UDutheronomi 32:16 - iBhayibhili Elingcwele 1978

¹⁶ Bavusa umhawu wakhe ngonkulunkulu babezizwe, bamthukuthelisa ngokwenza izinto ezinengekayo.

IBhayibhili Elingcwele LesiNdebele

¹⁶ Bambangela ubukhwele ngabonkulunkulu babo bezizweni bamthukuthelisa ngezithombe zabo ezinengekayo.

UDutheronomi 32:16 Referans Kwoze

AmaHubo 78:58

Bamthukuthelisa ngezindawo zabo eziphakemeyo zokukhonzela, bavusa umona wakhe ngezithombe zabo.

1 AbaseKhorinte 10:22

Sizakuyivusa ulaka iNkosi na? Kambe silamandla kulayo na?

2 AmaKhosi 23:13

Inkosi yangcolisa indawo eziphakemeyo zokukhonzela ezazingasempumalanga kweJerusalema, ngaseningizimu kwentaba ethiwa iOliveti, uSolomoni inkosi yakoIsrayeli eyayizakhele uAshitorethi unkulunkulukazi oyisinengiso samaSidoni, loKemoshi unkulunkulu oyisinengiso saseMowabi, loMilkomu unkulunkulu oyisinengiso samaAmoni.

1 AmaKhosi 14:22

AbakoJuda benza okubi phambi kweNkosi, bayivusa umona ngezono zabo abazenzayo, ukwedlula konke okhokho babo ababekwenzile.

UDutheronomi 7:25

Izithombe ezibaziweyo zabonkulunkulu bazo lizakuzitshisa ngomlilo. Lingahawukeli isiliva legolide elikuzo, lingazithatheli lona, libe ngumjibila kini, lezizinto ziyisinengiso eNkosini uNkulunkulu wenu.

UDutheronomi 5:9

Ungazikhothameli, ungazikhonzi; ngoba mina iNkosi uNkulunkulu wakho nginguNkulunkulu olomona, ngehlisela ububi baboyise ebantwaneni besizukulwana sesithathu lesesine sabangizondayo,

ULevi 18:27

Ngoba zonke lezizinto ezimbi bazenza abantu balelolizwe ababekhona ngaphambi kwenu, ngakho ilizwe langcola.

UDutheronomi 32:21

Bavusile umona wami ngalokho okungesuye unkulunkulu; bangithukuthelisile ngezinto zabo eziyize. Ngakhoke ngizavusa umona wabo ngabangesibo abantu, ngibathukuthelise ngesizwe esiyisithutha.

AmaHubo 106:29

Bayithukuthelisa iNkosi ngezenzo zabo, kwavela umkhuhlane phakathi kwabo.

U-Isaya 43:12

Yimi engakubikezela, ngakumemezela, ngeza ukulisiza, kwakungesuye unkulunkulu wezizwe phakathi kwenu; lina lingofakazi bami, kutsho iNkosi.

UJeremiya 2:25

Ungazidinisi ngokuhambahamba ulandela abanye onkulunkulu, loba uzibulale ngomhawu. Kodwa wena wathi: Atshi, kangiyekeli, ngoba ngithandile abezizweni, ngizakubalandela.

UJeremiya 7:18

Abantwana batheza inkuni, oyise baphembe umlilo, abesifazana baxove inhlama, ukuba benzele iNkosikazi yaphezulu amaqebelengwana, bathululele abanye onkulunkulu iminikelo yokuthululwa, ukuba bangicunule.

UHezekhiyeli 8:3

Waseselula okwakungathi yisandla, wangibamba ngenwele. Umoya wangiphakamisela phakathi komhlaba lezulu, wangiletha ngemibono kaNkulunkulu eJerusalema, ngasentubeni yeguma elingaphakathi, elikhangele inyakatho, lapho kwakukhona isihlalo sesithombe somona esibanga umona.

1 AmaKhosi 14:9

wena wenzile okubi ukwedlula bonke ababekhona ngaphambi kwakho, uzenzele abanye onkulunkulu lezithombe ezikhandiweyo, wangithukuthelisa, wangifulathela.

2 AmaKhosi 17:11

Batshisa impepha endaweni zonke eziphakemeyo zokukhonzela njengokwenza kwezizwe iNkosi eyazixotsha phambi kwabo; benza izinto ezimbi beyithukuthelisa iNkosi uNkulunkulu,

2 AmaKhosi 17:17

Batshisa amadodana lamadodakazi abo abe yiminikelo, bavumisa bathakatha, bazinikela ekwenzeni okubi phambi kweNkosi beyithukuthelisa.

2 AmaKhosi 21:6

Watshisa umntanakhe waba ngumnikelo, wavumisa, wenza imilingo, wasebenza labalamadlozi labathakathi. Wenza okubi kakhulu phambi kweNkosi waze wayithukuthelisa.

UJeremiya 2:11

Isizwe sake santshintsha onkulunkulu baso, loba bengesibo onkulunkulu balutho na? Kodwa abantu bami bangintshintshile mina enginguNkulunkulu wabo obalethela udumo ngonkulunkulu ongasizi lutho.

UJeremiya 8:19

Lalelani ukukhala kwabantu bami, kuvela kuyo yonke imikhawulo yelizwe, kuthi: INkosi kayikho eZiyone na? INkosi yalo kayikho phakathi kwalo na? Bangicunuleleni ngezithombe zabo ezibaziweyo, langezithombe zezizwe na?