UDanyeli 8:15 - iBhayibhili Elingcwele 1978

¹⁵ Kwathi sengiwubonile umbono, mina Daniyeli, ngazama ukuwuqedisisa. Kwasekusima phambi kwami othile olesimo somuntu.

IBhayibhili Elingcwele LesiNdebele

¹⁵ Kwathi mina Danyeli ngilokhu ngiwubukele umbono lo, ngizama ukuwuzwisisa, kwema khonapho phambi kwami othile owayefana lomuntu.

UDanyeli 8:15 Referans Kwoze

UDanyeli 10:16

Kwathi okunye okufanana lomuntu kwathinta umlomo wami; ngavula umlomo wami, ngakhuluma. Ngathi kulowo omi phambi kwami: Nkosi yami, ngenxa yombono ngifikelwe yibuhlungu, kangiselawo amandla.

Isambulo 1:13

phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

UDanyeli 10:18

Wasengithinta futhi lowo olesimo somuntu, wangiqinisa.

Isambulo 13:18

Nanku ukuhlakanipha. Olengqondo kabale isibalo sesilo, ngoba siyisibalo somuntu; isibalo sakhe singamakhulu ayisithupha lamatshumi ayisithupha lesithupha.

UMakho 13:14

Kodwa nxa libona amanyala encithakalo emi lapho angafanele khona — ofundayo kaqedisise — kung’khona labo abaseJudiya kababalekele entabeni,

UMakho 4:12

ukuze: Ukubona babone, bangabonisisi, lokuzwa bezwe, bangaqedisisi, funa baphenduke bathethelelwe.

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UMatewu 24:15

Ngakho nxa libona amanyala encithakalo, akhulunywa nguDaniyeli umprofethi, emi endaweni engcwele — ofundayo kaqedisise —

UMatewu 13:36

Wasetshiya amaxuku wangena endlini. Basondela kuye abafundi bakhe, bathi: Sichasisele umfanekiso womfaba ensimini.

UDanyeli 12:8

Ngezwa, kodwa kangiqedisisanga. Ngasengisithi: Nkosi yami, kuzakuba yini ukuphela kwalezizinto na?

UDanyeli 10:5

ngaphakamisa amehlo ami, ngabona umuntu egqoke ilembu elihle, ebophe ngebhanti legolide laseOfiri okhalweni lwakhe.

UDanyeli 7:28

Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.

UDanyeli 7:13

Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

U-Isaya 9:6

Ngoba sizalelwe umntwana, sinikiwe indodana: izanikwa amandla obukhosi, ibizwe ngokuthi: UMluleki omangalisayo, uNkulunkulu olamandla, uBaba ongelakuphela, iNkosi yokuthula.

UJoshuwa 5:14

Yena wathi: Atshi; kodwa ngizile ukuba yinduna yempi yeNkosi. UJoshuwa wathi mbo ngobuso phansi, wakhuleka esithi kuye: Inkosi yami ithi inceku yayo kayenzeni na?

UDanyeli 8:1

Ngomnyaka wesithathu wokubusa kwenkosi uBelishazari kwabonakala umbono kimi mina Daniyeli, emva kwalowo owabonakala kimi kuqala.

UDanyeli 8:19

Wathi: Ngizakukutshela okuzakwenzakala ekupheleni kwentukuthelo, ngoba lokho kungokwesikhathi sokucina.

UZakhariya 1:9

Ngasengisithi: Kutshoni lokhu, Nkosi na? Isithunywa esasikhuluma lami sathi kimi: Ngizakukutshengisa ukuthi kuyini.