UDutheronomi 11:11 - iBhayibhili Elingcwele 1978

¹¹ kodwa ilizwe eliya kilo ukulithumba liyilizwe lamaqaqa lezigodi, elinethwa lizulu;

IBhayibhili Elingcwele LesiNdebele

¹¹ Kodwa ilizwe elilichaphela uJodani ukuze lilithumbe libe ngelenu yilizwe lezintaba lezihotsha ezinatha zigcwale ngamanzi ezulu.

UDutheronomi 11:11 Referans Kwoze

AmaHebheru 6:7

Umhlabathi onatha izulu elina kanengi phezu kwawo, umile imibhida ebasizayo abawulimayo, uyabusiswa nguNkulunkulu;

UGenesisi 27:28

UNkulunkulu akunike amazolo ezulu lokuvunda komhlaba, lenala yamabele lewayini.

UJeremiya 2:7

Ngalingenisa elizweni elivundileyo ukuba lidle izithelo zalo lokuhle kwalo. Kodwa lapho selingenile lalingcolisa ilizwe lami, lenza ilizwe engalinika lona laba ngamanyala.

U-Isaya 28:1

Maye kuyo imiqhele yokuzikhukhumeza yezikhulu zakoEfrayimi ezidakiweyo, lakuwo amaluba ayo amahle ngoba ayabuna; aphezu kwamakhanda abadakiweyo agcotshwe ngamakha amahle, bona beqedwe ngutshwala.

UDutheronomi 11:10

Ngoba ilizwe elizakungena kilo ukulithumba kalifanani lelizwe laseGibithe elivela kilo, lapho nxa lalihlanyela inhlanyelo yenu, lalisebenza nzima ukuthelela amasimu;

AmaHubo 68:9

Walinisa izulu elikhulu, Nkulunkulu, walivuselela ilizwe lakho selichitheka;

UHezekhiyeli 36:4

Ngalokho, lina zintaba zakoIsrayeli, zwanini ilizwi leNkosi uNkulunkulu ezintabeni lasemaqaqeni, lasezindongeni lasezihotsheni, lasemizini echithekileyo langamanxiwa asephenduke impango lenhlekisa yezizwe ezizingelezeleyo.