UDutheronomi 1:33 - iBhayibhili Elingcwele 1978

³³ eyahamba phambi kwenu endleleni ukulidingela indawo ukuba limise kuyo amathente enu; yahamba ngomlilo ebusuku, ukuba ilitshengise indlela elifanele lihambe ngayo, langeyezi emini.

IBhayibhili Elingcwele LesiNdebele

³³ yena owahamba phambi kwenu kuloluhambo, elikhokhela ngomlilo ebusuku kanti kusiba leyezi emini, elidingela izindawo zokumisa izihonqo zenu lokulitshengisa lapho okumele liye khona.

UDutheronomi 1:33 Referans Kwoze

AmaNani 10:33

Basukake entabeni yeNkosi, bahamba uhambo lwensuku ezintathu; umtshokotsho wesivumelwano seNkosi wawungaphambi kwabo okohambo losuku olulodwa ukuze ubadingele indawo yokuphumula.

AmaHubo 78:14

Wabakhokhela ngeyezi emini, lasebusuku bonke ngokukhanya komlilo.

UNehemiya 9:12

Wabahola ngensika yeyezi emini langensika yomlilo ebusuku ukubakhanyisela indlela abazahamba ngayo.

UZakhariya 2:5

Ngoba mina ngizakuba ngumduli womlilo olizingelezeleyo, lolivikeleyo, kutsho iNkosi, ngibe yinkazimulo phakathi kwalo.

UHezekhiyeli 20:6

Ngalolosuku ngafunga kibo ukuba ngibakhuphe elizweni laseGibithe, ngibese elizweni engabadingela lona, ilizwe eligcwele uchago lenyosi, ilizwe elihle kulawo wonke amazwe.

AmaHubo 105:39

Yandlala iyezi lokubasibekela, lomlilo wokukhanyisa ebusuku.

AmaNani 14:14

Azakutshela abantu balelilizwe. Bezwile labo ukuthi wena Nkosi uphakathi kwalababantu, lokuthi babonana lawe, lokuthi iyezi lakho liphezu kwabo, uhamba phambi kwabo usensikeni yeyezi emini lasensikeni yeyezi ebusuku.

AmaHubo 77:20

Wabahola abantu bakho njengezimvu ngezandla zikaMose loAroni.

U-Eksodasi 14:24

Ngomlindo wokusa, iNkosi yakhangela impi yamaGibithe isensikeni yomlilo leyeyezi, yayidunga impi yamaGibithe;

UJeremiya 31:2

INkosi ithi: Abantu abasile empini bafumana umusa enkangala. UIsrayeli wathi edinga ukuphumula,