UDutheronomi 13:17 - iBhayibhili Elingcwele 1978

¹⁷ Lingagcini lutho kwalokho okuqalekisiweyo, ukuba iNkosi iphenduke entukuthelweni yayo evuthayo, ilihawukele, ibe lobubele kini, ilandise, njengalokhu yafunga kubokhokho benu,

IBhayibhili Elingcwele LesiNdebele

¹⁷ Akungabi lokukodwa kwalokho okusoliweyo okuzafunyanwa ezandleni zenu, ukuze uThixo adedise ulaka lwakhe oluvuthayo; alitshengisele umusa wakhe, abe lozwelo kini, andise amanani enu, njengoba wathembisa ngesifungo kubokhokho benu,

UDutheronomi 13:17 Referans Kwoze

UJoshuwa 7:26

Babuthelela phezu kwakhe inqwaba enkulu yamatshe; isekhona lalamhla. Kwasekuphela ukuvutha kolaka lweNkosi. Ngakho leyondawo isabizwa ngokuthi yisihotsha saseAkori, okutsho inhlupheko.

UDutheronomi 7:26

Lingalethi isithombe ezindlini zenu, funa ube yinto eqalekisiweyo njengaso; kodwa lisizonde kakhulu, lisenyanye, ngoba siyinto eqalekisiweyo.

UGenesisi 26:24

INkosi yabonakala kuye ngalobobusuku yathi: NginguNkulunkulu kaAbrahama uyihlo. Ungesabi ngoba ngilawe, ngizakukubusisa ngiyandise inzalo yakho ngenxa yenceku yami uAbrahama.

UGenesisi 26:4

Ngizakwandisa inzalo yakho ibe ngangezinkanyezi zezulu, ngiyinike inzalo yakho lamazwe wonke; ngenzalo yakho zizabusiswa izizwe zonke zomhlaba;

UJoshuwa 6:18

Kodwa lina lingathathi izinto ezinikelwe ukubhujiswa, funa kuthi lapho selizinikele lithathe izinto ezinikelweyo, lenze izihonqo zakoIsrayeli zibe yinto yokubhujiswa, lehlisele uhlupho phezu kwazo.

UDutheronomi 30:3

INkosi uNkulunkulu wenu izalihawukela, ibuyise abathunjiweyo benu, ilibuthe futhi ebantwini lapho iNkosi uNkulunkulu wenu elihlakazele khona.

UGenesisi 28:14

inzalo yakho izakuba ngangothuli lomhlabathi, usabalalele ngasentshonalanga langasempumalanga langasenyakatho langaseningizimu; ngawe langenzalo yakho lonke usendo lomhlaba luzabusiswa.

1 AbaseKhorinte 16:22

Uba umuntu engayithandi iNkosi, kabe ngothukiweyo. Woza, Nkosi yethu!

UHezekhiyeli 37:26

Ngizakwenza labo isivumelwano sokuthula, sibe yisivumelwano esingelakuphela. Ngizababusisa ngibandise, ngakhe indlu yami engcwele phakathi kwabo kokuphela.

Izililo 3:32

Lanxa isehlisa ubuhlungu, izakuba lesihawu ngobukhulu bothando lwayo olungapheliyo.

AmaHubo 78:38

Kodwa yena elesihawu wabathethelela ukona kwabo, kababhubhisanga; walunqanda kanengi ulaka lwakhe, kakuvusanga konke ukuthukuthela kwakhe.

UJoshuwa 22:20

Khumbulani ukuthi uAkani indodana kaZera wenza okubi ngezinto ezinikelwe eNkosini, lolaka lwehlela phezu kwalo lonke ibandla labakoIsrayeli. Kabhubhanga yedwa ngenxa yobubi bakhe.

UJoshuwa 7:1

Kodwa abakoIsrayeli bawephula umthetho omayelana lezinto ezinikwe iNkosi ukuba zibhujiswe. Ngoba uAkani indodana kaKarmi kaZabidi kaZera owesizwe sakoJuda wathatha ezinye zazo; iNkosi yabathukuthelela abakoIsrayeli.

UJoshuwa 6:26

UJoshuwa waqalekisa iJeriko wathi: Kaqalekiswe phambi kweNkosi lowomuntu osuka akhe lumuzi iJeriko. Ekwakheni kwakhe isisekelo salo uzalahlekelwa lizibulo lakhe, lasekumiseni kwakhe amasango alo alahlekelwe ngomncinyane wakhe.

UDutheronomi 7:13

Izakulithanda, ilibusise, ilandise. Futhi izakubusisa inzalo yenu, lezithelo zomhlabathi wenu, lamabele enu, lewayini lenu, lamafutha enu, lenzalo yenkomo zenu lenzalo yezimvu zenu, elizweni eyafunga kubokhokho benu ukuiinika lona.

AmaNani 25:4

INkosi yathi kuMose: Thatha zonke inhloko zabantu, uziphanyeke phambi kweNkosi ngesikhathi sokutshisa kwelanga, ukuba intukuthelo yayo evuthayo iphele koIsrayeli.

U-Eksodasi 20:6

kodwa ngilothando olungapheliyo ezizukulwaneni eziyinkulungwane zabangithandayo abagcina imilayo yami.

U-Eksodasi 32:12

AmaGibithe uzawavumelelani ukuba athi: Yayiqonde ukubenza okubi ngokubakhupha kwayo ukuba ibabulale ezintabeni, ibaqede emhlabeni na? Phenduka olakeni lwakho oluvuthayo, ungenzi okubi lokhu ebantwini bakho.

UDutheronomi 13:18

uba lilalela ilizwi leNkosi uNkulunkulu wenu, ligcine yonke imithetho yayo engililaya yona lamuhla, lenze okulungileyo emehlweni ayo.

UDutheronomi 30:5

ilibuyisele elizweni okhokho benu abalithumba ukuba libe ngelenu, liphumelele, lande kakhulu kulabokhokho benu.

AmaHubo 85:3

Ukususile konke ukuthukuthela kwakho, wakudedisa ukuvutha kolaka lwakho.

UHosiya 11:9

Kangiyikwenza njengokuthukuthela kwami okukhulu. Kangiyikuphinda ngimchithe uEfrayimi; ngoba mina nginguNkulunkulu, kangisuye umuntu, ngingoNgcwele ophakathi kwenu, kangiyikuza ukuchitha.

UJoshuwa 6:24

Zawutshisa umuzi ngomlilo lakho konke okwakukiwo; isiliva kuphela legolide lezitsha zethusi lezensimbi abazifaka endlini yeNkosi yenotho.

UJoshuwa 8:28

UJoshuwa waselitshisa iAyi, walenza izinqwaba zonxiwa njengoba linjalo kuze kube lamuhla.