UDutheronomi 25:1 - iBhayibhili Elingcwele 1978

¹ Uba abantu bexabana, baye kubathonisisi, abathonisisi bazakubathonisisa, bayekele ongelacala, balahle olecala.

IBhayibhili Elingcwele LesiNdebele

¹ “Nxa amadoda exabana, ingxabano yawo kumele isiwe emthethwandaba ukuze kuthi abehluleli bakhuphe isinqumo ngaleyondaba, bakhulule omsulwa njalo bamlahle olecala.

UDutheronomi 25:1 Referans Kwoze

Izaga 17:15

Ukuyekela ababi lokulahla abalungileyo kuzondwa yiNkosi.

UMatewu 3:10

Lakhathesi ihloka selibekiwe empandeni zezihlahla. Ngakho ileso laleso isihlahla esingatheli isithelo esihle siyaganyulwa, siphoselwe emlilweni.

UMalaki 3:18

Beselibuya lisahlukanisa phakathi kwabalungileyo lababi, laphakathi komuntu omkhonzayo uNkulunkulu longamkhonziyo.

UHabhakhukhi 1:13

Wena omehlo akho ahlambulukile kakhulu ukuba abone okubi, ongelakukukhangela okungalunganga, ubakhangelelani abakhohlisayo na? Uthulelani lapho ababi beqeda abalungileyo kulabo na?

UHabhakhukhi 1:4

Umlayo ubuthakathaka, lokwahlulela kakuphumeleli. Ngoba omubi uphica olungileyo, ngakho ukulunga kuyahlanekelwa.

UHezekhiyeli 44:24

Lapha kukhona ukuphikisana bazakwahlulela, bahlulele ngokufanele izahlulelo zami. Bazagcina imilayo yami lezimiso zami kiyo yonke imikhosi yami emisiweyo, bagcine amaSabatha ami abe ngcwele.

UJeremiya 21:12

lina ndlu kaDavida. INkosi ithi: Yenzani okulungileyo ekuseni, likhulule esandleni socindezelayo lowo ophangiweyo, funa ulaka lwami luvuthe njengomlilo, lutshise, kungabi khona olucimayo, ngenxa yezenzo zenu ezimbi.

U-Isaya 11:4

kodwa uzakwahlulela abayanga ngokulunga, aqumele abathobileyo bomhlaba ngobuqotho; ilizwi lakhe lizakuba yintonga yokutshaya abangalunganga, lezigwebo zakhe zizakubabulala ababi.

U-Isaya 5:23

abayekela abalamacala ngenxa yomvuzo, bathathele abangelacala ilungelo labo!

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

U-Isaya 1:17

lifunde ukwenza okuhle, lidinge okufaneleyo, lisize abacindezelweyo, livikele izintandane, limele umfelwakazi.

2 USamuyeli 23:3

UNkulunkulu kaIsrayeli usekhulumile, iDwala likaIsrayeli likhulumile kimi lathi: Obusa abantu ngokulunga, abuse ngokumesaba uNkulunkulu,

U-Eksodasi 22:9

Ngezindaba zonke zamacala, eyenkabi lekababhemi leyemvu leyezambatho, ingabe eyempahla elahlekileyo umuntu atsho ngayo ukuthi ngeyakhe, indaba yabo bobabili izabekwa phambi kukaNkulunkulu; olahlwa nguNkulunkulu uzahlawula umakhelwane wakhe kuphindwe kabili.

UDutheronomi 17:11

lenze njengokulitshela kwabo lanjengesiqumo abalitshela sona; lingaphambukeli ngakwesokunene langakwesokhohlo kwesiqumo abalitshela sona.

UDutheronomi 24:22

Khumbula ukuthi wawuyisigqili elizweni laseGibithe; yikho ngikulaya ukwenza lokho.

1 AmaKhosi 8:32

akuzwe wena usezulwini, wahlulele inceku zakho, uyilahle elecala, wehlisele izenzo zayo phezu kwayo, uyekele elungileyo, uyinike umvuzo ofanele ukulunga kwayo.

U-Isaya 5:20

Maye kulabo abathi okubi kuhle, lokuhle kubi, ababeka umnyama esikhundleni sokukhanya, lokukhanya esikhundleni somnyama, abathi okubabayo kumnandi, lokumnandi kuyababa!

Izililo 3:35

lokwamuka umuntu ilungelo lakhe phambi koPhezukonke,

Izililo 3:36

lokona umuntu endabeni yakhe, iNkosi kayikukuvuma lokho.