UDanyeli 12:1 - iBhayibhili Elingcwele 1978

¹ Ngalesosikhathi kuzavela uMikayeli, umbusi omkhulu olinda abantu bakini. Kuzakuba khona isikhathi sokuhlupheka esingazanga sibe khona kusukela ekuqaleni kwezizwe kuze kube ngalesosikhathi. Kodwa ngalesosikhathi bazakhululwa abantu bakini, bonke abalotshiweyo ogwalweni.

IBhayibhili Elingcwele LesiNdebele

¹ “Ngalesosikhathi uMikhayeli, umbusi omkhulu olinda abantu bakini, uzavela. Kuzakuba khona isikhathi sokuhlukumezeka okungazange kube khona kulokhu kwadabuka izizwe kuze kube yiso. Kodwa kulesosikhathi abantu bakini bonke labo abalamabizo azafunyanwa elotshiwe encwadini bazahlengwa.

UDanyeli 12:1 Referans Kwoze

UJeremiya 30:7

Maye! lukhulu lolosuku, kalukho olunye olunjengalo. Kuyisikhati sokuhlupheka kukaJakobe, kanti uzakukhululwa kukho.

UMatewu 24:21

Ngoba ngalesosikhathi kuzakuba khona ukuhlupheka okukhulu okungazanga kube khona kusukela ekuqaleni komhlaba kuze kube khathesi lokungasayikuba khona.

UMakho 13:19

Ngoba ngalezonsuku kuzakuba khona ukuhlupheka okungazanga kube khona ekuqaleni kokudabuka okwadatshulwa nguNkulunkulu kuze kube khathesi, lokungasayikuba khona.

UDanyeli 10:13

Umbusi wesizwe samaPerisiya wamelana lami insuku ezingamatshumi amabili lanye; kodwa uMikayeli omunye wababusi abakhulu weza ukungisiza; ngoba ngangitshiywe ngedwa embusweni sePerisiya,

UDanyeli 10:21

Kodwa ngizakukutshela okubhaliweyo encwadini yeqiniso; kakho loyedwa ongisizayo ukulwa lalaba ngaphandle kukaMikayeli umbusi wenu.

Isambulo 12:7

Kwaba khona ukulwa ezulwini; uMikayeli lezithunywa zakhe balwa lomgobho. Umgobho ulezithunywa zawo lawo walwa,

Isambulo 20:15

Uba ekhona ongafunyaniswanga elotshiwe encwadini yokuphila, waphoselwa echibini lomlilo.

Isambulo 20:12

Ngabona abafileyo, abakhulu labancinyane, bemi phambi kwesihlalo sobukhosi; lezincwadi zavulwa. Kwavulwa lenye incwadi eyincwadi yokuphila. Abafileyo bahlulelwa ngalokhu okwakulotshiwe ezincwadini langalokho ababekwenzile.

Isambulo 3:5

Onqobayo uzakwambathiswa ngokunjalo ingubo ezimhlophe; kangiyikulesula ibizo lakhe encwadini yokuphila, ngoba ngizakulivuma phambi kukaBaba laphambi kwezithunywa zakhe.

ULukha 10:20

Lingathokozi ngalokho okokuthi omoya bayalithobela, kodwa thokozani ngokuthi amabizo enu alotshiwe ezulwini.

UDanyeli 9:12

Ugcwalisile amazwi akho owawakhuluma ngathi langababusi bethu abasibusayo ngokusehlisela umonakalo omkhulu; ngoba emhlabeni wonke kakuzanga kwenziwe okunjengalokho okwenziwe eJerusalema.

Isambulo 13:8

Bonke abakhileyo emhlabeni bazakusikhonza, ngaphandle kwalabo amabizo abo alotshwa encwadini yokuphila yeWundlu elahlatshwayo, selokhu kwasukela ekudatshulweni komhlaba.

Isambulo 1:5

lakuJesu Kristu ufakazi othembekileyo, olizibulo kwabafileyo lombusi wamakhosi omhlaba. Kuye osithandayo lowasikhulula ezonweni zethu ngegazi lakhe,

UJuda 1:9

Kodwa uMikayeli, isithunywa esikhulu, lapho ephikisana loSathane bebanga isidumbu sikaMose, kabanga lesibindi sokumlahla ngokumthuka, kodwa wathi: INkosi kayikukhalimele.

AbaseFiliphi 4:3

Ngiyakuncenga lawe, mnakwethu oqotho, siza labo abesifazana, ngoba basebenza kakhulu kanye lami evangelini, kanye loKlementi lezinye izisebenzi amabizo azo asencwadini yokuphila.

Abase-Efesu 1:21

ngaphezu kwakho konke ukubusa, lobukhulu, lamandla, lobukhosi, laphezu kwamabizo wonke aphathwayo, kungesikho kulesisikhathi kuphela kodwa lesikhathini esizayo.

AbaseRoma 11:26

andubana uIsrayeli wonke ezakusiliswa, njengokulotshiweyo ukuthi: Kuzakuvela eZiyone uMkhululi, asuse ububi kuJakobe;

UHezekhiyeli 13:9

Isandla sami sizamelana labaprofethi ababona imibono yenkohliso, bavumise amanga. Kabayikuba semhlanganweni wabantu bami, loba babhalwe oluhlwini lwakoIsrayeli, kabayikungena elizweni lakoIsrayeli; lizakwazi ukuba ngiyiNkosi uNkulunkulu.

U-Isaya 9:7

Umbuso wayo uzakuba mkhulu, lokuthula kakuyikuphela kuwo, lapho isihlezi esihlalweni sobukhosi sikaDavida. Izakuwumisa, iwuqinise ngokufaneleyo langokulunga, kusukela kulesisikhathi kuze kube nininini. Ukutshisekela kweNkosi yamabandla kuzakukwenza lokhu.

U-Isaya 4:3

Kuzakuthi bonke abaseleyo eZiyone, abatshiywe eJerusalema, bonke ababhaliweyo ogwalweni lokuphila, kuthiwe bangcwele,

AmaHubo 69:28

Kabesulwe encwadini yabaphilayo, bangabalwa kanye labalungileyo.

AmaHubo 56:8

Ukuhlupheka kwami ukubalile; thana izinyembezi zami embizeni yakho; kazikho encwadini yakho na?

Isambulo 17:14

Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.

AbaseRoma 11:15

Ngoba uba ukulahlwa kwabo kuyikubuyiswa komhlaba, ukwamukelwa kwabo kungaba yini na? Kungaba yikuphila kwabafileyo!

UDanyeli 11:45

Izamisa amathente ayo obukhosi phakathi kolwandle lentaba enhle engcwele. Kodwa izakufa, kungekho ongayisiza.

UHezekhiyeli 34:24

Mina Nkosi ngizakuba nguNkulunkulu wazo, lenceku yami uDavida ibe yisikhulu phakathi kwazo. Mina Nkosi ngikhulumile.

Isambulo 7:14

Ngasengisithi kuye: Nkosi, nguwe owaziyo. Wasesithi kimi: Laba yibo abaphuma ezinhluphekweni ezinkulu, bagezisa ingubo zabo, bazenza zaba mhlophe egazini leWundlu.

UHezekhiyeli 5:9

Ngenxa yamanyala enu wonke ngizakwenza kini engingazake ngikwenze lengingasayikukwenza futhi.

UDanyeli 7:10

Kwavela umkhonjwana womlilo, waphumela ngaphambi kwakhe. Inkulungwane zezinkulungwane zamkhonza, lezinkulungwane ezilitshumi zezinkulungwane ezilitshumi zema phambi kwakhe. Kwaba lokwahlulela, lezincwadi zavulwa.

UJoweli 2:2

usuku lomnyama losizi, usuku lwamayezi lomnyama omkhulu. Njengobumnyama obembese izintaba kuvela impi elamandla engelakubalwa. Kakuzanga kube khona abanjengabo kusukela endulo, futhi kabayikuba khona ngemva kwabo kuyo yonke iminyaka ezayo.

UMalaki 3:16

Basebekhulumisana labo abayesabayo iNkosi; iNkosi yabalalela, yabezwa. Incwadi yesikhumbuzo yalotshwa phambi kwayo ngabo abayesabayo iNkosi, labahlonipha ibizo layo.

UJeremiya 30:10

Ngakhoke ungesabi, wena Jakobe, nceku yami; ungatshaywa luvalo, wena Israyeli, kutsho iNkosi; ngoba ngizakukukhulula endaweni ekhatshana, lenzalo yakho elizweni lokuthunjwa kwayo. UJakobe uzakubuya aphumule, ahlale kuhle, angethuswa muntu.