UDanyeli 10:16 - iBhayibhili Elingcwele 1978

¹⁶ Kwathi okunye okufanana lomuntu kwathinta umlomo wami; ngavula umlomo wami, ngakhuluma. Ngathi kulowo omi phambi kwami: Nkosi yami, ngenxa yombono ngifikelwe yibuhlungu, kangiselawo amandla.

IBhayibhili Elingcwele LesiNdebele

¹⁶ Kwasekusithi othile owayefana lomuntu wathinta izindebe zami, ngasengivula umlomo wami ngakhuluma. Ngathi kulowo owayemi phambi kwami, “Sengigajelwa yikudabuka kwenhliziyo ngenxa yombono, nkosi yami, njalo sengiphelelwe yikho konke.

UDanyeli 10:16 Referans Kwoze

UDanyeli 8:15

Kwathi sengiwubonile umbono, mina Daniyeli, ngazama ukuwuqedisisa. Kwasekusima phambi kwami othile olesimo somuntu.

U-Isaya 6:7

Lathinta umlomo wami ngalo lisithi: Khangela, lokhu kuzithintile indebe zakho; ububi bakho bususiwe, lesono sakho sithethelelwe.

UJeremiya 1:9

INkosi yasiselula isandla sayo, yathinta umlomo wami, yathi kimi: Khangela, sengibekile amazwi ami emlonyeni wakho.

UDanyeli 8:27

Mina Daniyeli, ngasengiphela amandla, ngagula insuku ezithile; ngavuka ngenza umsebenzi wenkosi, kodwa ngamangaliswa yilowombono, kangaze ngawuqedisisa.

UDanyeli 8:17

UGabriyeli wasesondela lapho ngimi khona. Esefikile ngatshaywa luvalo, ngathi mbo ngobuso phansi. Kodwa yena wathi kimi: Ndoda, qedisisa ukuba umbono ungowesikhathi sokucina.

UDanyeli 7:28

Iphelela lapha indaba. Mina Daniyeli, imicabango yami yangethusa kakhulu, kwaphenduka lebala lami. Ngakugcina kwaba yimfihlo.

UDanyeli 7:15

Mina Daniyeli, umoya wami wakhathazeka, lemibono yengqondo yami yangethusa.

Isambulo 1:13

phakathi kwezinti zezibane kukhona ofana lomuntu, embethe ingubo ekhawula enyaweni, ezibophe ngeqhele legolide esifubeni sakhe;

UJohane 20:28

UTomasi wamphendula wathi: Nkosi yami, Nkulunkulu wami!

ULukha 21:15

ngoba mina ngizakulinika umlomo lokuhlakanipha abangemelane lakho, bakuphike, bonke abayizitha zenu.

ULukha 1:64

Wahle wavuleka umlomo wakhe, lolimi lwakhe lwatshombuluka, wakhuluma edumisa uNkulunkulu.

UDanyeli 12:8

Ngezwa, kodwa kangiqedisisanga. Ngasengisithi: Nkosi yami, kuzakuba yini ukuphela kwalezizinto na?

UDanyeli 9:21

ngisakhuluma ngikhuleka, lowomuntu uGabriyeli engambona embonweni kuqala waphaphela kimi masinyane ngesikhathi somnikelo wakusihlwa.

UHezekhiyeli 33:22

Isandla seNkosi sasiphezu kwami kusihlwa kungakafiki ophunyukileyo; yavula umlomo wami ngesikhathi lowomuntu engakafiki kimi ekuseni. Umlomo wami wavuleka, angabe ngisaba yisimungulu.

UHezekhiyeli 3:27

Kodwa lapho sengikhuluma kuwe, ngizavula umlomo wakho, uzakuthi kibo: Nanka amazwi eNkosi uNkulunkulu. Lowo othanda ukuzwa kezwe; ongathandiyo ukuzwa angezwa; ngoba bayisizwe esihlamukileyo.

UHezekhiyeli 1:26

Ngaphezu komkhathi owawuphezu kwamakhanda azo kwakukhona okunjengelitshe elithiwa yisafire, kunjengesihlalo sobukhosi; ngaphezu kwakho konke kukhona okuhlezi esihlalweni sobukhosi okufanana lomuntu.

UmTshumayeli 1:18

Ngoba ekuhlakanipheni okunengi kulokukhathazeka okunengi, lowandisa ulwazi wandisa usizi.

Abahluleli 13:8

UManowa wancenga iNkosi esithi: E Nkosi, umuntu kaNkulunkulu obumthumile ake abuye futhi kithi, asifundise ukuthi sizakwenza njani ngomntwana ozazalwa.

Abahluleli 6:15

Yena wathi kuyo: E nkosi, ngingamkhulula kanjani uIsrayeli? Khangela, usendo lwakwethu luncinyane koManase, mina ngingomncinyane endlini yakwethu.

Abahluleli 6:13

UGidiyoni wathi kuso: E nkosi, uba iNkosi ilathi, konke lokhu kusehlele ngani na? Zingaphi zonke izenzo zayo ezimangalisayo abasitshela ngazo obaba besithi: INkosi kayisikhuphanga eGibithe na? Kodwa khathesi iNkosi isisilahlile, yasinikela ezandleni zamaMidiyani.

UJoshuwa 5:14

Yena wathi: Atshi; kodwa ngizile ukuba yinduna yempi yeNkosi. UJoshuwa wathi mbo ngobuso phansi, wakhuleka esithi kuye: Inkosi yami ithi inceku yayo kayenzeni na?

U-Eksodasi 4:13

Kodwa yena wathi: Nkosi, akuthume omunye umuntu.

U-Eksodasi 4:10

UMose wasesithi eNkosini: Nkosi, kangizanga ngibe yisikhulumi, lakhathesi kangisiso lanxa usukhulume lenceku yakho; ngoba ngiyagagasa ngilamalimi.

UDanyeli 4:19

Ng’khona uDaniyeli obizo lakhe lalinguBeliteshazari wamangala okwesikhatshana, lemicabango yakhe yamethusa. Inkosi yasisithi: Beliteshazari, ungethuswa liphupho lencazelo yalo. UBeliteshazari waphendula wathi: Nkosi yami, iphupho kalibe ngelalabo abakuzondayo, lencazelo yalo ibe ngeyezitha zakho.

UDanyeli 8:18

Kwathi esakhuluma lami, ngaqaleka ngawela phansi; kodwa wangithinta, wasengiphakamisa engimisa ngenyawo.