UDutheronomi 30:10 - iBhayibhili Elingcwele 1978

¹⁰ uba lilalela ilizwi leNkosi uNkulunkulu wenu, ligcine imilayo yayo lezimiso zayo ezilotshwe kulolugwalo lomlayo, liphendukela eNkosini uNkulunkulu wenu ngenhliziyo yenu yonke langomphefumulo wenu wonke.

IBhayibhili Elingcwele LesiNdebele

¹⁰ nxa lizalalela uThixo uNkulunkulu wenu ligcine imilayo lezimiso lezo ezabhalwa kule iNcwadi yoMthetho liphendukele kuThixo uNkulunkulu wenu ngenhliziyo yenu yonke langomphefumulo wenu wonke.”

UDutheronomi 30:10 Referans Kwoze

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.

1 AbaseKhorinte 7:19

Ngoba ukusoka kakusilutho, lokungasoki kakusilutho, kuphela ukulondoloza imilayo kaNkulunkulu.

UNehemiya 1:9

kodwa uba libuya kimi, lilondoloza imilayo yami liyenze, lanxa abachithiweyo benu besemaphethelweni omhlaba, ngizababutha lapho ngibabuyise endaweni engiyikhethele ukuba ibizo lami lidunyiselwe kiyo.

UDutheronomi 30:8

Lizabuya lilalele ilizwi leNkosi, ligcine yonke imilayo yayo engililaya yona lamuhla.

UDutheronomi 30:2

lizabuyela eNkosini uNkulunkulu wenu lina labantwana benu, lilalele ilizwi layo ngenhliziyo yenu yonke langomphefumulo wenu wonke, kukho konke engililaya khona lamuhla.

Imisebenzi 26:20

kodwa ngatshumayela kuqala kwabaseDamaseko labaseJerusalema, lakulo lonke ilizwe laseJudiya lakwabezizwe ukuze baphenduke, babuyele kuNkulunkulu, benze imisebenzi efanele ukuphenduka.

Imisebenzi 3:19

Ngakho phendukani, libuye futhi ukuze kuhlanjululwe izono zenu, ukuze kufike izikhathi zokuhlumelela ezivela ebusweni beNkosi,

UHezekhiyeli 33:19

Nxa omubi etshiya ububi bakhe, enze okufaneleyo lokulungileyo, uzakuphila ngenxa yakho.

UHezekhiyeli 33:14

Futhi uba ngisitsho komubi ukuthi uzakufa impela, kanti uba ephenduka ezonweni zakhe, enze okufaneleyo lokulungileyo,

UHezekhiyeli 33:11

Tshono kibo uthi: INkosi ithi: Ngiyazifunga mina, kangithokozi ngokufa komubi, kodwa ngokuba omubi atshiye indlela yakhe aphile; tshiyanike, tshiyani indlela zenu ezimbi, ngoba lizafelani, lina bakoIsrayeli na?

UHezekhiyeli 18:21

Uba omubi ephenduka ebubini bakhe bonke abenzileyo, agcine izimiso zami, enze okufaneleyo lokulungileyo, uzakuphila impela, kayikufa.

UDutheronomi 29:21

INkosi izakumahlukanisela ebubini kuzo zonke izizwe zakoIsrayeli, njengazo zonke iziqalekiso zesivumelwano ezilotshiweyo kulolugwalo lomlayo.

UDutheronomi 30:11

Ngoba lumlayo engililaya wona lamuhla kawulukhuni kini, futhi kawukhatshana lani.

UDutheronomi 6:5

Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.

UZakhariya 6:15

Lalabo abakhatshana bazafika ukusiza ukwakha ithempeli leNkosi; lizakwazi ukuba iNkosi yamabandla ingithumile kini. Lokhu kuzakwenzeka, uba lilalela ilizwi leNkosi uNkulunkulu ngenhliziyo zenu zonke.