UDutheronomi 14:2 - iBhayibhili Elingcwele 1978

² Ngoba lingabantu abangcwele eNkosini yenu; ilikhethile ukuba libe ligugu layo phakathi kwezizwe zonke zasemhlabeni.

IBhayibhili Elingcwele LesiNdebele

² ngoba lingabantu abangcwele kuThixo uNkulunkulu wenu. Ebantwini bonke abasemhlabeni, uThixo ulikhethile lina ukuthi libe ngabantu bakhe abaligugu.

UDutheronomi 14:2 Referans Kwoze

UDutheronomi 7:6

Ngoba lingabantu abangcwele eNkosini uNkulunkulu wenu; ilikhethile ukuba libe ligugu kuyo phakathi kwazo zonke izizwe ezisemhlabeni.

ULevi 20:26

Wobani ngcwele kimi, ngoba mina Nkosi ngingcwele; ngilahlukanisile labezizwe ukuba libe ngabami.

1 UPhethro 2:9

Kodwa lina liluhlanga olukhethiweyo, ubupristi bobukhosi, lesizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.

ULevi 19:2

Tshono kulo lonke ibandla labakoIsrayeli uthi: Wobani ngcwele, ngoba mina Nkosi ngingcwele.

UThithu 2:14

Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.

UDutheronomi 28:9

INkosi izakulimisa libe ngabantu abangcwele, njengokufunga kwayo kini, uba ligcina imilayo yayo, lihambe endleleni zayo.

ULevi 11:45

Ngoba ngiyiNkosi eyalikhupha elizweni laseGibithe ukuba ngibe nguNkulunkulu wenu. Ngakho wobani ngcwele, ngoba mina ngingcwele.

U-Isaya 62:12

Bazakubizwa ngokuthi ngabantu abangewele, abahlengiweyo beNkosi; wena uzakuthiwa ngoDingiweyo, umuzi ongatshiywanga.

UDanyeli 8:24

Izakuba lamandla amakhulu, ilethe ukuchitheka okwesabekayo, iphumelele kulokho ekwenzayo, ichithe amaqhawe labantu babangcwele.

UDutheronomi 14:21

Lingabokudla ulutho oluzifeleyo; lingabanika lona abezizweni abahlala emizini yenu ukuba baludle, loba liluthengise kwabezizwe; ngoba lingabantu abangcwele eNkosini uNkulunkulu wenu. Futhi lingapheki izinyane lembuzi ngochago lukanina.

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UHezekhiyeli 21:2

Ndoda, khangela ngaseJerusalema, utshumayele ngezindawo zakhona ezingcwele, utshumayele ngelizwe lakoIsrayeli,

U-Isaya 6:13

Lanxa kusele kulo ingxenye yetshumi yabantu, izatshiswa, njengesihlahla esikhulu, okusasele isidindi saso emhlabathini, lapho isihlahla sesiganyuliwe. — Esidindini kuzavela okutsha —

AbaseRoma 12:1

Ngakhoke, bazalwane, ngiyalincenga ukuba, ngesihawu sikaNkulunkulu, linikele imizimba yenu ibe ngumnikelo ophilileyo, ongcwele, owamukelekayo kuNkulunkulu, kube yikukhonza kwenu okuqotho.

UDutheronomi 4:20

Kodwa lina iNkosi yalithatha, yalikhupha esithandweni sensimbi, eGibithe, ukuba libe ngabantu bayo njengalamuhla.

UDutheronomi 33:3

Yebo, yabathanda abantu bayo. Bonke abangcwele bayo babesesandleni sayo; bahlala ngasenyaweni zayo, bamukele imilayezo yayo.

U-Ezra 9:2

Bazithathele emadodakazini azo ukuba abe ngomkabo labamadodana abo, kwaze kwaxubana isizwe esingcwele labantu bezizwe. Kulobububi izinduna lezikhulu yizo eziphambili.

U-Isaya 41:9

wena engakuthatha emikhawulweni yomhlaba, ngakubiza ezingonsini zawo ezikhatshana, ngisithi kuwe: Wena uyinceku yami, ngikukhethile, kangiyikukulahla;

UJeremiya 2:3

UIsrayeli wayengcwele eNkosini, eyizithelo zokuqala zesivuno sayo. Bonke abazidlayo baba lecala, behlelwa ngokubi, kutsho iNkosi.

ULevi 20:24

Kodwa ngathi kini: Lizakuthumba ilizwe labo, ngilinike lona libe yilifa lenu, ilizwe eligcwele uchago lenyosi. NgiyiNkosi uNkulunkulu wenu, olahlukanise labezizwe.

UDutheronomi 7:7

INkosi kayilithandanga, kayilikhethanga ngoba lalibanengi kulazo zonke ezinye izizwe; ngoba lalibalutshwana kulazo zonke;