UDutheronomi 10:12 - iBhayibhili Elingcwele 1978

¹² Khathesike, Israyeli, iNkosi uNkulunkulu wakho ifunani kuwe ngaphandle kokuba uyesabe iNkosi uNkulunkulu wakho, uhambe ngendlela zayo zonke, uyithande, uyikhonze ngenhliziyo yakho yonke langomphefumulo wakho wonke,

IBhayibhili Elingcwele LesiNdebele

¹² “Khathesi-ke, Oh Israyeli, kuyini uThixo uNkulunkulu wakho angakucela kuwe ngaphandle kokuba umesabe uThixo wakho, ukuhamba ezindleleni zakhe, ukumthanda, ukumsebenzela uThixo uNkulunkulu wakho ngenhliziyo yakho yonke langomoya wakho wonke,

UDutheronomi 10:12 Referans Kwoze

UDutheronomi 6:5

Wothanda iNkosi uNkulunkulu wakho ngenhliziyo yakho yonke langomoya wakho wonke langamandla akho wonke.

UMikha 6:8

Ikutshengisile okuhle, wena muntu, iNkosi ifunani kuwe na? Ifuna kuphela ukwenza ukulunga, lokuthanda okungapheliyo, lokuzithoba phambi kwayo.

ULukha 10:27

Saphendula sathi: Wothanda iNkosi uNkulunkulu wakho ngenhliziyo yakho yonke, langomphefumulo wakho wonke, langamandla akho wonke, langengqondo yakho yonke, lomakhelwane wakho njengalokhu uzithanda wena.

UDutheronomi 5:33

Lizakuhamba endleleni yonke iNkosi uNkulunkulu wenu elilaye yona, ukuba liphile, kulilungele, lihlale isikhathi eside elizweni elizakuba ngelenu.

UDutheronomi 11:13

Uba lilalela imithetho yami engililaya yona lamuhla, lithande iNkosi uNkulunkulu wenu, liyikhonze ngenhliziyo yenu yonke langomphefumulo wenu wonke,

UMatewu 22:37

UJesu wathi kuye: Wothanda iNkosi, uNkulunkulu wakho ngenhliziyo yakho yonke, langomoya wakho wonke, langengqondo yakho yonke.

UZefaniya 3:9

Ngalesosikhathi ngizakunika abantu ukukhuluma okuhlambulukileyo, ukuba bonke bakhuleke ebizweni lami, bangikhonze nganhliziyonye.

AmaHubo 34:9

Yesabeni iNkosi, lina abalungileyo bayo, ngoba kabasweli lutho abayesabayo.

UDutheronomi 4:29

Kodwa uba lilapho liyifune iNkosi uNkulunkulu wenu, lizayifumana uba liyidinga ngenhliziyo yenu yonke langomphefumulo wenu wonke.

AmaHebheru 12:28

Umbuso esiwuphiweyo kawulakunyikinyekiswa; ngakho asimbonge uNkulunkulu, ukuze simkhonze njengokuba efanele ukukhonzwa, ngokuthobeka langokwesaba;

UHezekhiyeli 11:20

ukuba bahambe ngezimiso zami, bagcine imithetho yami bayilalele; bazakuba ngabantu bami, lami ngibe nguNkulunkulu wabo.

AmaHubo 145:20

Inkosi iyabalondoloza bonke abayithandayo; kodwa ababi izakubabhubhisa.

AmaHubo 128:1

Babusisiwe bonke abayesabayo iNkosi, abahamba endleleni zayo.

AmaHubo 81:13

Kungathi abantu bami bengangilalela, loIsrayeli ahambe endleleni zami!

UJoshuwa 22:5

Liqapheiise ukugcina umlayo lomthetho uMose inceku yeNkosi alilaya wona, ukuba lithande iNkosi uNkulunkulu wenu, lihambe endleleni zayo zonke, ligcine imilayo yayo, libambelele kuyo, liyikhonze ngenhliziyo yenu yonke langomoya wenu wonke.

UDutheronomi 30:20

liyithande iNkosi uNkulunkulu wenu, lilalele ilizwi layo, libambelele kuyo; ngoba lokho kuzakulilethela ukuphila lokwanda kwensuku zenu ukuze lihlale elizweni iNkosi eyafunga kubokhokho benu oAbrahama loIsaka loJakobe ukubanika lona.

UDutheronomi 30:16

Uba lilalela imilayo yeNkosi uNkulunkulu wenu engililaya yona lamuhla, liyithande iNkosi uNkulunkulu wenu, lihambe endleleni zayo, ligcine imilayo yayo lezimiso zayo lezahlulelo zayo, lizakuphila lande; iNkosi uNkulunkulu wenu izalibusisa elizweni elingena kulo ukulithumba.

1 UJohane 5:5

Ngubani onqoba umhlaba uba kungesuye okholwa ukuthi uJesu uyiNdodana kaNkulunkulu na?

1 UJohane 2:15

Lingawuthandi umhlaba lezinto zasemhlabeni. Uba umuntu ethanda umhlaba, uthando lukaYise kalukho kuye.

AbaseRoma 8:28

Siyazi ukuthi kukho konke usebenza okuhle lalabo abamthandayo uNkulunkulu, ababiziweyo ngokwecebo lakhe.

ULukha 11:42

Kodwa maye kini baFarisi! ngoba lithela okwetshumi kwemfe, lamakhomane, lokwemibhida yonke, lingananzeleli ukulunga lokumthanda uNkulunkulu. Belifanele ukukwenza lokhu, lingakuyekeli lalokho.

UJobe 36:11

Uba elalela, amkhonze, ayaqeda insuku zawo ephumelela, leminyaka yawo phakathi kokunengi.

UDutheronomi 6:13

Uzakuyesaba iNkosi uNkulunkulu wakho, uyikhonze, ufunge ngebizo layo.

Imisebenzi 9:31

Ngakho ibandla laba lokuthula kulo lonke elaseJudiya, lelaseGalili, lelaseSamariya, lakheka, lihamba ngokwesaba kweNkosi, landa ngokuqiniswa nguMoya oNgcwele.

AbaseRoma 1:9

UNkulunkulu, engimkhonza emoyeni wami ngevangeli leNdodana yakhe, ungufakazi wami wokuthi kangiyekeli ukulikhumbula emikhulekweni yami

AmaHubo 18:1

Ngiyakuthanda, Nkosi, mandla ami.

1 uTimothi 1:5

Okuyikhona esikuqondileyo ngokulaya kwethu luthando oluvela enhliziyweni emhlophe, lakuso isazela esihle, lasekukholweni okuqotho.

U-Eksodasi 23:25

Lizakhonza iNkosi uNkulunkulu wenu; ngizabusisa ukudla kwenu lamanzi enu, ngisuse izifo phakathi kwenu.

UDutheronomi 6:2

ukuze uyesabe iNkosi uNkulunkulu wakho wena lendodana yakho lendodana yendodana yakho, ugcine zonke izimiso zayo lemithetho yayo engikulaya yona, zonke insuku zokuhamba kwakho, ukuze insuku zakho zande.

UDutheronomi 6:24

INkosi yasilaya ukwenza zonke lezizimiso lokwesaba iNkosi uNkulunkulu wethu, ukuba kusilungele njalonjalo, lokuba isilondoloze siphile njengalamhla.

UDutheronomi 10:11

INkosi yathi kimi: Suka, uhambe phambi kwabantu, bangene balithumbe ilizwe engafunga ukubanika lona okhokho babo.

UDutheronomi 10:13

ugcine imilayo yayo lezimiso zayo engikulaya zona lamuhla, ukuba kukulungele na?

UDutheronomi 11:1

Ngakhoke kalibothanda iNkosi uNkulunkulu wenu, ligcine ilizwi layo lezimiso zayo lezahlulelo zayo lemithetho yayo insuku zonke.

UJoshuwa 24:14

Ngakhoke yesabeni iNkosi, liyikhonze ngobuqotho langeqiniso, lisuse onkulunkulu okhokho benu ababakhonza ngaphetsheya komfula iYufrathi laseGibithe, likhonze iNkosi.

1 AmaKhosi 3:3

USolomoni wayithanda iNkosi, wahamba ngezimiso zikayise uDavida, kodwa laye wanikela imihlatshelo watshisa impepha endaweni eziphakemeyo zokukhonzela.

AmaHubo 119:2

Babusisiwe abagcina imilayo yayo, abayidingayo ngenhliziyo yonke,

UmTshumayeli 12:13

Nanko ukuphela kwendaba. Usuyizwile yonke. Mesabe uNkulunkulu, ulalele imilayo yakhe; kakukho okwedlula lokho emuntwini.

UDutheronomi 5:29

Kungathi bangaba lenhliziyo enjalo insuku zonke, ukuba bangesabe, bagcine yonke imilayo yami, ukuze kubalungele bona labantwana babo kuze kube nininini!

UDutheronomi 26:16

Lamhla iNkosi uNkulunkulu wenu iyalilaya ukuba lenze lezizimiso lezahlulelo; ngakhoke zigcineni kuhle ngenhliziyo yenu yonke langomphefumulo wenu wonke.

UDutheronomi 27:10

Ngakhoke lalela ilizwi leNkosi uNkulunkulu wakho, ugcine imilayo yayo lezimiso zayo engikulaya zona lamuhla.

1 USamuyeli 12:20

USamuweli wasesithi ebantwini: Lingesabi; loba lenzile bonke lobububi, lingaphambuki ekuyilandeleni iNkosi uNkulunkulu, kodwa liyikhonze ngenhliziyo yenu yonke.

2 AmaKhosi 10:31

Kodwa uJehu kaqaphelisanga ukuhamba ngomlayo weNkosi, uNkulunkulu kaIsrayeli, ngayo yonke inhliziyo yakhe; kazitshiyanga izono zikaJerobowamu ezenza uIsrayeli one.

2 AmaKhosi 18:3

Wenza okulungileyo phambi kweNkosi njengokwenza konke kukaDavida ukhokho wakhe.

2 AmaKhosi 18:6

Wabambelela waqina eNkosini, kaphambukanga ekuyilandeleni, kodwa wagcina imilayo iNkosi eyalaya ngayo uMose.

1 ImiLando 28:9

Wenake, Solomoni mntanami, ubomazi uNkulunkulu kaIsrayeli, umkhonze ngenhliziyo yonke langengqondo evumayo; ngoba iNkosi iyazihlola zonke inhliziyo, iyawazi amacebo wonke lemicabango yonke. Uba wena uyidinga, izakuziveza kuwe; kodwa uba uyitshiya, izakukulahla kokuphela.

2 ImiLando 15:12

Benza isivumelwano sokuba bayidinge iNkosi, uNkulunkulu wabokhokho babo, ngenhliziyo yabo yonke langomoya wabo wonke;

AmaHubo 81:14

Bengingazinqoba masinyane izitha zabo, ngiselule isandla sami ngakulabo abamelana labo.