Izililo 2:6 - iBhayibhili Elingcwele 1978

⁶ Iphundlile ithempeli layo njengokuphundlwa kwevini, yadiliza indlu yokukhonzela. INkosi yenza ukuba kukhohlakale eZiyone imikhosi emisiweyo leSabatha. Yadelela ngokuvutha kolaka kwayo umbusi lompristi.

IBhayibhili Elingcwele LesiNdebele

⁶ Usetshaye wakhukhula umuzi wakhe njengensimu; usebhidlize indawo yakhe yokuhlanganela. UThixo usenze iZiyoni yakhohlwa imikhosi yayo emisiweyo lamaSabatha ayo; olakeni lwakhe olwesabekayo, ukhukhulele khatshana oyinkosi longumphristi.

Izililo 2:6 Referans Kwoze

UZefaniya 3:18

njengasosukwini lomkhosi. Ngizasusa inhlupheko zakho ukuba ungathwali ihlazo.

Izililo 1:4

Imigwaqo eya eZiyone iyalila, ngoba kakho ozayo kulo emikhosini emisiweyo. Emasangweni alo kakulabantu, labapristi balo bayabubula. Intombi zalo ziyahlupheka. Liyahlupheka kakhulu.

Izililo 4:16

INkosi uqobo ibahlakazile, kayisayikubananza. Abapristi kabasahlonitshwanga, labadala kabasenzelwanga umusa.

UMalaki 2:9

Ngakhoke mina ngilenzile laba ngabadelelekayo labehliselwe phansi phambi kwabantu bonke, ngoba lingagcinanga indlela zami, kodwa libandlulule abantu ekufundiseni kwenu.

UHezekhiyeli 17:18

Ngoba esidelele isifungo, waphula isivumelwano, wazithoba, kodwa wenza zonke lezizinto, kayikuphunyuka.

Izililo 5:12

Izikhulu ziphanyekwa ngezandla zazo, labadala kabahlonitshwa.

Izililo 4:20

Ogcotshiweyo weNkosi, umoya wokuphila kwethu, wabanjwa emigodini yabo, yena esasithi ngaye: Ngaphansi komthunzi wakhe siyahlala phakathi kwezizwe.

U-Isaya 64:11

Indlu yethu engcwele lemangalisayo, lapho obaba babekudumisela khona, itshisiwe ngomlilo, lazo zonke indawo zethu ezithandekayo sezingamanxiwa.

U-Isaya 63:18

Kungani abantu ababi besenza indlu yakho ibe yinhlekisa na? Kungani izitha zethu zingcolisa indawo yakho engcwele na?

U-Isaya 43:28

izikhulu zakho zangcolisa indlu yami engcwele; ngakhoke nganikela uJakobe ekubhujisweni, loIsrayeli ekuthukweni.

U-Isaya 5:5

Sengizakulitshela engizakukwenza esivinini sami. Ngizakuqhaqha uthango lwaso ukuze sidliwe, ngidilize umduli waso ukuze sigxotshwe.

U-Isaya 1:13

Lingabe lisaletha iminikelo eyize; impepha yayo iyisinengiso kimi; ukuhlangana kwenu ekuthwaseni kwenyanga, langeSabatha, lezinkonzweni ezinkulu zenu, kangikuthandi; kangikuvumi lokuhlangana kwenu emikhosini.

U-Isaya 1:8

IZiyone isele injengedumba esivinini, injengengalane ensimini yamakhomane lanjengomuzi ovinjezelweyo.

AmaHubo 89:40

Uyibhobozile yonke imithangala yakhe, wazibhidliza inqaba zakhe.

AmaHubo 80:12

Uyibhidlizeleni imiduli yalo, ukuze balikhe bonke abadlula ngendlela na?

AmaHubo 76:2

Umisile ithente lakhe eSalema, lendlu yakhe eZiyone.

UJeremiya 17:27

Kodwa uba lingangilaleli, lingenzi iSabatha libe ngcwele, lingena ngamasango eJerusalema ngosuku lweSabatha, lithwele imithwalo, ngizaphemba umlilo emasangweni alo, ozakutshisa uqothule izindlu zamakhosi zaseJerusalema, ungacimeki.

UJeremiya 50:28

Zwaninike, ababalekayo labaphunyukayo bavela elizweni laseBabiloni, ukuba bamemeze eZiyone ukuphindisela kweNkosi uNkulunkulu wethu, impindisela yethempeli layo.

ULevi 26:31

Ngizakwenza imizi yenu ibe ngamanxiwa, ngidilize izindlu zenu ezingcwele; kangiyikwamukela iphunga elimnandi leminikelo yenu.

AmaHubo 74:7

Zayitshisa indlu yakho engcwele, zayidilizela phansi indlu yebizo lakho, zayidumaza.

U-Isaya 5:6

Ngizasenza sibe liganga, singathenwa, singahlakulwa, simile ameva lokhula. Ngizalaya amayezi ukuba angasinethisi ngezulu.

UJeremiya 42:18

INkosi yamabandla, uNkulunkulu kaIsrayeli, ithi: Njengokuba ukuthukuthela kwami lolaka lwami kwehlela kwabakhileyo eJerusalema, ngokunjalo ulaka lwami luzakwehlela kini nxa lisiya eGibithe. Lizakuba yinto eyenyanyekayo leyesabekayo, into yokuthukwa lokuhlekwa, lingaphindi liyibone lindawo futhi.

UJeremiya 45:4

Uzakuthi kuBaruki: INkosi ithi: Lokho engikwakhileyo ngiyakudiliza, lalokho engikuhlanyeleyo ngiyakusiphuna; yebo, ngizakwenza njalo elizweni lonke.