UDutheronomi 11:16 - iBhayibhili Elingcwele 1978

¹⁶ Qaphelani, funa inhliziyo zenu zikhohliseke, liphambuke, likhonze abanye onkulunkulu, libadumise,

IBhayibhili Elingcwele LesiNdebele

¹⁶ Qaphelani linanzelele ukuthi aliyikuhugeka lihlamuke likhonze abanye onkulunkulu libakhothamele.

UDutheronomi 11:16 Referans Kwoze

AmaHebheru 3:12

Xwayani, bazalwane, funa kube khona omunye wakini olenhliziyo embi, engakholwayo, emduhisa kuNkulunkulu ophilayo.

AmaHebheru 2:1

Ngakhoke asiqaphelisise esikuzwileyo funa mhlawumbe siduhe kukho.

UJobe 31:27

ngayengwa enhliziyweni yami, ngaphakamisa isandla sami ukuzikhonza,

UJakhobe 1:26

Uba umuntu esithi uyakholwa, engalunqandi ulimi lwakhe kodwa akhohlise inhliziyo yakhe, ukukholwa kwalowomuntu kuyize.

UDutheronomi 29:18

Qaphelani, funa kube khona phakathi kwenu umuntu, umuzi ingabe isizwe, okulenhliziyo efulathela iNkosi uNkulunkulu wethu lamhla ukuyakhonza onkulunkulu balezozizwe. Qaphelani, funa kube khona phakathi kwenu impande ethela izithelo ezibabayo lezilobuhlungu,

1 UJohane 5:21

Bantwana, zilondolozeni ezithombeni.

ULukha 21:34

Xwayani ukuba inhliziyo zenu zingabi buthundu ngenxa yokuminza lokudakwa lokuphisekela izinto zalokhukusila, lolosuku luhle lulijume njengomjibila lingananzelele,

U-Isaya 44:20

Kufana nje lokudla umlotha; ingqondo yobuthutha iyamkhohlisa; kaboni ukuthi lokhu akuphethe ngesandla kakusunkulunkulu.

UDutheronomi 30:17

Kodwa uba inhliziyo zenu ziphenduka lingalaleli, liduhiswe, lidumise abanye onkulunkulu, libakhonze,

UDutheronomi 8:19

Uba likhohlwa iNkosi uNkulunkulu wenu, lilandele abanye onkulunkulu, likhuleke kibo, libakhonze, ngiyalixwayisa lamhla ukuthi lizakubhubha impela.

UDutheronomi 4:23

Qaphelisani funa likhohlwe isivumelwano seNkosi uNkulunkulu wenu eyasenza lani, lenze isithombe esibaziweyo salokho iNkosi uNkulunkulu wenu elinqabele khona.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

Isambulo 13:14

Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.

Isambulo 12:9

Umgobho omkhulu waphoselwa phansi, inyoka endala ebizwa ngokuthi nguSathane loMubi, umkhohlisi womhlaba wonke; waphoselwa phansi emhlabeni kanye lezithunywa zakhe.

AmaHebheru 12:15

Qaphelisani kungabi khona osilelayo emuseni kaNkulunkulu, kungabi khona lampande ebabayo ehlumayo ukubangcolisa abanengi,

AmaHebheru 4:1

Ngakhoke lapho sisekhona isithembiso sokungena ekuphumuleni kwakhe asesabe, funa kube khona omunye wenu ofunyanwa esahluleka ukufinyelela kukho.

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

ULukha 21:8

Wathi: Qaphelani ukuba lingaduhiswa, ngoba abanengi bazakuza ebizweni lami besithi: Nginguye; bathi futhi: Isikhathi sesisondele. Lingabalandeli.

UDutheronomi 13:3

lingalaleli amazwi alowomprofethi loba lowomphuphi wamaphupho; ngoba iNkosi uNkulunkulu wenu iyalilinga ukuba yazi ukuthi liyayithanda yini iNkosi uNkulunkulu wenu ngenhliziyo yenu yonke langomphefumulo wenu wonke.

UDutheronomi 4:9

Ngakhoke qaphelani, ligcine kuhle umphefumulo wenu, funa likhohlwe izinto elizibonayo, zingasuki emikhumbulweni yenu insuku zenu zonke. Libazise zona abantwana benu labazukulu benu,

UDutheronomi 31:20

Ngoba lapho sengibangenisile elizweni eligcwele uchago lenyosi engafunga ukubanika lona okhokho babo, sebedlile basutha, bazimuka, bazakuphendukela kwabanye onkulunkulu, babakhonze, bangidelele mina, baphule isivumelwano sami.

1 USamuyeli 12:20

USamuweli wasesithi ebantwini: Lingesabi; loba lenzile bonke lobububi, lingaphambuki ekuyilandeleni iNkosi uNkulunkulu, kodwa liyikhonze ngenhliziyo yenu yonke.

1 USamuyeli 12:21

Lingaphambuki ukuba lilandele izinto eziyize ezingabuyiseli lutho lezingasizi lutho, ngoba ziyize.

1 AmaKhosi 8:35

Lapho iphezulu livaliwe, kungelazulu ngoba bonile kuwe, uba bekhuleka bekhangele kulindawo belivuma ibizo lakho, baphenduke esonweni sabo nxa ubatshaya,

UDutheronomi 5:7

Ungabi labanye onkulunkulu ngaphandle kwami.

UDutheronomi 12:30

qaphelani ukuba lingakhohliswa lizilandele emva kokuchithwa kwazo ngaphambi kwenu, lokuba lingabuzi ngonkulunkulu bazo lithi: Izizwe lezi zazikhonza kanjani onkulunkulu bazo na? Lathi sizakwenza njalo.

UDutheronomi 17:3

osuke ayekhonza abanye onkulunkulu, akhothamele loba ilanga lenyanga, ingabe enye yezinkanyezi esezulwini, enze lokho iNkosi elinqabele khona,

UDutheronomi 28:14

Lingaphambuki lakwelilodwa lamazwi engililaya wona lamuhla, ukuya ngakwesokunene langakwesokhohlo, lingalandeli abanye onkulunkulu ukuze libakhonze.

UDutheronomi 29:17

labona izinto zazo ezinengekayo, izithombe zazo ezenziwe ngesigodo langelitshe, ezesiliva lezegolide, ezazikhona kuzo.