UDanyeli 7:18 - iBhayibhili Elingcwele 1978

¹⁸ Kodwa abangcwele boPhezukonke bazakwamukeliswa umbuso, ube ngowabo kuze kube nininini.

IBhayibhili Elingcwele LesiNdebele

¹⁸ Kodwa abangcwele bakhe oPhezukonke bazawemukela umbuso ube ngowabo lanininini, yebo, okwanini lanini.”

UDanyeli 7:18 Referans Kwoze

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

Isambulo 5:10

wabenza baba ngumbuso labapristi kuNkulunkulu wethu; bazakubusa emhlabeni.

Isambulo 20:4

Ngasengibona izihlalo zobukhosi; bahlala kuzo abanikwa ukuthonisisa. Ngabona futhi imiphefumulo yalabo ababequnywe amakhanda ngenxa yokufakazela uJesu langenxa yelizwi likaNkulunkulu, ababengasikhonzanga isilo loba umfanekiso waso, bengabekwanga uphawu lwaso emabunzini abo loba ezandleni zabo; bavuka, babusa kanye loKristu iminyaka eyinkulungwane.

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

AmaHubo 45:16

Amadodana akho nkosi, azakuthatha isikhundla sabokhokho bakho, uzakuwabeka abe yizikhulu emhlabeni wonke.

Abase-Efesu 1:3

Kabongwe uNkulunkulu, uYise weNkosi yethu uJesu Kristu osibusisileyo kuKristu ngesibusiso sonke sokomoya ezulwini.

Isambulo 3:21

Onqobayo ngizakumnika ukuba ahlale lami esihlalweni sami sobukhosi, njengalokhu lami nganqoba, ngahlala loBaba esihlalweni sakhe sobukhosi.

Abase-Efesu 6:12

Ngoba kasilwi lenyama legazi, kodwa silwa lemibuso, lamandla, lababusi balumhlaba womnyama, lempi yemimoya emibi yaphezulu.

ULukha 1:33

uzakubusa phezu kwendlu kaJakobe kuze kube nininini, lombuso wakhe kawuzukuba lakuphela.

1 AbaseKhorinte 6:2

Kalazi yini ukuthi abangcwele bazakuthonisisa umhlaba na? Uba umhlaba uzakuthonisiswa yini, kalifanele ukuthonisa amacala amancinyane na?

Isambulo 22:5

Ubusuku kabusayikuba khona; kazidingi ukukhanya kwesibane loba okwelanga, ngoba iNkosi uNkulunkulu izakuba yikukhanya kwazo; zizakubusa kuze kube nini lanini.

AmaHubo 49:14

bamiselwe indawo yabafileyo njengezimvu, ukufa kuzabelusa; abaqotho bazababusa kusasa, imizimba yabo iphelele endaweni yabafileyo ezakuba likhaya labo.

U-Isaya 14:2

Abantu bezizwe bazakubaphelekezela, babase endaweni zabo, abakoIsrayeli bazakubathumba elizweni leNkosi babe yizigqili zabo. Bazakuthumba abathumbi babo, babuse abacindezeli babo.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

UDanyeli 7:17

Wathi: Lezizilo ezine ezinkulu zingamakhosi amane azavela emhlabeni.

UDanyeli 7:25

Izakhuluma kubi ngoPhezukonke, ihluphe abangcwele boPhezukonke. Izanakana ukuguqula izikhathi zemikhosi lomlayo. Abangcwele bazanikelwa esandleni sayo, iminyaka emithathu lengxenye.

uObadiya 1:17

Kodwa entabeni yaseZiyone kuzakuba khona abaphunyukileyo, izakuba ngcwele; lendlu kaJakobe izakudla ilifa layo.