UDanyeli 9:5 - iBhayibhili Elingcwele 1978

⁵ sonile, saziphatha kubi, senza okubi, sakuhlamuka, sayephula imilayo yakho lezimiso zakho;

IBhayibhili Elingcwele LesiNdebele

⁵ senzile isono njalo senza okubi. Sisuke saxhwala, sahlamuka; siyifulathele imilayo yakho kanye lemithetho yakho.

UDanyeli 9:5 Referans Kwoze

UMalaki 3:7

Kusukela ensukwini zabokhokho benu liphambukile ezimisweni zami, kalizigcinanga. Buyani kimi, lami ngizabuyela kini, kutsho iNkosi yamabandla. Kanti lina lithi: Sizabuya kanjani na?

UDanyeli 9:11

Wonke uIsrayeli waphule umlayo wakho, waphambuka kiwo, wala ukulalela ilizwi lakho. Isiqalekiso lesifungo esilotshiweyo emlayweni kaMose inceku yakho sehliselwe phezu kwethu, ngoba sonile kuwe.

UDanyeli 9:15

Khathesike, Nkosi Nkulunkulu wethu, owabakhuphayo abantu bakho elizweni laseGibithe ngesandla esilamandla, wazenzela udumo njengalamhlanje, sonile senza okubi.

AmaHubo 106:6

Sonile thina labokhokho bethu, senzile okungalunganga, sonakele.

AmaHebheru 3:12

Xwayani, bazalwane, funa kube khona omunye wakini olenhliziyo embi, engakholwayo, emduhisa kuNkulunkulu ophilayo.

UHosiya 1:2

Lapho iNkosi iqalisa ukukhuluma ngoHoseya yathi kuye: Hamba uyethatha umfazi oliwule, uzale abantwana bokuwulwa; ngoba ilizwe leli liyawula kakhulu ngokudela iNkosi.

UHezekhiyeli 6:9

Abaseleyo bakini bazangikhumbula phakathi kwezizwe abathunjelwe kizo; bazakhumbula ukudabuka kwami ngenxa yenhliziyo zabo ezasuka kimi ngenxa yobubi langenxa yamehlo abo ayelandele izithombe. Ng’khona bazanengwa yibo bonke ububi ababenzileyo langamanyala abo wonke.

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

UJeremiya 14:7

Loba izono zethu zisilahla, sebenza, wena Nkosi, ngenxa yebizo lakho; ngoba sihlamukile kanengi, sonile kuwe.

AmaHubo 18:21

Ngoba ngizilondolozile indlela zeNkosi, kangimukanga eNkosini yami ngokubi.

UJeremiya 3:25

Asilale phansi silenhloni, sibanjwe zinhloni zethu; ngoba sonile eNkosini uNkulunkulu wethu, thina labokhokho, kusukela ebutsheni bethu kuze kube lamuhla; kasilalelanga ilizwi leNkosi uNkulunkulu wethu.

U-Isaya 59:13

siyaphambeka, siyiphike iNkosi, simhlamuke uNkulunkulu wethu, sikhulume ngokucindezela langokuhlamuka, sicabange ngamanga enhliziyweni zethu siwakhulume.

U-Isaya 53:6

Thina sonke siduhile njengezimvu; lowo lalowo wahamba ngendlela yakhe; iNkosi yehlisela phezu kwayo ububi bethu sonke.

AmaHubo 119:102

Kangiphambuki kuzo izahlulelo zakho, ngoba wena wangifundisa.

U-Ezra 9:6

ngathi: Wena Nkulunkulu wami, ngilenhloni, ngiyesaba ukukukhangela, Nkulunkulu wami, ngoba ububi bethu buphakeme ngaphezu kwamakhanda ethu lesono sethu sifinyelele ezulwini.

AmaHubo 119:176

Ngiduhile njengemvu elahlekileyo; dinga inceku yakho, ngoba kangikhohlwa imithetho yakho.

UJeremiya 44:3

ngenxa yobubi babo ababenzayo, bangivusa ulaka ngoba batshisa impepha, bakhonza abanye onkulunkulu abangabaziyo bona kanye lani labokhokho benu.

Izililo 1:18

INkosi ilungile, ngoba ngilihlamukile ilizwi layo. Kodwa ake lizwe, bantu lonke, libone ukuhlupheka kwami. Intombi zami lensizwa zami zithunjiwe.

Izililo 3:42

Sithi: Siphambukile, sakuhlamuka, wena kawuthethelelanga.

UDanyeli 9:9

Kuwe, Nkosi uNkulunkulu wethu, kukhona isihawu lokuthethelela; ngoba sikuhlamukile.

2 AmaKhosi 18:12

ngoba bengalilalelanga ilizwi leNkosi uNkulunkulu wabo, kodwa besaphula isivumelwano sayo, lakho konke uMose inceku yeNkosi ayebalaye khona; kabezwanga, kabalalelanga.

2 AmaKhosi 21:15

ngoba benzile okubi phambi kwami, bangithukuthelisa, kusukela ekuphumeni kwabokhokho babo eGibithe kuze kube lamuhla.

U-Isaya 64:4

Kusukela endulo abantu kabezwanga, futhi kababonanga uNkulunkulu onjengawe, osebenzela labo abamthembayo.

UJeremiya 14:20

Siyakuvuma ukona kwethu, Nkosi, lobubi babokhokho bethu, ngoba sonile kuwe.

UJeremiya 30:14

Zonke izithandwa zakho zikukhohliwe, kazisakudingi. Ngoba ngikutshayile njengesitha, ngokutshaya okulolunya, ngoba icala lakho likhulu, lezono zakho zandile.

UHezekhiyeli 5:6

Uhlamukile imithetho yami lezimiso zami ngokwenza okubi ukwedlula ezinye izizwe lamazwe awuphahlileyo; bayilahlile imithetho yami, kabahambanga ngezimiso zami.