UDutheronomi 10:18 - iBhayibhili Elingcwele 1978

¹⁸ Iyenzela ukwahlulela izintandane labafelwakazi, iyathanda abezizweni abahlala phakathi kwenu ibanike ukudla lezambatho.

IBhayibhili Elingcwele LesiNdebele

¹⁸ Uyawavikela amalungelo ezintandane kanye labafelokazi, njalo uyabathanda abangabezizweni phakathi kwenu, ubanika ukudla lezembatho.

UDutheronomi 10:18 Referans Kwoze

AmaHubo 146:9

INkosi iyazigcina izihambi, isekele umfelwakazi lezintandane; kodwa indlela yababi iyayichitha.

AmaHubo 68:5

UYise wezintandane lomvikeli wabafelwakazi nguNkulunkulu endlini yakhe engcwele.

UJeremiya 49:11

Tshiya izintandane zakho, ngizazilondoloza, abafelwakazi bakho kabathembe kimi.

U-Isaya 1:17

lifunde ukwenza okuhle, lidinge okufaneleyo, lisize abacindezelweyo, livikele izintandane, limele umfelwakazi.

AmaHubo 145:9

INkosi ilungile kubo bonke, lesihawu sayo siphezu kwakho konke ekwenzayo.

AmaHubo 103:6

INkosi iyabenzela ukulunga lokufaneleyo bonke abacindezelweyo.

UHosiya 14:3

IAsiriya kaliyikusisiza, kasisayikugada amabhiza; kasisayikutsho kuzo izithombe zethu ukuthi: UnguNkulunkulu wethu. Kuwe intandane iyafumanisa umusa.

U-Eksodasi 22:22

Lingahluphi umfelwakazi lentandane.

Imisebenzi 14:17

Kodwa kayekelanga ukuzifakazela ngokwenza okuhle, walinika izulu livela ezulwini lezikhathi zenala, esuthisa inhliziyo zenu ngokudla langokujabula.

UMatewu 5:45

ukuba libe ngabantwana bakaYihlo osezulwini; ngoba yena uyaliphumisela ilanga lakhe ababi labahle, alinisele izulu abalungileyo labangalunganga.

U-Eksodasi 22:23

Uba libahlupha, bakhale kimi, ngizakuzwa ukukhala kwabo,

AmaNani 10:32

Uba uhamba lathi, okuhle iNkosi ezakusenzela khona, lathi sizakukwenzela khona.

UDutheronomi 27:19

Kaqalekiswe owonakalisa ukwahlulelwa kowemzini lentandane lomfelwakazi. Bonke abantu bazakuthi: Ameni.

2 ImiLando 19:7

Ngakho liyesabe iNkosi, linanzelele elikwenzayo, ngoba iNkosi uNkulunkulu wethu kayiyikuvumela ukuhlanekelwa kokulunga, lokubandlulula abantu, lokuthengwa.

U-Eksodasi 22:20

Onikela kwabanye onkulunkulu ngaphandle kweNkosi kabhujiswe.

U-Eksodasi 22:21

Lingamoni umuntu wezizweni, lingamhluphi; ngoba lani lalingabantu bezizweni kwelaseGibithe.

ULevi 25:35

Uba umfowenu ohlala lawe engumyanga, esehluleka ukuzithwala, wena uzakumthwala, ahlale lawe njengowemzini lanjengowezizweni.

AmaHubo 10:18

ukuba wahlulele izintandane labacindezelweyo, ukuze umuntu wasemhlabeni angabe esesabeka.

AmaHubo 68:6

UNkulunkulu unika abahluphekayo indawo yokuhlala, ukhuphela izibotshwa ekukhululekeni, kodwa abalenkani ubayekela elizweni elomileyo.