UDanyeli 5:20 - iBhayibhili Elingcwele 1978

²⁰ Kodwa lapho inhliziyo yakhe isizikhukhumeza, lomoya wakhe ususiba lukhuni waze wazigqaja, wakhutshwa esihlalweni sakhe sobukhosi, kwasuswa lodumo lwakhe.

IBhayibhili Elingcwele LesiNdebele

²⁰ Kodwa kwathi lapho inhliziyo yayo isilobuqholo, isilukhuni ngokuzigqaja yethulwa esihlalweni sayo sobukhosi yaphucwa udumo lwayo.

UDanyeli 5:20 Referans Kwoze

AmaHebheru 3:13

Kodwa layanani insuku ngensuku kusathiwa kulamuhla, ukuze kungabi khona kini owenziwa lukhuni yikukhohlisa kwesono.

UJeremiya 13:18

Tshono enkosini lakunina wenkosi uthi: Hlalani phansi ngokuzithoba, ngoba umqhele wenu omuhle uwele phansi.

2 ImiLando 36:13

Wayivukela inkosi uNebukadineza eyayimfungise ngoNkulunkulu ukuba athembeke kuyo. Waba lenkani lenhliziyo elukhuni ngokuphendukela eNkosini, uNkulunkulu kaIsrayeli.

2 AmaKhosi 17:14

Kodwa kabalalelanga, baba lenkani njengokhokho babo abangayithembanga iNkosi uNkulunkulu wabo.

U-Eksodasi 9:17

Usazikhukhumeza phambi kwabantu bami, ungabavumeli ukuba bahambe na?

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

ULukha 18:14

Ngithi kini: Lumuntu wehlela endlini yakhe elungisisiwe emehlweni kaNkulunkulu kulalowo omunye. Ngoba ilowo lalowo oziphakamisayo uzakuthotshiswa, kodwa ozithobayo uzakuphakanyiswa.

UJeremiya 19:15

INkosi yamabandla, uNkulunkulu kaIsrayeli, ithi: Khangelani, ngizakwehlisela kulumuzi lakuyo yonke imizana yawo konke okubi engikutshiloyo, ngoba balenkani, bala ukuzwa amazwi ami.

Izaga 16:5

INkosi izonda umuntu oyisiqholo, impela kayikuyekelwa.

UDanyeli 4:37

Ngalokhoke mina Nebukadineza ngiyayibonga ngiyiphakamise ngiyidumise iNkosi yaphezulu; ngoba yonke imisebenzi yayo ilungile, lendlela zayo zinhle. Labo abazigqajayo uyabathobisa.

UHezekhiyeli 30:6

INkosi ithi: Labo abasekela iGibithe bazakufa, lamandla alo aziphakamisileyo ehliselwe phansi; kusukela eMigidoli ngasenyakatho kuze kube seSiyene ngaseningizimu bazabulawa empini, kutsho iNkosi uNkulunkulu.

UJeremiya 48:18

Yehla ebukhosini bakho, uhlale emhlabathini owomileyo, wena ohlala eDiboni. Ngoba umchithi weMowabi usekufikele, wachitha inqaba zakho.

U-Isaya 47:1

INkosi ithi: Yehla, uhlale othulini, wena Babiloni; yehlani esihlalweni sobukhosi lihlale phansi, lina maKaladiya. Ngoba kawusayikubizwa ngokuthi uthambile, ubuthakathaka.

1 USamuyeli 6:6

Lenzelani inhliziyo zenu zibe lukhuni njengabaseGibithe loFaro bazenza inhliziyo zabo zaba lukhuni na? Ngemva kokuba esedlale ngabo kabavumelanga yini abantu ukuba bahambe, lempela bahamba na?

U-Eksodasi 18:11

Khathesi sengisazi ukuthi iNkosi yinkulu kulabo bonke onkulunkulu, yebo kulokho amaGibithe ayezigabisa ngakho.

UHezekhiyeli 31:10

Ngakho iNkosi uNkulunkulu ithi: Ngenxa yokuba waba mude, izihloko zawo zathinta amayezi, inhliziyo yawo yaziphakamisa ngobude bawo,

UDanyeli 8:8

Impongo yazikhukhumeza kakhulu; kodwa kwathi isilamandla, uphondo lwayo olukhulu lwephuka, endaweni yalo kwaphuma impondo ezine eziqaphileyo zikhangele ngasemagumbini amane ephezulu.

UDanyeli 11:36

Inkosi izakwenza ekuthandayo; izaziphakamisa izikhulise ngaphezu kwabo bonke onkulunkulu, ikhulume okumangalisayo ngoNkulunkulu, iphumelele kuze kuphelele intukuthelo, ngoba okumisiweyo kuzakwenziwa.

U-Eksodasi 9:7

UFaro wabuza, watshelwa ukuba kakufanga lesisodwa ezifuyweni zabakoIsrayeli. Kodwa inhliziyo kaFaro yajinga iba lukhuni, kazabavumela abantu ukuba bahambe.

2 ImiLando 32:25

Kodwa uHezekiya katshengisanga ukubonga ngokuhle enzelwe khona, ngoba inhliziyo yakhe yayisiziphakamisile. Ngakho ulaka lweNkosi lwehlela phezu kwabakoJuda labaseJerusalema.

UDanyeli 4:26

Njengokuba kwalaywa ukuba kutshiywe isindindi sesihlahla silempande, umbuso wakho uzaqina kusukela esikhathini ozakwazi ngaso ukuthi uNkulunkulu uyabusa.

UDanyeli 4:28

Konke lokhu kwayehlela inkosi uNebukadineza.