UDanyeli 2:11 - iBhayibhili Elingcwele 1978

¹¹ Into inkosi eyibuzayo ilukhuni, kakho loyedwa ongayitshela inkosi ngaphandle kwabonkulunkulu abangahlali labantu.

IBhayibhili Elingcwele LesiNdebele

¹¹ Lokhu okufunwa yinkosi kunzima kakhulu. Kakho ongakwambulela inkosi ngaphandle kwabonkulunkulu, njalo kabahlali ebantwini.”

UDanyeli 2:11 Referans Kwoze

UDanyeli 5:11

Kukhona embusweni wakho umuntu olomoya wabonkulunkulu abangcwele. Ensukwini zikayihlo kwafunyaniswa kuye ukukhanya lokuqedisisa lokuhlakanipha, ukuhlakanipha okufanana lokwabonkulunkulu, loyihlo inkosi uNebukadineza wambeka waba yinduna yezanuse lezangoma lamaKaladiya labafunda okutshiwo zinkanyezi,

2 AbaseKhorinte 6:16

Livumelana ngaphi ithempeli likaNkulunkulu lezithombe na? Ngoba thina silithempeli likaNkulunkulu ophilayo, njengokutsho kwakhe ukuthi: Ngizakuhlala labo, ngihambe phakathi kwabo; ngizakuba nguNkulunkulu wabo, bona babe ngabantu bami.

UJohane 14:23

UJesu wamphendula wathi: Uba umuntu engithanda, uzakulondoloza ilizwi lami; uBaba uzakumthanda yena; sizakuza kuye, sihlale laye.

UJohane 14:17

uMoya weqiniso, ongemamukele umhlaba, ngoba ungamboni, ungamazi; kodwa lina liyamazi, ngoba uhlala lami, uzakuba kini.

UJohane 1:14

ULizwi waba yinyama, wahlala phakathi kwethu, sabona inkazimulo yakhe injengeyozelwe yedwa kaYise, egcwele umusa leqiniso.

UMatewu 19:26

Kodwa uJesu wabakhangela wathi: Kubantu kakulakwenzeka, kodwa kuNkulunkulu zonke izinto zingenzeka.

U-Isaya 57:15

Ngoba ophakemeyo lophezulu, ohlala kuze kube nininini, obizo lakhe lingoNgcwele, uthi: Ngihlala endaweni ephakemeyo lengcwele, lakuye olomoya odabukileyo lozithobayo, ukuba ngivuselele umoya wabazithobayo, lenhliziyo edabukileyo.

U-Eksodasi 29:45

Ngizahlala phakathi kwabantu bakoIsrayeli, ngibe nguNkulunkulu wabo.

UGenesisi 41:39

UFaro wathi kuJosefa: Njengalokhu uNkulunkulu ekutshengisile lokhu konke, kakho oqaphelisayo lohlakaniphileyo njengawe.

Isambulo 21:3

Ngezwa ilizwi elikhulu livela esihlalweni sobukhosi lisithi: Khangela, indawo yokuhlala uNkulunkulu isebantwini; uzakuhlala labo, bazakuba ngabantu bakhe, uNkulunkulu uqobo uzakuba labo,

UJoweli 3:21

Ngizaphindisela igazi labo, kangiyikumyekela olecala, ngoba iNkosi ihlala eZiyone.

U-Isaya 8:18

Mina labantwana iNkosi enginike bona siyizibonakaliso lezimangaliso koIsrayeli, ezivela eNkosini yamabandla ehlala entabeni yaseZiyone.

AmaHubo 132:14

Yathi: Le yindawo yami yokuhlala kuze kube nininini; ngizakuhlala khona, ngoba ngiyikhethile.

AmaHubo 68:18

Wena wakhwela phezulu entabeni, ulandelwa ngabathunjiweyo; wamukela iziphiwo ebantwini, yebo, lakwabalenkani; iNkosi uNkulunkulu izahlala khona.

2 ImiLando 6:18

Kambe uNkulunkulu uzahlala emhlabeni labantu na? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

1 AmaKhosi 8:27

Kambe uNkulunkulu uzahlala yini emhlabeni? Khangela, iphezulu, lezulu eliphezulu kakhulu kakukulingananga; pho, lindlu engiyakhileyo ingayini kuwe na?

AmaNani 35:34

Kaliyikungcolisa ilizwe lenu, ilizwe engihlala kulo; ngoba mina Nkosi ngihlala phakathi kwabakoIsrayeli.

U-Eksodasi 8:19

Izangoma zasezisithi kuFaro: Lokhu kungumunwe kaNkulunkulu. Kodwa inhliziyo kaFaro yajinga iba lukhuni, kazabalalela, njengokutsho kweNkosi.

UGenesisi 41:8

Kwathi ekuseni umoya wakhe wakhathazeka; wabiza izangoma zonke zaseGibithe lazo zonke izazi. Wazilandisela iphupho lakhe; kodwa kwakungekho muntu owayengamchasisela lona.

U-Isaya 47:12

Qhubekake ngamalumbo akho langobuthakathi bakho okusebenzise kusukela ebutsheni bakho; mhlawumbe ungasizakala ngakho, mhlawumbe wethusele ngakho.

UDanyeli 4:4

Mina Nebukadineza, ngangichelesile endlini yami, ngiphumelela esigodlweni sami.