UDutheronomi 24:19 - iBhayibhili Elingcwele 1978

¹⁹ Lapho uvuna ensimini yakho, ukhohlwe isithungo ensimini, ungabuyeli ukusithatha; sizakuba ngesowezizwe lesentandane lesomfelwakazi, ukuba iNkosi uNkulunkulu wakho ikubusise kuwo wonke umsebenzi wezandla zakho.

IBhayibhili Elingcwele LesiNdebele

¹⁹ Nxa uvuna ensimini yakho ube usutshiya isikhwebu, ungabuyeli emuva ukuyasithatha, sitshiyele owezizweni, intandane, lomfelokazi, ukuze uThixo uNkulunkulu wakho akubusise kuwo wonke umsebenzi wezandla zakho.

UDutheronomi 24:19 Referans Kwoze

ULevi 23:22

Lapho livuna isivuno selizwe lakini, lingavuni ngokupheleleyo kuze kufike emngceleni wensimu; futhi lingabuthi okuseleyo lapho seliqedile ukuvuna, kodwa likutshiye kube ngokwabayanga lokwabemzini. NgiyiNkosi uNkulunkulu wenu.

UDutheronomi 14:29

UmLevi, lokhu engelasabelo kini, kanye lowemzini, lentandane, lomfelwakazi abaphakathi kwemizi yenu bazakuza, badle, basuthe, ukuba iNkosi uNkulunkulu wenu ilibusise kuwo wonke umsebenzi wezandla zenu.

Izaga 19:17

Olomusa kumyanga weboleka iNkosi, yona izamvuza ngesenzo sakhe.

ULukha 6:38

Phanini, lani lizakuphiwa; lizakuphiwa esandleni isilinganiso esihle, sigqitshiwe, sahlukuzwa, sigcwele sithe kliki; ngoba ngesilinganiso elilinganisa ngaso lani lizakulinganiselwa ngaso.

U-Isaya 32:8

Kodwa oqotho wenza ubuqotho, uqiniswa yizinto eziqotho.

AmaHubo 112:9

Uphana kakhulu, ubanika abayanga; ukulunga kwakhe kuhlala kuze kube nininini; uyaphakanyiswa ngodumo.

UJobe 42:12

INkosi yazibusisa insuku zokucina zikaJobe kulezakuqala. Waba lezimvu ezizinkulungwane ezilitshumi lane, lamakamela azinkulungwane eziyisithupha, lenkabi ezizinkulungwane, lobabhemi abasikazi abayinkulungwane.

UDutheronomi 26:13

uzakuthi phambi kweNkosi uNkulunkulu wakho: Sengikhuphile endlini yami okwetshumi okwahlukaniselwa wena, ngakunika lowemzini lentandane lomfelwakazi njengayo yonke imilayo yakho ongitshele yona; kangiweqanga lowodwa umlayo wakho, futhi kangiyikuyikhohlwa.

URuthe 2:16

limhwatshele ezinye ezinyandeni, limtshiyele ukuba adobhe, lingamkhuzi.

UDutheronomi 15:10

Kodwake mnikeni ngesihle, inhliziyo yenu ivuma nxa limnika; ngoba ngenxa yalokhu iNkosi uNkulunkulu wenu izakulibusisa kuwo wonke umsebenzi wenu lakukho konke ukwenza kwenu.

ULukha 6:35

Kodwa thandani izitha zenu, lenze okuhle, leboleke, lingalindeli mvuzo; lomvuzo wenu uzakuba mkhulu, libe ngabantwana boPhezukonke, ngoba yena ulobubele kwabangabongiyo lababi.

Izaga 14:21

Odelela umuntu oswelayo wenza okubi, kodwa olomusa kwabangabayanga ubusisiwe.

UDutheronomi 24:18

kodwa khumbula ukuthi wawuyisigqili eGibithe, wakhululwa lapho yiNkosi uNkulunkulu wakho; yikho ngikulaya ukuba wenze njalo.

URuthe 2:2

URuthe waseMowabi wathi kuNawomi: Ake ngiye emasimini, ngiyedobha amabele asalayo emva kwalowo ozangenzela umusa. Yena wasesithi kuye: Hamba, mntanami.