UDutheronomi 14:21 - iBhayibhili Elingcwele 1978

²¹ Lingabokudla ulutho oluzifeleyo; lingabanika lona abezizweni abahlala emizini yenu ukuba baludle, loba liluthengise kwabezizwe; ngoba lingabantu abangcwele eNkosini uNkulunkulu wenu. Futhi lingapheki izinyane lembuzi ngochago lukanina.

IBhayibhili Elingcwele LesiNdebele

²¹ Lingabokudla ingcuba. Lingakunika loba ngubani owezizweni ohlezi loba kukuliphi phakathi kwamadolobho enu, yena angakudla, ulakho njalo ukuthi angathengisela omunye laye owezizweni. Kodwa lina lingabantu abangcwele kuThixo uNkulunkulu wenu. Lingapheki izinyane lembuzi ngochago lukanina.”

UDutheronomi 14:21 Referans Kwoze

U-Eksodasi 23:19

Ikhethelo lezithelo zokuqala zamasimu akho uzakuliletha endlini yeNkosi uNkulunkulu wakho. Ungapheki izinyane ngochago lukanina.

U-Eksodasi 34:26

Ikhethelo lezithelo zakuqala zamasimu akho ulilethe endlini yeNkosi uNkulunkulu wakho. Ungapheki izinyane ngochago lukanina.

UDutheronomi 14:2

Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

ULevi 22:8

Lokho okuzifeleyo lalokho okubanjwe yizilo kangakudli ukuba angazingcolisi ngakho. NgiyiNkosi.

ULevi 17:15

Futhi wonke umuntu, loba engowokuzalwa elizweni loba engowemzini, odla lokho okuzifeleyo loba lokho okubanjwe yizilo, kagezise ingubo zakhe, ageze ngamanzi, ahlale engcolile kuze kuhlwe; emva kwalokho uzakuhlambuluka.

UHezekhiyeli 4:14

Ngasengisithi: O Nkosi Nkulunkulu! Kangizanga ngingcoliswe. Kusukela ebutsheni bami kuze kube lamuhla kangizanga ngidle ingcuba lokubulewe zinyamazana, lenyama engcolileyo kayizanga ingene emlonyeni wami.

1 UPhethro 1:16

njengokulotshiweyo ukuthi: Lizakuba ngcwele ngoba mina ngingcwele.

AbaseRoma 12:2

Lingalingisi lumhlaba, kodwa liphendulwe ngokwenziwa zibentsha ingqondo zenu, ukuze libonisise okuyintando kaNkulunkulu, lokulungileyo, lokwamukelekayo, lokupheleleyo.

Imisebenzi 15:20

kodwa asibalobele ukuba bazile amanyala ezithombe, lokufeba, lokukhanyiweyo, legazi.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 8:24

Izakuba lamandla amakhulu, ilethe ukuchitheka okwesabekayo, iphumelele kulokho ekwenzayo, ichithe amaqhawe labantu babangcwele.

U-Eksodasi 19:6

lizakuba ngumbuso wabapristi lesizwe esingcwele kimi. Yiwo amazwi ozakuwatsho kwabakoIsrayeli.

ULevi 11:40

Odla isidumbu sayo kagezise ingubo zakhe, ahlale engcolile kuze kuhlwe; lothwala isidumbu sayo kagezise ingubo zakhe, ahlale engcolile kuze kuhlwe.

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

UDutheronomi 14:20

Lingadla konke okuhlambulukileyo okulamaphiko.

UHezekhiyeli 44:31

Abapristi kabayikudla inyoni kumbe inyamazana ezifeleyo loba ebanjwe ngenye.

U-Eksodasi 22:30

lenze njalo langezinkabi zenu lezimvu zenu; azahlala lonina insuku eziyisikhombisa; ngosuku lwesificaminwembili linginike wona.