UDanyeli 11:12 - iBhayibhili Elingcwele 1978

¹² Lapho impi isithunjiwe, inhliziyo yayo izaziphakamisa, ibulale amatshumi ezinkulungwane, kodwa kayiyikunqoba.

IBhayibhili Elingcwele LesiNdebele

¹² Kuzakuthi nxa amabutho esethunjiwe, inkosi yaseNingizimu izazikhukhumeza, ibisibulala izinkulungwane ezinengi, kodwa kayiyikuhlala inqoba.

UDanyeli 11:12 Referans Kwoze

1 UPhethro 5:5

Ngokunjalo lani abatsha, zehliseleni ngaphansi kwabadala bebandla; yambathani lonke ukuthobeka, lithobelane, ngoba uNkulunkulu umelana labazigqajayo, kodwa abazithobileyo uyabapha umusa.

1 uTimothi 3:6

Kangabi ngosand’ukukholwa, funa ngokukhukhunyezwa awele ekulahlweni kukaSathane.

UDanyeli 8:25

Ngobuqili bayo izakwenza inkohliso iphumelele, izikhukhumeze engqondweni yayo, ichithe abanengi ngokubajuma, ize imelane leNkosi yamakhosi, kodwa izaphohlozwa kungesikho ngezandla zomuntu.

UDanyeli 5:23

kodwa umelene leNkosi yaphezulu; kwalethwa lezitsha zendlu yayo phambi kwakho; wena lezikhulu zakho labomkakho labanye abafazi bakho lanathela kuzo iwayini. Wadumisa onkulunkulu besiliva labegolide labethusi labensimbi labezigodo labamatshe, abangaboniyo labangezwayo labangaziyo; kodwa uNkulunkulu ophethe ngesandla sakhe umphefumulo wakho lezindlela zakho zonke ezingezakhe kawumdumisanga.

UHezekhiyeli 28:17

Inhliziyo yakho yaziphakamisa ngenxa yobuhle bakho; wona ukuhlakanipha kwakho ngenxa yodumo lwakho. Ngakuphosa phansi, ngakuchaya phambi kwamakhosi ukuba akukhangele ngamehlo awo.

UHezekhiyeli 28:5

Ngokuhlakanipha kwakho okukhulu ekuthengeni wandisile inotho yakho, lenhliziyo yakho isizigqaja ngenotho yakho.

UHezekhiyeli 28:2

Ndoda tshono kusikhulu saseTire, uthi iNkosi uNkulunkulu ithi: Ngoba inhliziyo yakho iziphakamisile, utshilo ukuthi: Mina ngingunkulunkulu, ngihlezi esihlalweni sabonkulunkulu enzikini zolwandle; kanti ungumuntu nje, kawusunkulunkulu, lanxa uzitshaya ohlakaniphileyo njengonkulunkulu.

Izaga 16:18

Ukuzigqaja kwandulela ukubhujiswa, lomoya ozikhukhumezayo wandulela ukuwa.

2 ImiLando 32:25

Kodwa uHezekiya katshengisanga ukubonga ngokuhle enzelwe khona, ngoba inhliziyo yakhe yayisiziphakamisile. Ngakho ulaka lweNkosi lwehlela phezu kwabakoJuda labaseJerusalema.

2 ImiLando 26:16

Kodwa lapho eseqinile wazikhukhumeza, kwamlethela ukuchitheka. Ngoba wona eNkosini uNkulunkulu wakhe ngokungena ethempelini leNkosi ukuba atshise impepha phezu kwealtare lempepha.

2 ImiLando 25:19

Wena uthi: Khangela, ngilehlule iEdoma; usuzikhukhumeza ngokuzincoma; kodwa hlala ekhaya, ngoba ufunelani ukuzivusela uhlupho ukuba uwe wena labakoJuda na?

2 AmaKhosi 14:10

Ulehlule iEdoma sibili, usuzikhukhumeza, yaneliswa yibukhosi bakho, uzihlalele ekhaya; ngoba ufunelani ukuzivusela uhlupho ukuba uwe wena labakoJuda na?

UDutheronomi 8:14

qaphelani ukuba inhliziyo zenu zingazikhukhumezi, beselikhohlwa iNkosi uNkulunkulu wenu eyalikhupha elizweni laseGibithe, endaweni yobugqili,

UDanyeli 11:11

Inkosi yaseningizimu izakuthukuthela, iphume ukulwa lenkosi yasenyakatho, ibuthe impi enkulu, kodwa izanikelwa esandleni sesitha sayo.

UDanyeli 11:13

Inkosi yasenyakatho ibuye ibuthe futhi impi enkulu kuleyokuqala; kuthi ngemva kweminyaka ethile ifike lempi enkulu lempahla ezinengi.