UDutheronomi 3:11 - iBhayibhili Elingcwele 1978

¹¹ — Ngoba amaRefa ayesele kwasekunguOgi kuphela; umbheda wakhe wawungowensimbi; usekhona eRaba kumaAmoni. Ubude bawo babuzingalo ezificamunwemunye, lobubanzi bawo babuzingalo ezine, ngokwengalo yomuntu. —

IBhayibhili Elingcwele LesiNdebele

¹¹ (U-Ogi inkosi yaseBhashani nguye yedwa owayesesele emthonselaneni wamaRefayi. Umbheda wakhe wawungowensimbi njalo umude ukwedlula izingalo ezilitshumi lantathu kanti ububanzi bawo buzingalo eziyisithupha. Wona ulokhu useRabha yase-Amoni.)

UDutheronomi 3:11 Referans Kwoze

UGenesisi 14:5

Ngomnyaka wetshumi lane kweza uKedolawoma lamakhosi ayelaye, banqoba amaRefa eAshiterothi‐Karnayimi, lamaZuzi eHamu, lamaEmi egcekeni laseKiriyathayimi,

UJeremiya 49:2

Ngakhoke insuku ziyeza, kutsho iNkosi, lapho ngizakwenza ukuba kuhlatshwe umkhosi wempi ngeRaba elamaAmoni. Lizachitheka, lemizi yalo itshiswe ngomlilo; loIsrayeli alithathe futhi ilizwi lakhe kulabo abamamukayo, kutsho iNkosi.

2 USamuyeli 12:26

UJowabi wahlasela iRaba umuzi waseAmoni, wathatha isigaba esilechibi.

uAmosi 2:9

Kanti mina ngachitha amaAmori phambi kwabo, ubude bawo babulingana lobude bezihlahla zomkusu ezinde, lokuqina kwawo kunjengezihlahla ezinkulu; kodwa ngachitha izithelo zawo ngaphezulu, lempande zawo ngaphansi.

uAmosi 1:14

Ngakho ngizaphemba umlilo emithangaleni yaseRaba ozakuqeda izinqaba zalo ngokumemeza osukwini lokulwa, langesiphepha osukwini lwesivunguzane;

UHezekhiyeli 21:20

Dweba indlela yokufika kwayo eRaba elakoAmoni lakoJuda laseJerusalema elibiyelweyo.

2 USamuyeli 11:1

Ekuthwaseni komnyaka ngesikhathi sokuhlasela kwamakhosi, uDavida wathuma uJowabi kanye lenceku zakhe, loIsrayeli wonke, bahlasela amaAmoni, bavimbezela iRaba. Kodwa yena wasala eJerusalema.

1 USamuyeli 17:4

Kwaphuma ezihonqweni zamaFilistiya iqhawe elithiwa nguGoliyathi waseGathi, ubude bakhe babusedlula ingalo ezine lengxenye.

UDutheronomi 2:20

— Lalelo kuthiwa yilizwe lamaRefa, ngoba wona ayehlala khona endulo, kodwa abaseAmoni bawabiza ngokuthi ngamaZamuzumu;

UDutheronomi 2:11

njengamaAnaki laba kwakuthiwa ngamaRefa, kodwa abaseMowabi bababiza ngokuthi ngamaEmi.

Isambulo 21:17

Walinganisa umduli wawo, waba yizingalo ezilikhulu lamatshumi amane lane ngesilinganiso sabantu esasisetshenziswa yisithunywa.

UJoshuwa 12:4

loOgi inkosi yaseBashani omunye wabasalayo kumaRefa owayehlala eAshitarothi laseEdreyi,

UJoshuwa 13:12

lawo wonke umbuso kaOgi eBashani owabusa eAshitarothi laseEdreyi, nguye yedwa owasala kumaRefa. Labo bobabili uMose wabanqoba wabaxotsha emazweni abo.

UHezekhiyeli 25:5

Ngizakwenza iRaba libe lidlelo lamakamela, lemizi yamaAmoni ibe yisibaya semihlambi. Ng’khona lizakwazi ukuthi ngiyiNkosi.

UGenesisi 6:15

Nanku ozakukwenza; ubude bawo buzakuba yizingalo ezingamakhulu amathathu, ububanzi bawo bube yizingalo ezingamatshumi amahlanu, lokudepha kwawo kube yizingalo ezingamatshumi amathathu.