UDanyeli 7:13 - iBhayibhili Elingcwele 1978

¹³ Ngabona emibonweni ebusuku kufika lamayezi aphezulu ofanana lendodana yomuntu, wafika koyisimakade, wasondezwa phambi kwakhe.

IBhayibhili Elingcwele LesiNdebele

¹³ Embonweni wami ebusuku ngakhangela kwabonakala khonapho phambi kwami lowo owayefana lendodana yomuntu esiza ngamayezi ezulu. Yasondela kuSimakade yasiwa phambi kwakhe.

UDanyeli 7:13 Referans Kwoze

UMatewu 26:64

UJesu wathi kuye: Kutsho wena. Kodwa ngithi kini: Kusukela khathesi lizakubona iNdodana yomuntu ihlezi ngakwesokunene saMandla, isiza ngamayezi aphezulu.

Isambulo 1:7

Khangelani, uyeza lamayezi; amehlo wonke azakumbona, labo bonke abamgwazayo; lezizwe zonke zomhlaba zizakulila ngenxa yakhe. Yebo, kuzakuba njalo. Ameni.

ULukha 21:27

Kubeng’khona bezakuyibona iNdodana yomuntu isiza eyezini, ilamandla lenkazimulo enkulu.

Isambulo 14:14

Ngasengikhangela, ngabona iyezi elimhlophe, kuhlezi phezu kwalo ofana omuntu elomqhele wegolide ekhanda lakhe, ephethe isikela ebukhali esandleni sakhe.

UMatewu 24:30

Kung’khonake kuzakubonakala ezulwini isibonakaliso seNdodana yomuntu, zikhale zonke izizwe zomhlaba, zibone iNdodana yomuntu isiza emayezini ezulu, ilamandla lenkazimulo enkulu.

UMakho 13:26

Kung’khonake bazakubona iNdodana yomuntu isiza emayezini, ilamandla amakhulu lenkazimulo,

UMatewu 25:31

Nxa isifikile iNdodana yomuntu ngobukhosi bayo kanye lezithunywa zonke, kung’khona izakuhlala esihlalweni sayo sobukhosi;

UJohane 3:13

Kakho owenyukela ezulwini, kuphela yena owehla ezulwini, iNdodana yomuntu ehlala ezulwini.

Isambulo 1:13

phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

UMatewu 13:41

INdodana yomuntu izakuthuma izithunywa zayo, zibuthe, zikhuphe embusweni wayo konke okukhubekisayo lalabo abenza okubi,

Isambulo 1:18

lophilayo; ngangifile, khathesi sengikhona ngiphila kuze kube nininini, ngilamakhiye okufa lawendawo yabafileyo.

Imisebenzi 7:56

wathi: Khangelani, ngibona izulu livulekile, leNdodana yomuntu imi ngakwesokunene sikaNkulunkulu.

AmaHebheru 9:24

Ngoba uKristu kangenanga endaweni engcwele eyenziwe ngezandla, engumfanekiso waleyo eqotho, kodwa wangena ezulwini uqobo ukuba khathesi abonakale phambi kukaNkulunkulu ngenxa yethu;

UDanyeli 7:22

kwaze kwafika oyisimakade, wabahlulela abangcwele boPhezukonke; kwafika isikhathi sokuba abangcwele bamukeliswe umbuso.

ULukha 21:36

Ngakhoke lindani ngezikhathi zonke, likhulekele ukuba libe lamandla okuphepha zonke lezizinto ezizakwenzeka lawokuma phambi kweNdodana yomuntu.

AmaHebheru 2:14

Ngakhoke njengoba abantwana behlanganyela inyama legazi, laye uqobo wahlanganyela khona lokho, ukuze ngokufa amchithe yena obelamandla okufa onguSathane,

1 uTimothi 6:16

yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

UDanyeli 7:9

Ngisakhangele, kwabekwa izihlalo zobukhosi, kwahlala oyisimakade; izambatho zakhe zazimhlophe njengongqoqwane, lenwele zekhanda lakhe zinjengoboya bezimvu obuhlambulukileyo; isihlalo sakhe sobukhosi singamalangabi omlilo, lamavili aso enjengomlilo ovuthayo.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

AmaHubo 47:5

UNkulunkulu wenyukile ngokuhlokoma, iNkosi yenyukile ngokukhala kophondo.

UJohane 12:34

Ngakho ixuku lamphendula lathi: Sizwile emlayweni ukuthi uKristu uhlala kokuphela; ungatsho kanjani ukuthi iNdodana yomuntu imele ukuphakanyiswa na? Ingubani iNdodana yomuntu na?

UJohane 5:27

Uyiphile amandla okwahlulela, ngoba iyiNdodana yomuntu.

UJeremiya 49:19

Njengesilwane esiphuma ehlathini leJordani sisiya emadlelweni, ngizabajuma, ngibaxotshe basuke kulo, ngilibekele lowo engimkhethileyo. Ngoba ngubani ofanana lami na? Ngubani ozangibiza na? Nguwuphi umalusi ongema phambi kwami na?

UMatewu 8:20

UJesu wathi kuye: Amakhanka alemilindi, lenyoni zaphezulu zilezidleke, kodwa iNdodana yomuntu kayilandawo lapho ingaqamelisa khona ikhanda layo.

UMatewu 28:18

UJesu wasondela, wakhuluma labo esithi: Aphiwe mina amandla wonke ezulwini lasemhlabeni;

ULukha 24:27

Esusela kuMose lakubo bonke abaprofethi, wabachasisela emibhalweni yonke izinto eziqondene laye.

1 AbaseThesalonika 4:17

thinake esisekhona sisasele sizakuhluthunelwa kanye labo emayezini, sihlangabeza iNkosi emoyeni; sihlale layo kokuphela.

AmaHubo 110:2

Intonga yobukhosi bakho iNkosi izakuyelula iseZiyone. Ithi: Busa wena phakathi kwezitha zakho.

UDanyeli 7:2

wathi: Ngabona embonweni wami ebusuku imimoya evela inxa zonke, iqubula ulwandle olukhulu.

UDanyeli 7:12

Kodwa ezinye izilo ukubusa kwazo kwathathwa, kodwa ukuphila kwazo kwelulwa okwesikathi esithile.

UDanyeli 8:15

Kwathi sengiwubonile umbono, mina Daniyeli, ngazama ukuwuqedisisa. Kwasekusima phambi kwami othile olesimo somuntu.

AmaHubo 2:8

Cela kimi, ngizakukunika izizwe zibe yilifa lakho, lomhlaba wonke ube ngowakho.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,