UDutheronomi 28:9 - iBhayibhili Elingcwele 1978

⁹ INkosi izakulimisa libe ngabantu abangcwele, njengokufunga kwayo kini, uba ligcina imilayo yayo, lihambe endleleni zayo.

IBhayibhili Elingcwele LesiNdebele

⁹ UThixo uzalimisa njengabantu bakhe abangcwele, njengokulithembisa kwakhe ngesifungo, nxa lingagcina imilayo kaThixo uNkulunkulu wenu lihambe ngezindlela zakhe.

UDutheronomi 28:9 Referans Kwoze

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

1 UPhethro 5:10

Kodwa lapho selihluphekile okwesikhatshana, uNkulunkulu womusa wonke owalibizela ebukhosini bakhe obungapheliyo ngoKristu, yena oqobo uzakuliphelelisa, aliqinise, alinike amandla.

UDutheronomi 13:17

Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

U-Isaya 62:12

Bazakubizwa ngokuthi ngabantu abangewele, abahlengiweyo beNkosi; wena uzakuthiwa ngoDingiweyo, umuzi ongatshiywanga.

UJeremiya 11:5

ukuba ngigcwalise isifungo engasifunga kubokhokho benu ukubanika ilizwe eligcwele uchago lenyosi, njengoba kunjalo lalamhla. Ngasengiphendula ngisithi: Yebo, Nkosi.

U-Isaya 1:26

Ngizakukunika abathonisisi abafana lalabo bakuqala, labaluleki bakho abanjengabakuqala, andubana ubizwe ngokuthi ngumuzi wokulunga lomuzi othembekileyo.

AmaHubo 87:5

Kuzakuthiwa ngeZiyone: Lo lalowayana bazalelwa khona. Ngoba oPhezukonke uqobo uzakuliqinisa.

2 AbaseThesalonika 3:3

Kodwa iNkosi ithembekile, izakuliqinisa, ilivikele komubi.

UDutheronomi 7:8

kodwa kungenxa yokulithanda kwayo langenxa yokusigcina kwayo isifungo eyasifunga kubokhokho benu, iNkosi yalikhupha ngesandla esilamandla, yalihlenga endaweni yobugqili lesandleni sikaFaro inkosi yaseGibithe.

UGenesisi 17:7

Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.

U-Eksodasi 15:26

yathi: Uba lilalela ilizwi leNkosi uNkulunkulu wenu ngenhliziyo yenu yonke, lenze okulungileyo emehlweni ayo, lilalele imilayo yayo, ligcine zonke izimiso zayo, kangiyikwehlisela phezu kwenu lasinye sezifo engazehlisela phezu kwamaGibithe; ngoba ngiyiNkosi eliphilisayo.