngesilesimo sesilisa loba esesifazane,

UDutheronomi 4:16 Referans Kwoze

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

UDutheronomi 5:8

Ungazenzeli izithombe ezibaziweyo lomfanekiso walokho okusezulwini lalokho okusemhlabeni lalokho okusemanzini angaphansi komhlaba.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

U-Eksodasi 32:7

INkosi yasisithi kuMose: Suka wehle, ngoba abantu bakho owabakhupha eGibithe benzile okubi;

UJohane 4:24

UNkulunkulu unguMoya; labo abamkhonzayo bafanele ukukhonza ngomoya langeqiniso.

U-Isaya 40:18

Lizamfanisa lobanike uNkulunkulu, loba limlinganise lomfanekiso kabani na?

UDutheronomi 4:25

Lapho lizuza abantwana labazukulu, lalapho selihlale elizweni isikhathi eside, uba lisona, lenze isithombe esibaziweyo solutho oluthile, lenze okubi emehlweni eNkosi uNkulunkulu wenu ukuze limthukuthelise,

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

ULevi 26:1

Lingazenzeli izithombe, lingamisi izithombe ezibaziweyo lensika yokukhonzela, lingamisi elizweni lakini ilitshe elilemifanekiso ukuba likhothamele kulo; ngoba ngiyiNkosi uNkulunkulu wenu.

UDutheronomi 5:9

Ungazikhothameli, ungazikhonzi; ngoba mina iNkosi uNkulunkulu wakho nginguNkulunkulu olomona, ngehlisela ububi baboyise ebantwaneni besizukulwana sesithathu lesesine sabangizondayo,

UDutheronomi 9:12

Yasisithi kimi: Phangisa wehle lapha, ngoba abantu bakho owabakhupha eGibithe bonile, baphambukile masinya endleleni engabalaya yona, bazenzela isithombe esibunjiweyo.

UDutheronomi 27:15

Kaqalekiswe umuntu owenza isithombe esibaziweyo lesibunjiweyo, into eyisinengiso eNkosini, umsebenzi wezandla zomuntu oyingcitshi, asimise ensitha. Bonke abantu bazakuthi: Ameni.

UDutheronomi 31:29

Ngoba ngiyazi ukuthi emva kokufa kwami lizakona, liphambuke endleleni engililaye yona; lizakwehlelwa ngokubi ngensuku ezizayo, ngoba lizakwenza okubi emehlweni eNkosi, liyithukuthelise ngomsebenzi wezandla zenu.

ULevi 19:4

Lingaphendukeli kuzo izithombe, lingazenzeli onkulunkulu ababunjiweyo. NgiyiNkosi uNkulunkulu wenu.

UDutheronomi 16:22

lingamisi nsika yokukhonzela, ngoba iNkosi uNkulunkulu wenu iyayizonda.

U-Isaya 44:13

Umbazi yena welula intambo, adwebe isigodo ngepenseli, asibaze ngezancele, asidwebe ngensimbi ecijileyo, enze ngaso umfanekiso womuntu, umuntu omuhle olesimo esihle, ukuba uhlale endlini.

UHezekhiyeli 8:10

Ngasengingena, ngabona lapho kudwetshiwe emidulini inxa zonke imifanekiso yazo zonke izinto ezihahabayo, lezilo ezenyanyekayo, lazo zonke izithombe zakoIsrayeli.