UDutheronomi 4:1 - iBhayibhili Elingcwele 1978

¹ Khathesike, lina bakoIsrayeli, zwanini izimiso lezahlulelo engilifundisa zona, lizenze ukuze liphile, lingene lilithumbe ilizwe elinika lona iNkosi uNkulunkulu wabokhokho benu.

IBhayibhili Elingcwele LesiNdebele

¹ “Zwana-ke khathesi, Oh Israyeli, izimiso lemithetho engizalifundisa yona. Ilandeleni ukuze liphile njalo libe lakho ukuyalithatha lelolizwe uThixo uNkulunkulu wabokhokho benu alinika lona.

UDutheronomi 4:1 Referans Kwoze

AbaseRoma 10:5

UMose uloba ukuthi lowo owenza ukulunga okungomlayo uzakuphila ngakho.

UDutheronomi 8:1

Lizakugcina kuhle yonke imithetho engililaya ngayo lamuhla, liyenze ukuze liphile, lande, lingene elizweni lilithumbe, iNkosi uNkulunkulu wenu eyafunga ukulinika okhokho benu.

UHezekhiyeli 20:11

Ngabanika izimiso zami, ngabatshengisa lemithetho yami, umuntu azaphila ngayo uba eyenza.

ULevi 18:5

Ngakhoke gcinani izimiso zami lezahlulelo zami; umuntu angaphila ngokwenza njalo.

UDutheronomi 30:16

Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

UDutheronomi 5:1

UMose wasebiza wonke uIsrayeli, wathi kuye: Zwana, Israyeli, izimiso lezahlulelo engizikhuluma endlebeni zakho lamuhla, ukuba uzifunde, unanzelele ukuzigcina.

ULevi 22:31

Ngakhoke gcinani imilayo yami, liyenze. NgiyiNkosi.

ULevi 19:37

Gcinani zonke izimiso zami lezahlulelo zami zonke, lizenze. NgiyiNkosi.

UMatewu 28:20

libafundise ukugcina konke engililaye ngakho; khangelani, mina ngilani insuku zonke kuze kube sekupheleni kwesikhathi.

UHezekhiyeli 37:24

Inceku yami uDavida uzakuba yinkosi yabo, babe lomalusi munye. Bazalandela imithetho yami, bananzelele ukugcina izimiso zami.

UHezekhiyeli 36:27

Ngizafaka umoya wami phakathi kwenu, ngilenze ukuba lihambe ngezimiso zami, lokuba linanzelele ukugcina imithetho yami.

UHezekhiyeli 20:21

Kodwa labantwana bangihlamuka, kabaze bahamba ngezimiso zami, kabaqaphelisanga ukugcina imithetho yami, umuntu azaphila ngayo uba eyenza; bawangcolisa amaSabatha ami. Ngasengisithi ngizakwehlisela ukuthukuthela kwami phezu kwabo, ngibaqede ngolaka lwami enkangala.

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

AmaHubo 119:4

Wena usilayile ukuba sigcine kakhulu imithetho yakho.

AmaHubo 105:45

ukuba bagcine izimiso zayo, bahambe ngemilayo yayo. Dumisani iNkosi!

UDutheronomi 30:19

Lamuhla ngiyabiza izulu lomhlaba ukufakaza ngani ukuthi ngibekile phambi kwenu ukuphila lokufa, isibusiso lesiqalekiso. Ngakhoke khethani ukuphila ukuba liphile lina lenzalo yenu,

UDutheronomi 16:20

Nxwanelani ukulunga kuphela, ukuba lisile, lithumbe ilizwe elinika lona iNkosi uNkulunkulu wenu.

UDutheronomi 11:32

ligcine kuhle zonke izimiso lezahlulelo engizibeka phambi kwenu lamuhla.

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UDutheronomi 4:45

yilobu ubufakazi, yizo lezi izimiso lezahlulelo uMose azimemezela ebantwini bakoIsrayeli ekuphumeni kwabo eGibithe,

UDutheronomi 4:8

Futhi yisiphi isizwe esikhulu esilezimiso lezahlulelo ezilungileyo ezinjengawo wonke lumlayo engiwubeka phambi kwenu lamhla na?

ULevi 20:8

Gcinani izimiso zami, lizenze. NgiyiNkosi elenzayo libe ngcwele.

UJohane 15:14

Lina lingabangane bami, uba lisenza lokhu engililaya khona.

ULukha 1:6

Babelungile bobabili emehlweni kaNkulunkulu behamba ngayo yonke imilayo lezimiso zeNkosi, bengasoleki.

U-Eksodasi 18:20

ubafundise imithetho lemilayezelo, ubatshengise indlela abamele bahambe ngayo, lezinto abamele bazenze.

UDutheronomi 1:3

Ngomnyaka wamatshumi amane, ngosuku lokuqala lwenyanga yetshumi lanye uMose wakhuluma labakoIsrayeli njengokulaywa kwakhe yiNkosi,

UDutheronomi 4:40

Ngakhoke lizagcina izimiso zayo lemilayo yayo engililaya yona lamhla, ukuba kulilungele lina labantwana benu emva kwenu, lokuba liphile isikhathi eside elizweni iNkosi uNkulunkulu wenu elinika lona kuze kube nini lanini.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

ULevi 19:19

Gcinani izimiso zami. Lingavumeli inkomo zenu zikhwelwe ngezolunye uhlobo. Lingahlanyeli emasimini enu inhlobo ezimbili zenhlanyelo. Lingambathi izigqoko ezenziwe ngamalembu amabili ehlukeneyo.

UDutheronomi 1:8

Khangelani, ngilivulele ilizwe phambi kwenu. Ngenani, lilithumbe ilizwe iNkosi eyafunga kubokhokho benu, oAbrahama loIsaka loJakobe, ukubanika lona lenzalo yabo emva kwabo.

UDutheronomi 6:1

Yiyo le imithetho lezimiso lezahlulelo iNkosi uNkulunkulu wakho eyangilaya ukukufundisa zona, ukuba uzenze elizweni oya kulo ukuba ulithumbe,

UDutheronomi 6:24

INkosi yasilaya ukwenza zonke lezizimiso lokwesaba iNkosi uNkulunkulu wethu, ukuba kusilungele njalonjalo, lokuba isilondoloze siphile njengalamhla.

UDutheronomi 7:11

Ngakho lizakugcina imilayo lezimiso lezahlulelo engililaya zona lamuhla.

UDutheronomi 8:11

Qaphelani ukuba lingakhohlwa iNkosi uNkulunkulu wenu ngokungagcini imithetho yayo lezimiso zayo lezahlulelo zayo, engililaya zona lamuhla.

UDutheronomi 9:1

Zwana, Israyeli; uzakuchapha iJordani lamuhla, ungene uthumbe ilizwe lezizwe ezinkulu lezilamandla kulawe, lemizi emikhulu ebiyelwe ngemithangala efika phezulu.

UDutheronomi 13:1

Uba kuvela phakathi kwenu umprofethi ingabe umphuphi wamaphupho, alitshengise isibonakaliso loba isimangaliso,

UJoshuwa 3:9

UJoshuwa wasesithi kubo abakoIsrayeli: Sondelani lapha, lizwe amazwi eNkosi uNkulunkulu wenu.

UJeremiya 11:6

INkosi yathi kimi: Tshumayela wonke lamazwi emizini yakoJuda lasezindleleni zaseJerusalema, uthi: Zwanini amazwi alesisivumelwano, liwagcine.