UDutheronomi 28:10 - iBhayibhili Elingcwele 1978

¹⁰ Bonke abantu basemhlabeni bazakubona ukuthi libizwa ngebizo leNkosi, balesabe.

IBhayibhili Elingcwele LesiNdebele

¹⁰ Ngalokho bonke abantu emhlabeni bazabona ukuthi lina libizwa ngebizo likaThixo, balesabe.

UDutheronomi 28:10 Referans Kwoze

2 ImiLando 7:14

uba abantu bami ababizwa ngebizo lami bezithoba, bakhuleke bengidinga, betshiya indlela zabo ezimbi, mina ngizakuzwa ngisezulwini, ngithethelele izono zabo, ngikhulule ilizwe labo.

UDutheronomi 11:25

Kakulamuntu ozamelana lani; iNkosi uNkulunkulu wenu izakubenza abantu belizwe lonke elizakunyathela kulo batshaywe luvalo, balesabe, njengokulithembisa kwayo.

UJeremiya 33:9

IJerusalema lizakuba libizo elingijabulisayo, udumo lwami lokuzincoma kwami, kuzo zonke izizwe zomhlaba ezizakuzwa ngokuhle konke engibenzela khona; zizakwesaba, zithuthumele ngokuhle konke langokuphumelela konke engibenzele khona.

UMalaki 3:12

Zonke izizwe zizakuthi libusisiwe, ngoba lizakuba yilizwe elithokozisayo, kutsho iNkosi yamabandla.

1 ImiLando 14:17

Udomo lukaDavida lwafinyelela kuwo wonke amazwe; iNkosi yenza zonke izizwe ukuba zimesabe.

AmaNani 6:27

Ngokunjaloke bazakubiza ibizo lami phezu kwabakoIsrayeli, ngibabusise.

UJoshuwa 5:1

Kwathi wonke amakhosi amaAmori ayengaphetsheya kweJordani ngasentshonalanga lawo wonke amakhosi amaKanani ayengasolwandle esizwa ukuba iNkosi yenza amanzi eJordani atsha ukuba abakoIsrayeli bachaphe, inhliziyo zawo zaphela amandla, aphelelwa layisibindi ngenxa yabantu bakoIsrayeli.

U-Eksodasi 14:25

yaqobotsha amavili ezinqola ukuba zihambe nzima, aze athi amaGibithe: Asibalekele abakoIsrayeli, ngoba iNkosi iyabalwela imelene lathi.

U-Eksodasi 12:33

AmaGibithe ayebakhuthaza abantu ukuba baphume elizweni ngokuphangisa, ngoba athi: Thina sonke sifile.

U-Isaya 63:19

Sinjengalabo ongazanga ubabuse, lanjengabangabizwanga ngebizo lakho.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

Imisebenzi 15:17

ukuze abaseleyo babantu kanye lezizwe zonke bayifune iNkosi ababizwe ngebizo lami,

UDutheronomi 2:25

Kusukela lamhla ngizakwenza abantu bonke abangaphansi komthunzi welanga batshaywe luvalo, balesabe, lokuthi lapho besizwa ngani bathuthumele, baqhaqhazele ngenxa yenu.

UJeremiya 14:9

Yini ukuba ube njengomuntu odidekileyo, ube njengeqhawe elingasiziyo. Kanti, wena Nkosi, ukhona phakathi kwethu, lathi sibizwa ngebizo lakho; ungasitshiyi.