UDanyeli 3:1 - iBhayibhili Elingcwele 1978

¹ Inkosi uNebukadineza yenza isithombe segolide, ubude baso babuzingalo ezingamatshumi ayisithupha, lobuqatha baso buzingalo eziyisithupha. Yasimisa egcekeni laseDura, elizweni laseBabiloni.

IBhayibhili Elingcwele LesiNdebele

¹ INkosi uNebhukhadineza yenza isithombe segolide, saphakama izingalo ezingamatshumi ayisificamunwemunye lobubanzi obuzingalo eziyisificamunwemunye, yasimisa egcekeni laseDura elizweni laseBhabhiloni.

UDanyeli 3:1 Referans Kwoze

UHabhakhukhi 2:19

Maye kulowo otshoyo esigodweni esibaziweyo ukuthi: Vuka! lelitsheni eliyisimungulu ukuthi: Phaphama! Lokhu kungamfundisa ulutho na? Kunanyekwe ngegolide langesiliva, kakulamoya wokuphefumula.

UJeremiya 16:20

Kambe umuntu angazenzela onkulunkulu na? Labo kabayisibo onkulunkulu.

U-Isaya 46:6

Lalabo abathulula igolide esikhwameni, balinganise isiliva esilinganisweni, basebeqatsha umkhandi ukuba abenzele unkulunkulu basebeguqa kukho, bekukhonza.

UHosiya 8:4

Bazibekela amakhosi ngaphandle kwemvumo yami. Bamisa ababusi ngingazi mina. Ngesiliva sabo langegolide labo bazenzela izithombe ezabalethela ukuchitheka.

Imisebenzi 19:26

njalo liyabona, liyazi futhi ukuba kakusikho lapha eEfesu kodwa kuphose ukuba kube kulo lonke elaseAsiya uPawuli lo ubaphambukisile abantu ngokubenza bakholwe ukuthi kayisibo onkulunkulu abenziwe ngezandla.

Imisebenzi 17:29

Ngakhoke lokhu siyinzalo kaNkulunkulu, kakufanele ukuba sinakane ukuthi ubuNkulunkulu bunjengegolide ingabe isiliva loba ilitshe okwenziweyo ngeminwe langokunakana kwabantu.

U-Isaya 2:20

Ngalolosuku abantu bazakulahlela emagundwaneni lakubolulwane izithombe zabo zesiliva lezegolide abazenzela zona ukuba bakhuleke kuzo,

AmaHubo 135:15

Izithombe zezizwe ngezesiliva legolide, umsebenzi wezandla zabantu.

1 AmaKhosi 12:28

Emva kokunakana ngalindaba wenza amathole amabili egolide, wathi ebantwini: Seliye kakhulu eJerusalema; khangelani, nampa onkulunkulu benu, Israyeli, abalikhupha eGibithe.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

UDanyeli 2:48

Inkosi yasimnika uDaniyeli udumo olukhulu leziphiwo ezinengi ezinkulu, yambeka umbusi welizwe lonke laseBabiloni lenduna enkulu yabo bonke abahlakaniphileyo baseBabiloni.

UJeremiya 10:9

Isiliva esikhandiweyo sivela eTarshishi, legolide livela eOfiri. Ukwenza izithombe kungumsebenzi wesisebenzi lowezandla zomkhandi, zigqokiswe okuluhlaza lokuyibubende; konke kungumsebenzi wezingcitshi.

U-Isaya 30:22

Lizakudela izithombe zenu ezibaziweyo, zananyekwa ngesiliva, lezithombe zenu ezibunjiweyo, zananyekwa ngegolide, liziphose njengezinto ezingcolileyo, lithi kuzo: Sukani lapha.

UDutheronomi 7:25

Izithombe ezibaziweyo zabonkulunkulu bazo lizakuzitshisa ngomlilo. Lingahawukeli isiliva legolide elikuzo, lingazithatheli lona, libe ngumjibila kini, lezizinto ziyisinengiso eNkosini uNkulunkulu wenu.

U-Eksodasi 32:31

UMose wasebuyela eNkosini wathi: Maye! Lababantu benzile isono esikhulu, bazenzele onkulunkulu begolide.

U-Eksodasi 20:23

Lingenzi onkulunkulu besiliva ukuba babe khona kanye lami, lingazenzeli onkulunkulu begolide.

Isambulo 9:20

Abaseleyo babantu abangabulawanga yilezizifo kabaphendukanga emisebenzini yezandla zabo ukuba bangakhonzi omoya ababi, lezithombe zegolide, lezesiliva, lezethusi, lezelitshe, lezesihlahla, izinto ezingaboniyo lezingezwayo lezingahambiyo.

UDanyeli 3:30

Inkosi yasibaphakamisa oShadraki loMeshaki loAbedinego elizweni laseBabiloni.

U-Esta 1:1

Ngensuku zikaAhasuweru, lowo owabusa kusukela eIndiya kuze kube seEtiyopiya, amazwe alikhulu lamatshumi amabili lesikhombisa,

UDanyeli 3:14

UNebukadineza wathi kibo: Kuliqiniso yini, lina Shadraki loMeshaki loAbedinego, ukuthi kalikhonzi onkulunkulu bami, kalikhuleki esithombeni segolide engisimisileyo na?

UDanyeli 5:4

Banatha iwayini, badumisa onkulunkulu begolide labesiliva labethusi labensimbi labesigodo labelitshe.

UHosiya 2:8

Wayengakwazi ukuba kwakuyimi engangimnika amabele lewayini elitsha lamafutha, ngimnika isiliva esinengi legolide elinengi abakusebenzisela uBali.

UDanyeli 2:49

UDaniyeli wasecela enkosini ukubeka oShadraki loMeshaki loAbedinego babe ngabaphathi belizwe laseBabiloni; kodwa yena uDaniyeli wahlala esigodlweni senkosi.