Izililo 5:17 - iBhayibhili Elingcwele 1978

¹⁷ Ngenxa yalokhu inhliziyo zethu zidabukile, langalezizinto amehlo ethu afiphele,

IBhayibhili Elingcwele LesiNdebele

¹⁷ Ngenxa yalokhu inhliziyo zethu zibuthakathaka; ngenxa yalezizinto amehlo ethu ayafiphala,

Izililo 5:17 Referans Kwoze

U-Isaya 1:5

Lizakutshaywa kuze kube nini ngenxa yokuqhubeka kwenu lihlamuka na? Lonke ikhanda lakho, Israyeli, ligcwele amanxeba, lenhliziyo yakho yonke ibuthakathaka.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

AmaHubo 6:7

Ilihlo lami liyafiphala ngenxa yosizi, liyanqundeka ngenxa yezitha zami zonke.

UJobe 17:7

Amehlo ami afiphele ngosizi, lazo zonke izitho zami sezilithunzi nje.

U-Isaya 38:14

Ngiyatshiyoza njengenkonjane, ngikhale njengejuba, amehlo ami adiniwe ngokukhangela ngaphezulu. Nkosi, ngicindezelwe; woba yisibambiso sami.

UMikha 6:13

Ngakhoke sengizakulitshaya, ngilichithe ngenxa yezono zenu.

UHezekhiyeli 21:15

ukuba inhliziyo zabo zigcwale ukwesaba. Sengibasongela ngomkhonto emasangweni abo wonke, umkhonto okhazimulayo njengombane, walolongelwa ukubulala.

UHezekhiyeli 21:7

Nxa besithi kuwe: Ububulelani na? wena uthi: Kungenxa yezindaba ezizayo. Lapho sezifikile, zonke inhliziyo zizagcwala ukwesaba, lezandla zibe buthakathaka, lemimoya yonke ihlupheke, lamadolo wonke atshayane. Nanzoke, sezifikile, zizagcwaliseka, kutsho iNkosi uNkulunkulu.

Izililo 1:22

Kakufike bonke ububi bazo phambi kwakho, wenze kizo njengokwenza kwakho kimi ngenxa yazo zonke iziphambeko zami. Ngoba ukububula kwami kukhulu, lenhliziyo yami ikhathele.

Izililo 1:13

Iphezulu ithumele umlilo, yawehlisela emathanjeni ami. Yathiya inyawo zami ngembule, yangibuyisela emuva. Yangitshiya ngithithibele, ngiphele amandla usuku lonke.

UJeremiya 46:5

Ngibonani na? Sebephele amandla, babuyele emuva. Lamaqhawe abo ayahlulwa, ayabaleka, kawanyemukuli emuva; lokwesaba kunxa zonke, kutsho iNkosi.

UJeremiya 8:18

Kangilakududuzeka osizini lwami, inhliziyo yami iyagula phakathi kwami.

AmaHubo 69:3

Sengidiniwe yikukhala, lomphimbo wami womile; amehlo ayafiphala ekudingeni uNkulunkulu wami.

AmaHubo 31:9

Woba lomusa kimi, Nkosi, ngoba ngiyahlupheka; amehlo ami aqedwa lusizi, lomphefumulo wami lomzimba wami.

UDutheronomi 28:65

Phakathi kwalezozizwe kaliyikuba lokuthula kanye lendawo lapho lingabeka khona inyawo zenu; kodwa lapho iNkosi izakulipha inhliziyo ethuthumelayo lamehlo afipheleyo lomphefumulo ohluphekileyo.

ULevi 26:36

Mayelana lalabo abaseleyo phakathi kwenu, ngizakwenza inhliziyo zabo zesabe emazweni ezitha zabo; lapho besizwa ihlamvu linyikinyeka, bazakubaleka, babaleke njengomuntu obalekela impi, bawe bengaxotshwa muntu.

AmaHubo 38:8

Ngibuthakathaka ngilimele kakhulu, ngiyakhala ngenxa yokukhathazeka kwenhliziyo yami.