UDanyeli 4:34 - iBhayibhili Elingcwele 1978

³⁴ Ekupheleni kweminyaka emisiweyo mina Nebukadineza ngaphakamisela amehlo ami phezulu, lengqondo yami yabuya kimi; ngambonga oPhezukonke, ngamdumisa, ngamphakamisa yena ohlala kuze kube nininini. Ngoba ukubusa kwakhe kakulakuphela, lombuso wakhe ungowezizukulwana zonke;

IBhayibhili Elingcwele LesiNdebele

³⁴ Ekupheleni kwalesosikhathi, mina, Nebhukhadineza, ngaphakamisela amehlo ami ezulwini, ingqondo yami yabuya. Ngasengimdumisa oPhezukonke; ngambabaza, ngambonga yena ohlezi kuze kube phakade. Ubukhosi bakhe buyibukhosi baphakade; umbuso wakhe umi kulesi lakulesiyana isizukulwane.

UDanyeli 4:34 Referans Kwoze

Isambulo 4:10

abadala abangamatshumi amabili lane baziwisela phansi phambi kwakhe ohlezi esihlalweni sobukhosi, bamkhonza yena ophilayo kuze kube nininini, baphosela imiqhele yabo phambi kwesihlalo sobukhosi, behlabela besithi:

UDanyeli 12:7

Lowomuntu ogqoke ilembu elihle, owayemi ngaphezu komfula, waphakamisela isandla sokunene lesandla sakhe sokhohlo phezulu; ngamuzwa efunga ngalowo ophila kuze kube nininini ukuba kuzakuba ngokweminyaka emithathu lengxenye. Lapho sekuphelile ukufohlozwa kwamandla abantu abangcwele, zonke lezizinto zizaphela.

UDanyeli 2:44

Ensukwini zalawomakhosi uNkulunkulu ophezulu uzamisa umbuso ongayikuchithwa, lobukhosi bawo kabuyikuthathwa ngabanye abantu. Uzachoboza yonke limibuso, uyiqede, ume njalo kuze kube nininini,

UJeremiya 10:10

Kanti iNkosi inguNkulunkulu weqiniso, inguNkulunkulu ophilayo leNkosi engelakuphela. Ekuthukutheleni kwayo umhlaba uyazamazama, lezizwe kazilakukumela ukufutheka kwayo.

AmaHubo 145:13

Umbuso wakho ungumbuso ongapheliyo, lobukhosi bakho bumi kuzo zonke izizukulwana. INkosi ithembekile emazwini ayo wonke, igcwele umusa ezenzweni zayo zonke.

UDanyeli 6:26

Ngiyamisa umthetho ukuthi kuwo wonke amazwe asembusweni wami abantu kabathuthumele bamesabe uNkulunkulu kaDaniyeli. Ngoba unguNkulunkulu ophilayo, lohlala kuze kube nininini. Umbuso wakhe kawuyikuchithwa, lokubusa kwakhe kuzakuma kuze kube sekupheleni.

UDanyeli 4:32

uzaxotshwa ebantwini, uhlale lenyamazana zeganga, udle utshani njengenkomo okweminyaka eyisikhombisa ukuba wazi ukuthi oPhezukonke uyabusa umbuso wabantu, awunike lowo athanda ukumnika.

ULukha 1:33

uzakubusa phezu kwendlu kaJakobe kuze kube nininini, lombuso wakhe kawuzukuba lakuphela.

UDanyeli 5:21

Waxotshwa ebantwini, lengqondo yakhe yenziwa yafanana leyenyamazana, wahlala labobabhemi beganga, wadla utshani njengenkomo, lomzimba wakhe wathanjiswa ngamazolo aphezulu, waze wazi ukuthi uNkulunkulu oPhezukonke uyabusa umbuso wabantu, abeke kuwo lowo athanda ukumbeka.

UDanyeli 4:26

Njengokuba kwalaywa ukuba kutshiywe isindindi sesihlahla silempande, umbuso wakho uzaqina kusukela esikhathini ozakwazi ngaso ukuthi uNkulunkulu uyabusa.

1 uTimothi 6:16

yena yedwa olokungafi, ohlala ekukhanyeni okungelakusondelelwa, ongazange abonwe muntu, ongebonwe. Kakube kuye udumo lamandla angapheliyo. Ameni.

UMikha 4:7

Abaqhulayo ngizakubenza babe lixukwana labaseleyo, labadeliweyo babe yisizwe esilamandla; iNkosi izakubabusa entabeni yaseZiyone, kusukela khathesi kuze kube nininini.

UDanyeli 4:3

Yeka ubukhulu bezibonakaliso zakhe, lamandla ezimangaliso zakhe! Umbuso wakhe ungumbuso ongelakuphela, lokubusa kwakhe kungokwezizukulwana zonke.

Izililo 3:38

Kakuphumi okuhle lokubi emlonyeni woPhezukonke na?

U-Isaya 24:15

Ngakhoke dumisani iNkosi ngasempumalanga, langasemazweni angasolwandle dumisani ibizo leNkosi uNkulunkulu kaIsrayeli.

AmaHubo 146:10

INkosi izakubusa kuze kube nininini, uNkulunkulu wakho, Ziyone, kuze kube sezizukulwaneni zonke. Dumisani iNkosi!

AmaHubo 123:1

Ngiyaphakamisela kuwe amehlo ami, wena ohlezi esihlalweni sobukhosi phezulu.

AmaHubo 121:1

Ngizakuphakamisela amehlo ami ezintabeni. Usizo lwami luzakuvela ngaphi na?

AmaHubo 107:31

Kabayibonge iNkosi ngothando lwayo olungapheliyo,

AmaHubo 102:24

Ngithi: Nkulunkulu wami, ungangithathi insuku zami zingakapheli, wena oleminyaka ehlala izizukulwana zonke.

AmaHubo 92:1

Kuhle ukukubonga, Nkosi, lokudumisa ibizo lakho, wena oPhezukonke;

AmaHubo 10:16

INkosi yinkosi kuze kube nininini; izizwe zizakubhubha emhlabeni wayo.

Isambulo 11:15

Isithunywa sesikhombisa salukhalisa uphondo; kwezwakala amazwi amakhulu ezulwini esithi: Umbuso womhlaba usungoweNkosi yethu lokaKristu wayo; izakubusa kuze kube nini lanini.

1 uTimothi 1:17

Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.

UJohane 5:26

Njengoba uYise elokuphila ngokwakhe, kunjaloke uyinikile iNdodana ukuba ibe lokuphila ngokwayo.

ULukha 18:13

Kodwa umthelisi emi khatshana wayengathandi lokuphakamisela amehlo akhe ngasezulwini, kodwa watshaya isifuba sakhe, esithi: Nkulunkulu, akungihawukele mina soni.

UDanyeli 7:14

Wanikwa amandla okubusa, lodumo, lombuso, ukuba bonke abantu bezizwe lezindimi bamkhonze. Ukubusa kwakhe kakulakuphela, kakuyikudlula, lombuso wakhe uyilowo ongayikuchithwa.

AmaHubo 107:22

Kabanikele umnikelo wokubonga, bahlabelele izenzo zayo ngokuthaba.

AmaHubo 107:15

Kabayibonge iNkosi ngothando lwayo olungapheliyo, langemisebenzi yayo emangalisayo ebantwaneni babantu.

AmaHubo 107:8

Kabayibonge iNkosi ngothando lwayo olungapheliyo langemisebenzi yayo emangalisayo ebantwaneni babantu.

AmaHubo 50:14

Nikela kuNkulunkulu umnikelo wokubonga, ugcwalise izithembiso zakho koPhezukonke;

AmaHubo 9:2

Ngizakuthaba ngithokoze kuwe, ngidumise ibizo lakho wena oPhezukonke.

AmaHubo 7:17

Ngizakuyibonga iNkosi ngokulunga kwayo, ngihlabelele ibizo leNkosi ePhezukonke.

UJobe 1:21

wathi: Ngaphuma ngize esiswini sikamama, ngizabuyela khona ngize; iNkosi yapha, iNkosi ibuye yathatha; kalidunyiswe ibizo leNkosi.

Isambulo 10:6

safunga yena ophilayo kuze kube nininini, owadala izulu lakho konke okukulo, lomhlaba lakho konke okukuwo, lolwandle lakho konke okukulo, sathi: Kakusayikuphuzwa;

Isambulo 4:9

Kuthi lapho izidalwa eziphilayo zimnika ubukhosi lodumo lokubongwa lowo ohlezi esihlalweni sobukhosi, ophilayo kuze kube nininini,

UDanyeli 4:2

Kube kuhle kimi ukutshengisa izibonakaliso lezimangaliso uNkulunkulu oPhezukonke angenzele zona.

UDanyeli 4:36

Ngasona lesosikhathi yabuya kimi ingqondo yami, lobukhosi bami kanye lodumo lwami kwabuyiselwa kimi, lodumo embusweni wami. Abeluleki bami lezikhulu zami zangidinga, ngabuyiselwa embusweni wami, kwengezelelwa ubukhulu bami.

UDanyeli 5:18

Nkosi, uNkulunkulu oPhezukonke, wanika uNebukadineza uyihlo ubukhosi lobukhulu lodumo lombuso.

UDanyeli 7:27

Amandla lobukhulu bemibuso yonke engaphansi komthunzi welanga kuzanikwa abantu abangcwele boPhezukonke. Ukubusa kwabo kakuyikuphela, layo yonke imibuso izakubakhonza ibalalele.

UJona 1:14

Ngakhoke basebekhuleka eNkosini besithi: Siyakuncenga, Nkosi, asingabhubhi ngenxa yalumuntu, ungasibekeli umlandu wegazi lomuntu ongelacala; ngoba wena, Nkosi, wenzile njengokuthanda kwakho.

UDutheronomi 32:4

UliDwala, lomsebenzi wakhe uphelele, ngoba zonke indlela zakhe ziyikulunga. UnguNkulunkulu othembekileyo, ongelabubi, ulungile, uqotho.

2 USamuyeli 22:31

LuNkulunkulu indlela yakhe iphelele; ilizwi leNkosi lithembekile; uyisihlangu kubo bonke abaphephela kuye.

1 ImiLando 29:10

UDavida waseyibonga iNkosi phambi kwebandla lonke, wathi: Kawudunyiswe, wena Nkosi, Nkulunkulu kaIsrayeli ukhokho, kuze kube nininini.

1 ImiLando 29:13

Siyakubonga khathesi, Nkulunkulu wethu, silidumise ibizo lakho elilodumo.

AmaHubo 66:7

Ubusa ngamandla akhe kuze kube nininini, omehlo akhe ayazilinda izizwe; abalenkani kabangaziphakamisi.

AmaHubo 111:7

Imisebenzi yezandla zayo iqotho ilungile; lemithetho yayo yonke ithembekile,

U-Isaya 2:11

Abantu abaziphakamisayo bazakwehliselwa phansi, lokuzikhukhumeza kwabantu kuzakuthotshiswa, kuphakame iNkosi kuphela ngalolosuku.

U-Isaya 13:11

Ngizakuwutshaya umhlaba ngenxa yobubi bawo, lababi ngenxa yezono zabo, ngiqede ukuzigqaja kwabazikhukhumezayo, ngithobise ukuzikhukhumeza kwabalesihluku.

UDanyeli 9:14

Ngakhoke iNkosi yasisidlinzeka ngomonakalo, yawehlisela phezu kwethu; ngoba iNkosi uNkulunkulu wethu ilungile emisebenzini yayo yonke eyenzileyo, thina kasililalelanga ilizwi layo.