UDutheronomi 1:21 - iBhayibhili Elingcwele 1978

²¹ Khangelani, iNkosi uNkulunkulu wenu ilivulile ilizwe phambi kwenu; hambani lilithumbe, njengokulilaya kwayo iNkosi, uNkulunkulu wabokhokho benu; lingesabi, lingakhathazeki.

IBhayibhili Elingcwele LesiNdebele

²¹ Khangelani, uThixo uNkulunkulu wenu uselinike lelilizwe. Hambani lilithumbe njengoba uThixo, uNkulunkulu wabokhokho benu alitshela. Lingesabi; lingadangali.’

UDutheronomi 1:21 Referans Kwoze

UJoshuwa 1:9

Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.

AmaHebheru 13:6

Ngakho singatsho ngesibindi ukuthi: INkosi ingumsizi wami, kangiyikwesaba; umuntu angenzani kimi na?

AmaHubo 46:1

UNkulunkulu uyisiphephelo sethu lamandla ethu, uyafunyaniswa elusizo kakhulu ekuhluphekeni.

AmaNani 13:30

UKalebi wacela abantu phambi kukaMose ukuba balalele, wathi: Asihambeni khathesi, silithumbe ilizwe, ngoba impela silamandla okulinqoba.

ULukha 12:32

Lingesabi, mhlambi omncinyane; ngoba kuyikuthanda kukaYihlo ukulinika umbuso.

U-Isaya 41:10

ungesabi, ngoba mina ngilawe, ungapheli amandla, ngoba mina nginguNkulunkulu wakho; ngizakukuqinisa, ngikusize, ngikusekele ngesandla sami sokunene esinqobayo.

AmaHubo 46:11

INkosi yamabandla ilathi, uNkulunkulu kaJakobe uyisiphephelo sethu.

AmaHubo 46:7

INkosi yamabandla ilathi, uNkulunkulu kaJakobe uyisiphephelo sethu.

UJoshuwa 1:6

Qina, ume isibindi, ngoba nguwe ozanika lababantu ilizwe engafunga ukulinika okhokho babo.

UDutheronomi 20:1

Lapho liphuma impi ukuyahlasela izitha zenu, beselibona amabhiza lezinqola, labantu abanengi kulani, lingabesabi; ngoba iNkosi uNkulunkulu wenu eyalikhupha eGibithe ilani.

UDutheronomi 1:20

Ngasengisithi kini: Selifikile entabeni zamaAmori eyasinika zona iNkosi uNkulunkulu wethu.

UDutheronomi 9:23

Kwathi lalapho iNkosi elithuma lisuka eKadeshi‐Barneya isithi: Hambani, lithumbe ilizwe engilinike lona; lahlamuka emlayweni weNkosi uNkulunkulu wenu, kaliyikholwanga, kalilalelanga lelizwi layo.

UNehemiya 9:15

Wabanika ukudla okuvela ezulwini lapho sebelambile, lamanzi aphuma edwaleni lapho sebomile; wabatshela ukuba bayelithumba ilizwe owawufunge ukubanika lona.

UDutheronomi 7:18

Lingazesabi, kodwa khumbulani lokho iNkosi uNkulunkulu wenu eyakwenza kuFaro lakulo lonke iGibithe,

UDutheronomi 7:21

Kaliyikubesaba, ngoba iNkosi uNkulunkulu wenu iphakathi kwenu, inguNkulunkulu omkhulu lowesabekayo.

UDutheronomi 20:3

Zwana, Israyeli! Selisondela empini lamhla ukuhlasela izitha zenu; inhliziyo yenu kayingapheli amandla; lingesabi, lingathuthumeli, lingatshaywa luvalo ngabo;

UDutheronomi 31:6

Qinani, lime isibindi, lingazesabi, lingatshaywa luvalo ngenxa yazo; ngoba yona iNkosi uNkulunkulu wenu ihamba lani; kayiyikulilahla, kayiyikulitshiya.