UDanyeli 3:17 - iBhayibhili Elingcwele 1978

¹⁷ Uba kunjalo, uNkulunkulu wethu esimkhonzayo ulamandla okusikhulula esithandweni somlilo ovuthayo; yena uzasikhulula esandleni sakho, wena nkosi.

IBhayibhili Elingcwele LesiNdebele

¹⁷ Singaphoselwa esithandweni somlilo olavuzayo, uNkulunkulu esimkhonzayo ulamandla okusisindisa kuwo, njalo uzasilamulela esandleni sakho, wena nkosi.

UDanyeli 3:17 Referans Kwoze

AbaseRoma 8:31

Phoke, sizakuthini ngalokhu na? Uba uNkulunkulu engakithi, ngubani ongamelana lathi na?

ULukha 1:37

Ngoba kuNkulunkulu kakulalutho olwahlulayo.

AmaHebheru 7:25

Ngakhoke ulamandla okusilisa ngokupheleleyo abeza kuNkulunkulu ngaye, lokhu ephilela ukubanxusela.

UJeremiya 1:8

Ungabesabi, ngoba ngilawe ukukuvikela, kutsho iNkosi.

Imisebenzi 21:13

UPawuli wasephendula esithi: Lenzani likhala lidabula inhliziyo yami na? Ngoba sengilungele, kungesikho ukubotshwa kuphela, kodwa lokufa eJerusalema ngenxa yebizo leNkosi uJesu.

UJobe 5:19

Uzakukukhulula enhluphekweni eziyisithupha, lakweziyisikhombisa kawuyikuthintwa yibubi.

U-Isaya 12:2

UNkulunkulu ungumkhululi wami, ngizakuthemba ngingesabi; ngoba iNkosi uNkulunkulu ingamandla ami lengoma yami, isingumkhululi wami.

AmaHubo 115:3

Owethu uNkulunkulu usezulwini, wenza konke akuthandayo.

Imisebenzi 20:24

Kodwa ukusila kwami angikutshayi into enkulu leligugu kimi, kuphela ukuba ngiphelelise uhambo lwami lenkonzo engayamukela eNkosini uJesu eyokufakaza ngevangeli lomusa kaNkulunkulu.

UDanyeli 6:27

Uyakhulula, ophule, enze izibonakaliso lezimangaliso ezulwini lasemhlabeni, yena umkhulule uDaniyeli emandleni ezilwane.

UDanyeli 4:35

bonke abakhileyo emhlabeni batshaywa ize, uyenza akuthandayo ebandleni laphezulu; kakho ongavimbela isandla sakhe, loba athi kuye: Wenzani na?

1 USamuyeli 17:46

Lamuhla iNkosi izakukunikela esandleni sami, ngizakukubulala, ngikuqume ikhanda; nginike lamuhla inyoni zaphezulu lenyamazana zomhlaba izidumbu zempi yamaFilistiya, ukuze wonke umhlaba wazi ukuba kukhona uNkulunkulu koIsrayeli.

1 USamuyeli 17:37

UNkulunkulu owangophula enzitsheni zesilwane lenzitsheni zebhere, uzangophula lesandleni salumFilistiya. USawuli wasesithi kuDavida: Hambake, iNkosi ibe lawe.

UGenesisi 18:14

Kukhona into engahlula iNkosi na? Ngalesisikhathi nyakenye ngizabuya kuwe, uSara uzazuza indodana.

U-Isaya 54:14

Uzakuqiniswa ngokulunga; uzavikeleka ekucindezeleni, ungesabi; uvikeleke kokwesabekayo, kakuyikusondela kuwe.

UJobe 34:29

Lapho yena ethula, ngubani ongamlahla na? Lalapho efihla ubuso bakhe, ngubani ongambona na?

AmaHubo 73:20

Banjengephupho ekuphaphameni komuntu, okhohlwa umfanikiso walo ekuvukeni kwakhe.

UGenesisi 17:1

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

2 AbaseKhorinte 1:10

owasophula ekufeni okungaka lozakusophula; sesithemba kuye ukuthi uzakusophula futhi.

AmaHubo 37:40

INkosi iyabasiza ibakhulule; iyabakhulula kibo ababi, ibasize, ngoba baphephela kuyo.

UJeremiya 15:20

Ngizakukwenza ukuba ube ngumduli wethusi oqinileyo kulababantu; bazakulwa lawe, kodwa kabayikukwahlula, ngoba ngilawe ukukusiza lokukukhulula, kutsho iNkosi.

UJeremiya 15:21

Ngizakukukhulula esandleni sababi, ngikophule ezandleni zabalesihluku.

UDanyeli 3:26

UNebukadineza wasesondela emnyango wesithando somlilo ovuthayo, wathi: Shadraki loMeshaki loAbedinego, lina zinceku zikaNkulunkulu oPhezukonke, phumani, lize lapha. Basebephuma emlilweni oShadraki loMeshaki loAbedinego.

UDanyeli 6:16

Inkosi yasilaya ukuba uDaniyeli alethwe, aphoselwe emgodini wezilwane. Yathi kuDaniyeli: Kungathi uNkulunkulu wakho omkhonzayo njalonjalo angakukhulula!

UDanyeli 6:23

Inkosi yasithokoza kakhulu, yalaya ukuba uDaniyeli akhutshwe emgodini. Ngakho uDaniyeli wasekhutshwa emgodini, wafunyanwa engalimalanga, ngoba wayethembe kuNkulunkulu wakhe.

UMikha 7:7

Kodwa mina ngizalindela iNkosi, ngilindele uNkulunkulu wokusiliswa kwami; uNkulunkulu wami uzakungizwa.

AmaHubo 37:39

Ukukhululwa kwabalungileyo kuvela eNkosini; iyinqaba yabo esikhathini sokuhlupheka.