UDanyeli 5:11 - iBhayibhili Elingcwele 1978

¹¹ Kukhona embusweni wakho umuntu olomoya wabonkulunkulu abangcwele. Ensukwini zikayihlo kwafunyaniswa kuye ukukhanya lokuqedisisa lokuhlakanipha, ukuhlakanipha okufanana lokwabonkulunkulu, loyihlo inkosi uNebukadineza wambeka waba yinduna yezanuse lezangoma lamaKaladiya labafunda okutshiwo zinkanyezi,

IBhayibhili Elingcwele LesiNdebele

¹¹ Kulomuntu embusweni wakho olomoya wabonkulunkulu abangcwele phakathi kwakhe. Ngesikhathi sikayihlo watshengisa ukuqonda, lokukhalipha lenhlakanipho okufana lokwabonkulunkulu. Uyihlo, inkosi uNebhukhadineza yambeka ukuba yinduna yabomasalamusi, lezangoma, lezingcazi zezinkanyezi lezanuse.

UDanyeli 5:11 Referans Kwoze

UDanyeli 4:18

Leliphupho ngaliphupha mina nkosi uNebukadineza. Wenake, Beliteshazari, wangitshela incazelo yalo, ngoba bonke abahlakaniphileyo embusweni wami bengelamandla ukungitshela incazelo yalo; kodwa wena ulawo, ngoba umoya wabonkulunkulu abangcwele ukuwe.

UDanyeli 5:14

Sengizwile ngawe ukuba umoya wabonkulunkulu ukuwe, lokuba ukukhanya lokuqedisisa lokuhlakanipha okuhle kukhona kuwe.

Isambulo 3:9

Khangela, ngizakwenza labo abesinagoge likaSathane, abathi bangabaJuda kodwa beqamba amanga, beze baguqe ngasezinyaweni zakho; bazakwazi ukuthi lingabantu bami abathandekayo.

Imisebenzi 12:22

Abantu bamemeza bathi: Yilizwi likankulunkulu, kayisilo elomuntu.

UDanyeli 2:11

Into inkosi eyibuzayo ilukhuni, kakho loyedwa ongayitshela inkosi ngaphandle kwabonkulunkulu abangahlali labantu.

2 USamuyeli 14:17

Ngasengisithi: Ilizwi lenkosi yami lizangiduduza, ngoba inkosi yami injengesithunywa sikaNkulunkulu ukubona okubi lokuhle. INkosi uNkulunkulu wakho kayibe lawe.

Imisebenzi 16:16

Kwathi sisiya endaweni yokukhuleka, sahlangana lentombazana eyisigqili elomoya wokuhlahluba, eyayizuzela abaniniyo inzuzo enengi ngokuvumisa.

Imisebenzi 14:11

Kwathi ukuba amaxuku abone okwenziweyo nguPawuli, aphakamisa ilizwi esithi ngolimi lwaseLikawoniya: Onkulunkulu behlele kithi befana labantu.

UGenesisi 41:38

UFaro wasesithi ezincekwini zakhe: Singamthola yini onjengaye, umuntu okukuye umoya kaNkulunkulu na?

UHezekhiyeli 28:3

Impela uhlakaniphile kuloDaneli, kakukho okufihlakeleyo kuwe.

UDanyeli 1:4

abangamajaha angelasici, abukekayo, ahlakaniphileyo, alolwazi, akwaziyo ukufunda, lalamandla okusebenza esigodlweni senkosi, bafundiswe izincwadi lolimi lwamaKaladiya.

UDanyeli 2:22

Uyambula okuzikileyo lokufihlakeleyo, uyakwazi okusemnyameni, lokukhanya kuhlala laye.

UDanyeli 5:7

Yamemeza ukuba kulethwe izangoma lamaKaladiya labafunda okutshiwo zinkanyezi. Yathi kulababahlakaniphileyo baseBabiloni: Lowo ofunda lumbhalo, angitshele incazelo yawo, uzagqokiswa okuyibubende, agqiziswe iketane legolide entanyeni yakhe, abe ngumbusi wesithathu embusweni.

UHezekhiyeli 28:4

Ngokuhlakanipha kwakho langokuqedisisa kwakho uzinothisile, wabuthela ezindlini zenotho yakho igolide lesiliva.

UDanyeli 4:5

Ngaphupha iphupho elangethusayo, ngisalele embhedeni wami imicabango lemibono yengqondo yami yangethusa.

UDanyeli 4:6

Ngasengikhupha isimemezelo sokuthi bonke abahlakaniphileyo baseBabiloni balethwe phambi kwami ukuze bangitshele incazelo yephupho.