UDutheronomi 24:17 - iBhayibhili Elingcwele 1978

¹⁷ Ungonakalisi ukwahlulelwa kowemzini lentandane; ungathathi ingubo yomfelwakazi ibe yisibambiso;

IBhayibhili Elingcwele LesiNdebele

¹⁷ Ungavaleli owezizweni loba intandane ilungelo layo loba uthathe isembatho somfelokazi ukuze sibe yisibambiso.

UDutheronomi 24:17 Referans Kwoze

UDutheronomi 16:19

Lingonakalisi ukulunga, lingabandlululi muntu, lingamukeli umvuzo wokuthengwa, ngoba uphumputhekisa amehlo abahlakaniphileyo, wonakalise indaba yabalungileyo.

UDutheronomi 27:19

Kaqalekiswe owonakalisa ukwahlulelwa kowemzini lentandane lomfelwakazi. Bonke abantu bazakuthi: Ameni.

U-Eksodasi 23:6

Kawuyikwenzela umyanga isahlulelo esibi ecaleni lakhe.

UMikha 7:3

Izandla zabo zikhuthalele ukwenza okubi, isikhulu lomahluleli bathengwa ngemali, loyisikhulu wahlulela ngokuthanda kwakhe, kuhlanekelwe ukulunga.

UJeremiya 5:28

bakhuluphele; kabalamkhawulo ekwenzeni kwabo okubi, kabameli ukulunga lezintandane ukuba ziphumelele, kabavikeli amalungelo abaswelayo.

U-Isaya 1:23

Izikhulu zakho zingabahlamuki labangane bamasela; zithanda ukwamukela umvuzo wokuthengwa, zigijimela izipho; kazivikeli izintandane, lendaba yomfelwakazi kayifinyeleli kuzo.

UDutheronomi 1:17

Ekwahluleleni kwenu lingabi labandlululo, kodwa zwanini omncinyane njengomkhulu: lingesabi muntu, ngoba ukwahlulela kungokukaNkulunkulu. Lethani kimi indaba ezilahlulayo ukuba ngizizwe.

U-Eksodasi 23:9

Kawuyikumcindezela umuntu wezizweni; ngoba liyayazi inhliziyo yomuntu wezizweni lokhu lani lalingabezizweni elizweni laseGibithe.

U-Eksodasi 23:2

Ungalandeli inengi labantu ukwenza okubi, ungabasekeli ngokufakaza ecaleni ukuba kwenziwe isahlulelo esibi;

UJakhobe 2:6

Kodwa lina libadumazile abayanga. Abanothileyo kabalicindezeli na? Kakusibo abalidonsela emacaleni na?

ULukha 3:14

Lamabutho athi kuye: Thinake, sizakwenzani? Wathi kuwo: Lingamamuki muntu ulutho, lingadlelezeli; yaneliswani ngumvuzo wenu.

UMalaki 3:5

Besengifika kini ukulithonisisa; ngizakuba ngufakazi okhutheleyo mayelana lezangoma, lezifebe, lokufungela amanga, lokucindezela abaqatshiweyo ngamaholo abo, lokucindezela abafelwakazi, lezintandane, lalabo abasunduzela eceleni abezizweni, bengangesabi mina.

UZakhariya 7:10

lingacindezeli umfelwakazi lentandane lowezizweni lomyanga, kungabi khona loyedwa wenu owenza amacebo amabi enhliziyweni yakhe ngomfowabo.

UHezekhiyeli 22:29

Abantu belizwe bayaqilibezela, baphange abanye, bahluphe abayanga labaswelayo, bacindezele kakhulu abezizweni.

UHezekhiyeli 22:7

Phakathi kwakho abazali benziwa inhlekisa, owezizweni uyacindezela phakathi kwakho, koniwe intandane lomfelwakazi.

UJeremiya 22:3

INkosi ithi: Yenzani okuqotho lokulungileyo, likhulule esandleni somcindezeli lowo ophangiweyo, lingenzi okubi kowezizwe, lakuzo izintandane, lakumfelwakazi, lingachithi igazi elingelacala kulindawo.

U-Isaya 33:15

Yena ohamba ngokulunga, akhulume ngobuqotho, ozonda ukuzuza inzuzo ngokucindezela, owala ukwamukela imali yokuthengwa, owala ukuchitha igazi, locimeza amehlo akhe ukuba angafumani ithuba lokwenza okubi;

U-Isaya 3:15

Libachobozelani abantu bami ngokucindezela abangabayanga na? kutsho iNkosi uNkulunkulu wamabandla.

UmTshumayeli 5:8

Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.

Izaga 31:5

ngoba uba benatha, bazakhohlwa izimiso, bahlanekele amalungelo abahluphekayo.

UDutheronomi 24:13

kodwa uzasibuyisela kuye isibambiso lapho ilanga litshona, ukuba alale ngengubo yakhe, akubonge; lokho kuzakuthiwa yikulunga phambi kweNkosi uNkulunkulu wakho.

UDutheronomi 24:6

Kakungabi khona umuntu ozathatha ilitshe lokuchola loba imbokodo ukuba kube yisibambiso; ngoba ngokwenza njalo uthatha ukuphila kube yisibambiso.

ULevi 19:33

Nxa owezizweni ehlala lani elizweni lakini, lingamhluphi.

UDutheronomi 24:18

kodwa khumbula ukuthi wawuyisigqili eGibithe, wakhululwa lapho yiNkosi uNkulunkulu wakho; yikho ngikulaya ukuba wenze njalo.

UJobe 22:6

Ngoba uthethe isibambiso ngeze kubafowenu, wahlubula abayanga izigqoko, bahambaze.

UJobe 24:3

Bayaxotsha ubabhemi wentandane, bathathe inkabi yomfelwakazi ibe yisibambiso.

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.