UDanyeli 5:2 - iBhayibhili Elingcwele 1978

² UBelishazari esalikholisa iwayini walaya ukuba kulethwe izitsha zegolide lezesiliva uNebukadineza uyise ayezithethe ethempelini eJerusalema, ukuba inkosi lezikhulu zayo labomkayo labanye abafazi bayo banathele kizo.

IBhayibhili Elingcwele LesiNdebele

² Kwathi uBhelishazari enatha iwayini lakhe walaya ukuthi kulethwe izitsha zegolide lezesiliva ezazithethwe nguyise uNebhukhadineza ethempelini eJerusalema, efuna ukuthi inkosi, lezikhulu zayo, labafazi bayo kanye labafazi bayo beceleni banathele kuzo.

UDanyeli 5:2 Referans Kwoze

UDanyeli 1:2

INkosi uNkulunkulu yanikela uJehoyakimi inkosi yakoJuda esandleni sakhe, lengxenye yezitsha zendlu kaNkulunkulu. UNebukadineza wazisa elizweni laseShinari, endlini kankulunkulu wakhe, wazibeka endlini yenotho.

2 AmaKhosi 24:13

yathumba layo yonke inotho yethempeli lenotho yesigodlo senkosi, yabulala zonke izitsha zegolide ezisethempelini leNkosi, uSolomoni inkosi yakoIsrayeli owayezenzile, njengokutsho kweNkosi uNkulunkulu.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

2 AmaKhosi 25:15

kanye lezitsha zokuthwala umlilo lemiganu yokuchela. Okwakwenziwe ngegolide induna yabalindi yakuthatha, lalokho okwakwenziwe ngesiliva yakuthatha.

UDanyeli 5:18

Nkosi, uNkulunkulu oPhezukonke, wanika uNebukadineza uyihlo ubukhosi lobukhulu lodumo lombuso.

UDanyeli 5:13

UDaniyeli waselethwa phambi kwenkosi; inkosi yathi kuDaniyeli: O nguwe Daniyeli, omunye wabathunjwayo koJuda, inkosi ubaba eyamthatha koJuda.

UDanyeli 5:11

Kukhona embusweni wakho umuntu olomoya wabonkulunkulu abangcwele. Ensukwini zikayihlo kwafunyaniswa kuye ukukhanya lokuqedisisa lokuhlakanipha, ukuhlakanipha okufanana lokwabonkulunkulu, loyihlo inkosi uNebukadineza wambeka waba yinduna yezanuse lezangoma lamaKaladiya labafunda okutshiwo zinkanyezi,

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UJeremiya 52:19

kanye lemiganywana, lezitsha zokuthwala umlilo, lemiganu yokuchela, lezimbiza, lezinti zezibane, lezinkezo zempepha, lemiganu yomnikelo wokuthululwa. Okwakwenziwe ngegolide induna yabalindi yakuthatha, lalokho okwakwenziwe ngesiliva yakuthatha.

UJeremiya 27:7

Zonke izizwe zizamsebenzela yena lendodana yakhe, lomzukulu wakhe, kuze kufike isikhathi sokuchithwa kwelizwe lakhe; kuzakuthi izizwe ezinengi lamakhosi amakhulu bamenze isigqili.

2 ImiLando 36:18

Lazo zonke izitsha zendlu kaNkulunkulu ezinkulu lezincinyane, lenotho yayo, lenotho yenkosi leyezikhulu zayo, konke lokhu yakusa eBabiloni.

2 ImiLando 36:10

Ekuqaleni komnyaka inkosi uNebukadineza yathumela abantu ukuba alethwe eBabiloni, lezitsha eziligugu zethempeli; yabeka umfowabo uZedekiya ukuba abe yinkosi yakoJuda laseJerusalema.

2 ImiLando 15:16

Inkosi uAsa yakhupha loninakhulu uMahaka esikhundleni sokuba yindlovukazi, ngoba wayemenzele unkulunkulukazi uAshera isithombe esinengisayo. UAsa wasigamula isithombe, wasigxoba, wasitshisela esifuleni iKidroni.

2 ImiLando 11:20

Wabuya wathatha uMahaka indodakazi kaAbisalomu, owamzalela oAbija loAthayi loZiza loShelomithi.

2 USamuyeli 9:7

UDavida wasesithi kuye: Ungesabi, ngoba ngizakwenzela umusa ngenxa kayihlo uJonathani; ngizakukubuyisela lonke ilizwe likayihlomkhulu uSawuli, udle njalo etafuleni yami.

AmaNani 7:79

Umnikelo wakhe wawungumganu wesiliva, ubunzima bawo bungamashekeli alikhulu lamatshumi amathathu; umganu wokuchela wesiliva, ubunzima bayo bungamashekeli angamatshumi ayisikhombisa, ngokweshekei lendlu engcwele; yomibili yayigcwele impuphu ecolekileyo ixubene lamafutha, kube ngumnikelo wempuphu;

U-Ezra 5:14

Lezitsha zegolide lezesiliva ezendlu kaNkulunkulu uNebukadineza ayezithethe ethempelini eJerusalema wazifaka ethempelini laseBabiloni, uKurosi inkosi wazikhupha ethempelini eBabiloni, wazinikeza kuSheshibazari ayembeke ukuba abe ngumbusi,

UJeremiya 50:35

Kawufike umkhonto phezu kwamaKaladiya, kutsho iNkosi, laphezu kwabakhileyo eBabiloni, phezu kwezikhulu zalo, labahlakaniphileyo balo.

UDanyeli 5:3

Basebeziletha izitsha zegolide lezesiliva ezazithethwe ethempelini, endlini kaNkulunkulu eJerusalema; inkosi lezikhulu zayo labomkayo labanye abafazi bayo banathela kizo.

UDanyeli 5:30

Ngabona lobobusuku uBelishazari inkosi yamaKaladiya wabulawa.