UDutheronomi 16:3 - iBhayibhili Elingcwele 1978

³ Lingadli isinkwa esilemvubelo kanye lomhlatshelo wePhasika; insuku eziyisikhombisa lizawudla kanye lesinkwa esingelamvubelo, isinkwa senhlupheko — ngoba laphuma eGibithe ngokuphangisa. — Ngalokhu lizakulukhumbula usuku lokuphuma kwenu eGibithe zonke insuku zokuhamba kwenu.

IBhayibhili Elingcwele LesiNdebele

³ Lingasidli ndawonye lesinkwa esilemvubelo, kodwa okwensuku eziyisikhombisa kumele lidle isinkwa esingelamvubelo, isinkwa sokuhlupheka, ngoba lasuka eGibhithe ngokujaha ukuze insuku zonke zokuphila kwenu likhumbule isikhathi elasuka ngaso eGibhithe.

UDutheronomi 16:3 Referans Kwoze

U-Eksodasi 12:39

Bapheka izinkwa ezingelamvubelo ngenhlama ababephume layo eGibithe ingavutshelwanga, ngoba baxotshwa ngokuphangisa eGibithe, bengaselasikhathi sokuzilungisela umphako.

U-Eksodasi 34:18

Ugcine umkhosi wesinkwa esingelamvubelo; njengokukulaya kwami udle isinkwa esingelamvubelo insuku eziyisikhombisa ngesikhathi esimisiweyo senyanga kaAbibi, ngoba ngenyanga kaAbibi waphuma eGibithe.

ULukha 22:19

Wathatha isinkwa, esebongile, wasihlephuna, wabanika esithi: Lokhu kungumzimba wami, [owanikelelwa lina; yenzani lokhu ukuba lingikhumbule.

AmaNani 9:11

Abanjalo bazakuligcina ngenyanga yesibili, ngosuku lwetshumi lane, kusihlwa; bazakulidla lesinkwa esingelamvubelo lemibhida ebabayo.

U-Eksodasi 12:8

Ngalobobusuku bazakudla inyama eyosiwe ngomlilo kanye lesinkwa esingelamvubelo lemibhida ebabayo.

1 AbaseThesalonika 1:6

Lani lalingisa thina leNkosi; ekuhluphekeni okukhulu selilamukele ilizwi ngokuthokoza kukaMoya oNgcwele,

1 AbaseKhorinte 5:8

Ngakhoke asigcine umkhosi, kungabi ngemvubelo endala, kungabi ngemvubelo yobubi lokona, kodwa kube ngesinkwa esingelamvubelo sobuqotho leseqiniso.

UZakhariya 12:10

Ngizathela phezu kwendlu kaDavida laphezu kwabakhileyo eJerusalema umoya wesihawu lowobubele, ukuze kuthi nxa bembona abamgwazileyo, bamlilele, njengokulilelwa komntwana ozelwe yedwa, bamkhalele kakhulu njengokukhalelwa kolizibulo.

AmaHubo 127:2

Kuyize kini ukuba livuke ekuseni liphuze ukuphumula, lidle ukudla kokusebenza nzima; ngoba iNkosi iyamnika ubuthongo emthandayo.

AmaHubo 111:4

Yenzile ukuba imisebenzi yayo emangalisayo ikhunjulwe; iNkosi ilomusa lesihawu.

AmaHubo 102:9

Ngoba ngidla umlotha, ngixubanise okunathwayo kwami lezinyembezi

1 AmaKhosi 22:27

yathi: Valelani lumuntu entolongweni, limnike ukudla lamanzi alutshwana ngize ngibuye kuhle.

AmaNani 28:17

Ngosuku lwetshumi lanhlanu lwenyanga le kuzakuba khona umkhosi; kuzakudliwa isinkwa esingelamvubelo insuku eziyisikhombisa.

ULevi 23:6

Usuku lwetshumi lanhlanu lwaleyonyanga lungumkhosi wesinkwa esingelamvubelo eNkosini; dlanini isinkwa esingelamvubelo insuku eziyisikhombisa.

U-Eksodasi 12:11

Libokudla, inkalo zenu zibotshiwe, izicathulo zisenyaweni zenu lezindondolo zenu zisezandleni zenu; lidle ngokuphangisa; kuliPhasika leNkosi.

U-Eksodasi 12:17

Ngakhoke kalibogcina umkhosi wesinkwa esingelamvubelo; ngoba ngalolosuku ngikhuphile izimpi zenu eGibithe. Kalibogcina lolosuku ngokomthetho kuzo zonke izizukulwana zenu kuze kube nini lanini.

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

UDutheronomi 16:2

Lizakuthatha ezimvini zenu loba ezinkomeni zenu, linikele umhlatshelo wePhasika eNkosini uNkulunkulu wenu endaweni iNkosi ezakuyikhetha ukuba idunyiselwe kiyo.

U-Isaya 52:12

Kaliyikuphuma ngokuphangisa, kaliyikuphuma libaleka, ngoba iNkosi izakulihola, loNkulunkulu kaIsrayeli alivikele ngasemuva.

UJoshuwa 4:7

Lizabatshelake ukuba amanzi eJordani aqamuka phambi komtshotsho wesivumelwano seNkosi, lapho uchapha iJordani. Ngakho lamatshe azakuba yisikhumbuzo ebantwini bakoIsrayeli kokuphela.