Izililo 5:1 - iBhayibhili Elingcwele 1978

¹ Khumbula, Nkosi, okusehleleyo, khangela ubone ihlazo lethu.

IBhayibhili Elingcwele LesiNdebele

¹ Oh Thixo, khumbula okusehleleyo khangela ubone ukuyangeka kwethu.

Izililo 5:1 Referans Kwoze

UHabhakhukhi 3:2

Wathi: Nkosi, ngizwile umbiko ngawe, ngiyesaba izenzo zakho. Ziphinde futhi kuliminyaka, wenze ukuba zaziwe kuliminyaka; ukhumbule umusa lanxa ulolaka.

Izililo 3:61

Uzwile ukungiklolodela kwabo, Nkosi, lawo wonke amacebo abo ngami.

Izililo 3:19

Nxa ngikhumbula ukuhlupheka kwami lobuhlungu bami, kubaba njengomhlonyane lenyongo.

Izililo 2:15

Bonke abadlulayo bakutshayela izandla, bayakuncifela bakunikinele amakhanda abo, Jerusalema. Bathi: Yiwo lo umuzi owawubizwa ngokuthi yibuhle obupheleleyo lentokozo yomhlaba wonke na?

UJeremiya 15:15

Uyazi, wena Nkosi; ngikhumbula, ungihambele, ungiphindiselele kwabangihluphayo. Ngoba ulokubekezela, ungangisusi; yazi ukuthi ngenxa yakho ngithwele ukuthukwa.

AmaHubo 79:12

Ubaphindisele kasikhombisa abakhelene lathi ukuthuka abakuthuka ngakho, Nkosi.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

UNehemiya 4:4

Ngasengikhuleka ngisithi: Akuzwe, Nkulunkulu wethu, ukweyiswa kwethu okungaka! Buyisela ukukloloda kwabo emakhanda abo, ubenze baphangwe, bathunjelwe kwelinye ilizwe.

ULukha 23:42

Wasesithi: Jesu, ungikhumbule, nxa usubuya ngobukhosi bakho.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

Izililo 1:20

Ake ukhangele, Nkosi, ngoba sengihluphekile, imibilini yami idungekile, inhliziyo yami ikhathazekile phakathi kwami, ngoba ngihlamukile kakhulu. Phandle ngumkhonto obulalayo, endlini yikufa.

UJobe 10:9

Ake ukhumbule ukuba wangenza ngebumba nje. Phoke, uzangibuyisela othulini na?

UJobe 7:7

Nkulunkulu, khumbula ukuba ukuphila kwami kungumoya, kangiyikuphinda ngibone okuhle.

UNehemiya 1:8

Khumbula ilizwi owalaya ngalo uMose inceku yakho usithi: Uba lingathembekanga, ngizalichithachithela ezizweni;

UNehemiya 1:3

Bathi kimi: Labo ababuyayo ekuthunjweni baphakathi kokuhlupheka okukhulu lehlazo, ngoba lomduli waseJerusalema sewadilika, lamasango alo atshiswa ngomlilo.

AmaHubo 119:153

Khangela ukuhlupheka kwami, ungikhulule, ngoba kangiwukhohlwa umlayo wakho.

U-Isaya 62:6

Ngibekile abalindi phezu kwemithangala yakho, wena Jerusalema; kabayikuthula lakanye emini lasebusuku. Lina elingabakhumbuzi beNkosi lingaphumuli,

Izililo 3:50

ize ikhangele iNkosi ibone isezulwini;

AmaHubo 74:18

Khumbula lokhu, Nkosi, ukuthi izitha ziyakloloda, labantu ababi bayalithuka ibizo lakho.

UJeremiya 51:51

Siyangekile ngoba sizwile ihlazo; ubuso bethu bulenhloni, ngoba abezizwe sebefikile ezindaweni ezingcwele zethempeli.

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

Izililo 1:11

Bonke abantu balo bayabubula bedinga ukudla; banike okuligugu kwalo ngokudla ukuba baqinise amandla abo. Nkosi, ake ukhangele ngoba mina Jerusalema ngiyadelelwa.