UDanyeli 9:12 - iBhayibhili Elingcwele 1978

¹² Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

IBhayibhili Elingcwele LesiNdebele

¹² Usuwagcwalisile amazwi okusilahla njalo alahla ababusi bethu ngokusehlisela incithakalo enkulu. Ngaphansi kwalo lonke izulu kakukaze kwenziwe ulutho olulingana lalokhu osekwenziwe eJerusalema.

UDanyeli 9:12 Referans Kwoze

UHezekhiyeli 5:9

Ngenxa yamanyala enu wonke ngizakwenza kini engingazake ngikwenze lengingasayikukwenza futhi.

Izililo 1:12

Kakusilutho kini yini lonke elidlulayo na? Khangelani libone ukuba kukhona yini usizi olunjengolwami, olwehliselwe phezu kwami, iNkosi engehlisele lona osukwini lokuthukuthela kwayo.

U-Isaya 44:26

ogcwalisa ilizwi lenceku zakhe, aphumelelise amacebo ezigijimi zakhe, othi ngeJerusalema: Lizakuba labantu futhi; langemizi yakoJuda: Izakwakhiwa futhi, ngizavusa amanxiwa abo;

Izililo 2:17

INkosi yenzile lokho ebikumisile, igcwalisile ilizwi layo. Njengokumisa kwayo endulo isidilizile ingelasihawu. Yenzile ukuba isitha sithokoze ngawe, yaphakamisa amandla ezitha zakho.

Izililo 2:13

Ngingathini ngawe na? Ngingakufanisa ngani, wena Jerusalema na? Ngingakufanisa ngani ukuba ngikududuze, wena Ziyone na? Ngoba ukuchitheka kwakho kukhulu njengolwandle. Ngubani ongakwelapha na?

UJobe 12:17

Uphendula abaluleki babe yiziphukuphuku, aphendule abahluleli babe yizithutha.

AbaseRoma 15:8

Ngoba ngithi uKristu waba yinceku yabasokileyo ukubonakalisa iqiniso likaNkulunkulu, ukuba aqinise izithembiso ezanikwa okhokho,

ULukha 21:22

ngoba lezi zinsuku zempindiselo ukuze kugcwaliseke imibhalo.

UMakho 13:19

Ngoba ngalezonsuku kuzakuba khona ukuhlupheka okungazanga kube khona ekuqaleni kokudabuka okwadatshulwa nguNkulunkulu kuze kube khathesi, lokungasayikuba khona.

UMatewu 24:21

Ngoba ngalesosikhathi kuzakuba khona ukuhlupheka okukhulu okungazanga kube khona kusukela ekuqaleni komhlaba kuze kube khathesi lokungasayikuba khona.

UMatewu 5:18

Ngoba ngiqinisile ngithi kini: Kuze kudlule izulu lomhlaba kakusoze kudlule ibadlana libe linye ingabe lecwatshana libe linye lomlayo, kuze kwenzakale konke.

UZakhariya 1:8

Ngabona ebusuku umuntu ogade ibhiza elibomvu. Wayemi phakathi kwezihlahla zomtshekisane esigodini, kukhona emva kwakhe amabhiza abomvu lalubhidi lamhlophe.

UZakhariya 1:6

Kodwa amazwi ami lezimiso zami, engalaya ngakho inceku zami abaprofethi, kakubaficanga okhokho benu na? Ngakho baphenduka bathi: Njengalokhu iNkosi yamabandla yazimisela ukusiphatha ngokufanele indlela zethu lezenzo zethu, yenze njalo.

uAmosi 3:2

Yini kuphela engilikhethileyo, ngalilondoloza ezizweni zonke zomhlaba; ngakhoke ngizalitshaya ngenxa yabo bonke ububi benu.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

UHezekhiyeli 13:6

Bakhohlisile, bavumisa amanga, besithi: Nanka amazwi eNkosi; yona iNkosi ingabathumanga, baqaphele ukuba izagcwalisa ilizwi labo.

Izililo 4:6

Ngoba ukutshaywa kwabantu bami kube kukhulu kulokutshaywa kwabaseSodoma elachithwa ngesikhatshana, kungekho okhalayo.

Izaga 8:16

Ngami izikhulu ziyabusa, leziphathamandla ziyahlulela umhlaba.

AmaHubo 148:11

Lani makhosi omhlaba, lani zizwe zonke, zikhulu, lani babusi bomhlaba,

AmaHubo 2:10

Ngakhoke hlakaniphani lina makhosi, lixwayiswe lina babusi bomhlaba.

1 AmaKhosi 3:9

Akunike inceku yakho ingqondo yokuqedisisa ukubusa abantu bakho, ukuze ngazi umahluko phakathi kokuhle lokubi; ngoba ngubani olamandla okubusa lababantu bakho abakhulu kangaka na?

UJeremiya 30:7

Maye! lukhulu lolosuku, kalukho olunye olunjengalo. Kuyisikhati sokuhlupheka kukaJakobe, kanti uzakukhululwa kukho.

UJeremiya 32:23

bangena bahlala kilo, kodwa kabalilalelanga ilizwi lakho, kabahambanga ngomlayo wakho, kabakwenzanga lokho owabatshela khona. Ngakhoke ubehlisele bonke lobububi.

UJeremiya 39:16

Hamba uyekuthi kuEbedimeleki umEtiyopiya: INkosi yamabandla, uNkulunkulu kaIsrayeli, ithi: Ngizagcwalisa amazwi ami ngalumuzi ngokubi kungesikho ngokuhle, azagcwaliseka phambi kwakho ngalolosuku.

UJeremiya 44:23

Kungenxa yokuba litshisile impepha, lona eNkosini, lingalilalelanga ilizwi layo, lingahambanga ngomlayo wayo langezimiso zayo langemithetho yayo, ngalokho okubi lokhu kwehlele phezu kwenu njengalamhla nje.

UDanyeli 12:1

Ngalesosikhathi kuzavela uMikayeli, umbusi omkhulu olinda abantu bakini. Kuzakuba khona isikhathi sokuhlupheka esingazanga sibe khona kusukela ekuqaleni kwezizwe kuze kube ngalesosikhathi. Kodwa ngalesosikhathi bazakhululwa abantu bakini, bonke abalotshiweyo ogwalweni.

UZakhariya 7:12

Benza inhliziyo zabo zaba lukhuni njengendayimana, funa bezwe ukulaya lamazwi iNkosi yamabandla ebathumele wona ngomoya wayo ngabaprofethi bakugala. Lokhuke kwayithukuthelisa kakhulu iNkosi yamabandla.

2 AmaKhosi 22:16

ukuthi iNkosi ithi: Ngizakwehlisela okubi kulindawo lakubo bonke abakhileyo kiyo, konke okutshiwo ngamazwi encwadi inkosi yakoJuda eyibalileyo.

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.