UDutheronomi 32:22 - iBhayibhili Elingcwele 1978

²² Ngoba umlilo usubasiwe ngentukuthelo yami, uyatshisa kuze kube senzikini yendawo yabafileyo; uqeda umhlaba lezithelo zawo, utshise izisekelo zezintaba.

IBhayibhili Elingcwele LesiNdebele

²² Ngoba umlilo usulunyathiswe yikuthukuthela kwami, wona otshisa ujule uze uyethinta ukufa ngaphansi. Uzahangula udle umhlaba kanye lesivuno sawo uthungele lezinsika zezintaba.

UDutheronomi 32:22 Referans Kwoze

Izililo 4:11

INkosi yaphelelisa ukuthukuthela kwayo, yehlisa ulaka lwayo olutshisayo, yaphemba umlilo eZiyone owaqothula izisekelo zalo.

UJeremiya 15:14

Ngizakukwenza ukuba usebenzele zonke izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

UZefaniya 3:8

Ngakhoke ngilindela, itsho iNkosi, kuze kube lusuku engizakuvuka ngalo ngithonisise izizwe. Ngoba isiqumo sami siyikubuthelela izizwe, ngiqoqe imibuso, ngithululele phezu kwayo intukuthelo yami, konke ukuvutha kolaka lwami; ngoba ngomlilo wolaka lwami lomona wami wonke umhlaba uzakutshiswa.

UMikha 1:4

Intaba zizancibilika ngaphansi kwayo lezihotsha ziqekezeke, zincibilike njengengcino phambi komlilo, zibe njengamanzi ageleza emaweni.

UJeremiya 17:4

Uzaliyekela ngokwakho ilizwe lakho engakunika lona, ngikwenze ukuba usebenzele izitha zakho elizweni ongalaziyo, ngoba ekuthukutheleni kwami kuphembeke umlilo ozavutha kuze kube nininini.

AmaHubo 86:13

Ngoba lukhulu kimi uthando lwakho olungapheliyo; wakhulula umphefumulo wami enzikini yendawo yabafileyo.

AmaNani 16:35

Kwavela eNkosini umlilo, waqothula labobantu abangamakhulu amabili lamatshumi amahlanu ababenikele ngempepha.

AmaHebheru 12:29

ngoba uNkulunkulu wethu ungumlilo oqothulayo.

2 AbaseThesalonika 1:8

Uzaphindisela kwabangamaziyo uNkulunkulu lakwabangalaleli ivangeli leNkosi yethu uJesu.

UMatewu 23:33

Lina zinyoka, nzalo yamabululu, lizakukuphepha kanjani ukulahlwa kwasesihogweni na?

UMatewu 18:9

Uba ilihlo lakho likukhubekisa, likhuphe; kungcono kuwe ukungena ekuphileni ulelihlo lilinye kulokuba uphoselwe esihogweni ulamehlo amabili.

UMatewu 10:28

Lingabesabi ababulala umzimba bengelamandla okubulala umphefumulo, kodwa mesabeni kakhulu olamandla okubhubhisa umphefumulo lomzimba esihogweni.

UHabhakhukhi 3:10

Intaba zakubona wena, zathuthumela, lezikhukhula zamanzi zedlula; amanzi amanengi akhupha ilizwi lawo, aphakamisela izandla zawo phezulu.

UHezekhiyeli 36:5

INkosi uNkulunkulu ithi: Ngikhuluma ngomona wami otshisayo ngezinye izizwe, ikakhulu ngalo lonke iEdoma, abazithathela ilizwe lami ngokuthokoza langokudelela ukuba libe ngelabo, bahlale kilo.

Izililo 2:3

Yaqeda ngokuvutha kolaka lwayo wonke amandla akoIsrayeli. Yasusa isandla sayo sokusiza phambi kwezitha. Yatshisa kuJakobe njengomlilo welangabi oqothula konke.

UJeremiya 4:4

Zisokeleni eNkosini, ukusoka kwenu kube ngokwenhliziyo, lina bantu bakoJuda labaseJerusalema, funa ulaka lwami luphembeke njengomlilo, luthungele, kungabi khona ongalucitsha, ngenxa yezenzo zenu ezimbi.

U-Isaya 54:10

Lanxa izintaba zingasuka, lamaqaqa asuswe, kodwa uthando lwami olungapheliyo kaluyikusuka kuwe, lesivumelwano sami sokuthula kasiyikususwa, kutsho iNkosi ekuhawukelayo.

U-Isaya 30:33

Ngoba indawo yokutshisela kade yalungiswa, yalungiselwa inkosi yaseAsiriya; isilungile, legodi layo lenziwa latshona, laba banzi, lilomlilo lenkuni ezinengi; umphefumulo weNkosi unjengomlilo olesolufa, uyawuthungela.

U-Isaya 24:6

Ngakhoke isiqalekiso siwehlele umhlaba, labahlala kiwo bayahlupheka ngenxa yesono sabo; ngakhoke abahlala emhlabeni bayancipha, sebeyingcosana nje abaseleyo.

AmaHubo 144:5

Khothamisa amazulu akho, Nkosi, wehlele phansi. Thinta izintaba zithunqe.

AmaHubo 97:3

Umlilo uyavutha phambi kwayo, utshise izitha zayo inxa zonke.

AmaHubo 83:14

njengomlilo otshisa ihlathi, njengelangabi elithungela intaba.

AmaHubo 46:2

Ngakhoke kasiyikwesaba lanxa umhlaba unyikinyeka, lanxa izintaba ziphoselwa olwandle,

AmaHubo 21:9

Uzakubabhubhisa njengomlilo ovuthayo ekufikeni kwakho. INkosi izakubaginya ekuthukutheleni kwayo, lomlilo uzakubaqothula.

UDutheronomi 29:20

INkosi kayiyikumthethelela, kodwa intukuthelo yayo lomhawu wayo kuzavutha kuye, zize zimehlele zonke iziqalekiso ezilotshiweyo ogwalweni lolu, iNkosi icitshe ibizo lakhe emhlabeni.

ULevi 26:20

lamandla enu azakuchithelwa ize, ngoba ilizwe lenu kaliyikuthela izithelo zalo, lezihlahla zelizwe kaziyikuthela izithelo zazo.

AmaNani 16:33

Bona behlela endaweni yabafileyo bephila lakho konke okwabo; umhlaba wabagqibela, banyamalala ebandleni.

UHezekhiyeli 38:19

Ngoba ngomona wami langolaka lwami oluvuthayo ngithi: Ngalolosuku kuzakuba khona ukunyikinyeka okukhulu elizweni lakoIsrayeli.

uAmosi 7:4

INkosi uNkulunkulu yasingitshengisa lokhu; yehlisa umlilo ukwahlulela ngawo, owaqothula amanzi amanengi, owawusuzakuqeda ilizwe.

Izililo 2:2

INkosi ichithile yonke imizi kaJakobe ingayihawukeli. Ekuthukutheleni kwayo idilizile izinqaba zakoJuda. Yaphosela phansi yangcolisa umbuso lamakhosi awo.

Izililo 2:4

Isinemba ngemitshoko yayo njengesitha, yathiya isandla sayo esilamandla; njengesitha ibulele bonke abathandeka emehlweni ethu; lasethenteni laseZiyone yehlisela ulaka lwayo njengomlilo.

UHezekhiyeli 19:12

Kodwa isihlahla sevini sasitshunwa ngokuthukuthela, saphoselwa phansi, lomoya wasempumalanga wasomisa, lezithelo zaso zaphephuka, isigodo saso esiqinileyo soma, umlilo wasitshisa.

UHezekhiyeli 22:21

Ngizalibuthelela, ngilifuthe ngomlilo wokuthukuthela kwami, lincibilike phakathi komuzi.

uAmosi 5:6

Dingani iNkosi ukuze liphile, funa ilumathe endlini kaJosefa njengomlilo otshisa uqothule, kungabi khona owucimayo eBetheli,

UZefaniya 1:18

Isiliva sabo legolide labo kakuyikuba lamandla okubakhulula ngosuku lolaka lweNkosi. Wonke umhlaba uzakuqedwa ngumlilo wolaka lwayo lomona wayo; ngoba izakuqeda, yebo izabajuma ibaqede bonke abakhileyo elizweni.