UDutheronomi 4:10 - iBhayibhili Elingcwele 1978

¹⁰ ukuthi mhla wosuku elema ngalo phambi kweNkosi uNkulunkulu wenu eHorebe, iNkosi yathi kimi: Ngibuthanisela abantu ukuba ngibazise amazwi ami, ukuze bafunde ukungesaba zonke insuku zokuhamba kwabo emhlabeni, bafundise njalo labantwana babo.

IBhayibhili Elingcwele LesiNdebele

¹⁰ Khumbulani usuku elema ngalo phambi kukaThixo uNkulunkulu wenu eHorebhi, lapho athi khona kimi, ‘Buthanisa abantu ukuze bezwe amazwi ami ukuze bakwazi ukungidumisa nxa belokhu besahlala elizweni njalo bafundise abantwababo.’

UDutheronomi 4:10 Referans Kwoze

U-Eksodasi 19:9

INkosi yathi kuMose: Ngiyeza kuwe ngeyezi elimnyama ukuba abantu bezwe nxa ngikhuluma lawe, bakukholwe kuze kube nininini. UMose wayibikela iNkosi amazwi abantu.

UDutheronomi 17:19

Uzakuhlala elayo, ayibale insuku zonke zokuphila kwakhe, ukuba afunde ukuyesaba iNkosi uNkulunkulu wakhe, agcine wonke amazwi alumlayo lezimiso lezi, azenze,

UDutheronomi 5:2

INkosi uNkulunkulu wethu yenza isivumelwano lathi eHorebe.

U-Eksodasi 20:20

UMose wathi ebantwini: Lingesabi; ngoba uNkulunkulu ufikile ukuba alilinge, ukuze limesabe, lingoni.

U-Eksodasi 20:18

Kwathi lapho abantu bonke besizwa ukuduma lokukhala kophondo, lalapho bebona imibane lokuthunqa kwentaba bathuthumela, bema khatshana;

U-Eksodasi 19:16

Ngosuku lwesithathu sekusile, kwaba khona ukuduma lemibane leyezi elimnyama entabeni, kwezwakala ukukhala okukhulu kophondo; bonke abantu ababesemathenteni bathuthumela.

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

Isambulo 19:5

Kwasekuzwakala ilizwi livela esihlalweni sobukhosi lisithi: Mdumiseni uNkulunkulu wethu lina lonke zinceku zakhe, elimesabayo, abakhulu labancinyane.

AmaHebheru 12:25

Qaphelani ukuba lingali ukulalela ilizwi lakhe okhulumayo; ngoba uba bengaphephanga labo abala ukumlalela lowo owabaxwayisa emhlabeni, kakhulu kasiyikuphepha thina esimalayo lowo oxwayisa esezulwini.

ULukha 1:50

Isihawu sakhe sikuzo zonke izizukulwana zalabo abamesabayo.

1 USamuyeli 12:24

Yesabani iNkosi kuphela, liyikhonze ngeqiniso langenhliziyo yenu yonke. Khangelani okukhulu elenzele khona.

UDutheronomi 14:23

Phambi kweNkosi uNkulunkulu wenu, endaweni ezakuyikhetha ukuba idunyiselwe kiyo, lizakudla okwetshumi kwamabele enu lokwewayini lenu lokwamagcobo enu, lamazibulo enkomo zenu lawezimvu zenu, ukuba lifunde ukuyesaba iNkosi uNkulunkulu wenu njalonjalo.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

U-Eksodasi 19:1

Ngenyanga yesithathu emva kokuphuma kwabakoIsrayeli eGibithe, bafika enkangala yaseSinayi.

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

UDutheronomi 11:19

Lizakuwafundisa abantwana benu, liwatsho lapho lihlezi ezindlini zenu, lalapho lihamba endleleni, lalapho lilala, lalapho livuka.

UDutheronomi 12:1

Lezi ziyizimiso lezahlulelo elizakuzigcina elizweni iNkosi, uNkulunkulu wabokhokho benu, elinike lina ukuba libe ngelenu zonke insuku zokuhamba kwenu emhlabeni.

UGenesisi 18:19

Ngoba ngimkhethile ukuba alaye abantwana bakhe losendo lwakhe, bagcine indlela yeNkosi ngokwenza ukulunga lokuqotho, ukuze iNkosi imenzele uAbrahama lokho emthembise khona.

U-Eksodasi 19:11

babe sebelungile ngosuku lwesithathu; ngoba ngosuku lwesithathu iNkosi izakwehlela entabeni yaseSinayi phambi kwabantu bonke.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

UDutheronomi 6:7

uzakuwafundisa abantwana bakho, uwatsho lapho uhlezi endlini yakho, lalapho uhamba endleleni, lalapho ulala, lalapho uvuka.

AmaHubo 145:4

Esinye isizukulwana sizakubabaza imisebenzi yakho kwesinye, sitshumayele imisebenzi yakho elamandla.

U-Isaya 38:19

Abaphilayo yibo abakudumisayo, njengoba ngikudumisa lamuhla; oyise bayatshela abantwana babo ngobuqotho bakho.