UDanyeli 9:16 - iBhayibhili Elingcwele 1978

¹⁶ Nkosi, ngakho konke ukulunga kwakho dedisa ulaka lwakho lokuthukuthela kwakho emzini waseJerusalema, entabeni yakho engcwele. Ngoba ngenxa yezono zethu langobubi babokhokho iJerusalema labantu bakho bayisiga phakathi kwabo bonke abasihanqileyo.

IBhayibhili Elingcwele LesiNdebele

¹⁶ Nkosi, ngenxa yemisebenzi yakho yonke elungileyo, qambula ulaka lwakho lentukuthelo yakho kusuke eJerusalema, idolobho lakho, intaba yakho engcwele. Izono zethu lezinengiso zabobaba sezenze iJerusalema labantu bakho baba yinto yokuhlekisa kubo bonke abakhelene lathi.

UDanyeli 9:16 Referans Kwoze

UZakhariya 8:3

INkosi ithi: Ngizabuyela eZiyone, ngihlale phakathi kweJerusalema, leJerusalema lizakuthiwa ngumuzi othembekileyo, lentaba yeNkosi yamabandla izakuthiwa yintaba engcwele.

UJoweli 3:17

Ngalokhoke lizakwazi ukuba ngiyiNkosi, uNkulunkulu wenu ohlala eZiyone, intaba yami engcwele. IJerusalema lizakuba ngcwele, abezizwe kabasayikuphinda badlule phakathi kwalo futhi.

UDanyeli 9:20

Kwathi ngisakhuluma ngikhuleka, ngivuma izono zami lezono zabantu bakithi uIsrayeli, ngincenga iNkosi uNkulunkulu wami ngentaba engcwele kaNkulunkulu wami,

AmaHubo 31:1

Ngiphephela kuwe, Nkosi, ungangiyangisi lanini, ungikhulule ngokulunga kwakho.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

AmaHubo 71:2

Ngikhulula ngokulunga kwakho, ungophule; ngilalela, ungikhulule.

U-Eksodasi 20:5

ungazikhothameli, ungazikhonzi; ngoba mina Nkosi, uNkulunkulu wakho, nginguNkulunkulu olomona; ngehlisela ububi baboyise ebantwaneni besizukulwana sesithathu lesesine sabangizondayo,

1 UJohane 1:9

Uba sivuma izono zethu, uthembekile yena, ulungile futhi, ngakho uzakusithethelela izono zethu, asihlambulule kukho konke ukungalungi.

2 AbaseThesalonika 1:6

Lokhu kuyinto elungileyo kuNkulunkulu ukuba abuyisele ukuhlupheka kubo abalihluphayo,

UHezekhiyeli 5:14

Futhi ngizalichitha, ngilenze libe lihlazo phakathi kwezizwe eziliphahlileyo lakubo bonke abadlulayo.

UJeremiya 32:32

ngenxa yabo bonke ububi amadodana akoIsrayeli lawakoJuda abenza ukungithukuthelisa, ngitsho amakhosi abo lezikhulu zabo, abapristi babo labaprofethi babo, abantu bakoJuda labakhileyo eJerusalema.

UJeremiya 29:18

Ngizaxotshana labo ngempi langendlala langomkhuhlane, ngibenze babe yinto eyesabekayo kuyo yonke imibuso yomhlaba, babe yisiqalekiso, lesimangaliso, lento yokuncifelwa, lehlazo, phakathi kwazo zonke izizwe lapho ngibaxotshele khona;

UJeremiya 24:9

Ngizakubenza babe yinto eyesabekayo kuyo yonke imibuso yomhlaba, babe lihlazo, lesiga, lenhlekisa, lesiqalekiso kuzo zonke indawo engibaxotshele kuzo.

AmaHubo 143:1

Nkosi, zwana umkhuleko wami, ulalele ukunxusa kwami. Ungiphendule ngobuqotho bakho, ekulungeni kwakho.

AmaHubo 41:13

Kayibongwe iNkosi, uNkulunkulu kaIsrayeli, kusukela endulo kuze kube nininini. Ameni, Ameni.

UNehemiya 9:8

wamfumanisa ethembekile kuwe, wenza laye isivumelwano sokunika inzalo yakhe ilizwe lamaKanani lamaHethi lamaAmori lamaPerizi lamaJebusi lamaGirigashi; usigcwalisile lesisithembiso sakho, ngoba wena ulungile.

1 USamuyeli 2:7

INkosi yenza umuntu abe ngumyanga, ibuye imenze anothe; iyamehlisela phansi, ibuye imphakamise.

AmaHubo 85:4

Sibuyise futhi, Nkulunkulu wokukhululwa kwethu, ususe kithi isigcono sakho.

U-Isaya 5:25

Ngakhoke iNkosi ibathukuthelele abantu bayo, yelula isandla sayo yabatshaya; izintaba zizakuzamazama, lezidumbu zabo zibe yingcekeza ezindleleni. Kukho konke lokhu ukuthukuthela kwayo kakukapheli, isiphakamisile isandla sayo ukutshaya futhi.

UJeremiya 32:31

Lumuzi uvuse ukuthukuthela kwami lolaka, kusukela mhla wakhiwayo kuze kube lamuhla, ukuze ngiwususe kimi,

UDanyeli 11:45

Izamisa amathente ayo obukhosi phakathi kolwandle lentaba enhle engcwele. Kodwa izakufa, kungekho ongayisiza.

AmaHubo 89:51

engithukwa ngayo yizitha zakho, Nkosi, eziklolodela ngayo izinyathelo zogcotshiweyo wakho.

UHezekhiyeli 22:4

Wena ulecala ngegazi olichithileyo, usungcoliswe yizithombe ozenzileyo, ulusondezile eduze usuku lwakho, lesikhathi esimisiweyo seminyaka yakho sifikile. Ngalokho ngikwenzile waba lihlazo ezizweni lenhlekisa emazweni wonke.