Izililo 2:18 - iBhayibhili Elingcwele 1978

¹⁸ Khala kakhulu eNkosini, wena Ziyone! Inyembezi zakho zigeleze njengemifula emini lasebusuku. Ungaphumuli, lenyembezi zakho zingaqamuki.

IBhayibhili Elingcwele LesiNdebele

¹⁸ Inhliziyo zabantu ziyakhala eNkosini. Awu, mthangala weNdodakazi yaseZiyoni, kazigeleze njengomfula inyembezi zakho, ebusuku lemini; ungaziphi ikhefu, lamehlo akho ungawaphi ukuphumula.

Izililo 2:18 Referans Kwoze

AmaHubo 119:145

Ngiyakhala ngenhliziyo yami yonke; ngiphendula, Nkosi. Ngizakugcina izimiso zakho.

Izililo 2:8

INkosi ikhethile ukudiliza umduli weZiyone, iwulinganisile ngentambo yokulinganisa, kayiyekelanga ukudiliza; yenza ukuba kukhale umthangala lomduli, iphele amandla kanyekanye.

Izililo 1:16

Ngiyakhala ngenxa yalokho, amehlo ami ajuluka inyembezi; ngoba umduduzi ukhatshana lami obezakungimisa isibindi. Abantwana bami bachithekile ngoba isitha sinqobile.

UJeremiya 9:1

Kungathi ngabe ikhanda lami lingamanzi, lamehlo ami angumthombo wenyembezi, ukuba ngikhalele ababuleweyo ebantwini bami emini lebusuku.

AmaHubo 119:136

Amehlo ami ehlisa inyembezi ezinengi, ngoba abantu kabagcini umlayo wakho.

UHabhakhukhi 2:11

Ngoba ilitshe lizakukhala lisemdulini, lothungo luphendule lusephahleni.

UHosiya 7:14

Kabamemezi kimi ngenhliziyo zabo, kodwa bakhala besemibhedeni yabo; lapho bekhalela amabele lewayini, bayazisika, kodwa mina bayangihlamuka.

Izililo 1:2

Uyakhala kakhulu ebusuku, inyembezi zawo zehla ezihlathini zawo. Phakathi kwazo zonke izithandwa zawo kakho owududuzayo. Bonke abangane bawo bawuphethe ngenkohliso, sebeyizitha zawo.

UJeremiya 14:17

Uzakutsho lelilizwi kibo elokuthi: Amehlo ami kawehlise inyembezi ebusuku lemini zingakhawuli, ngoba abantu bami balimele kakhulu, balinyazwe yikutshaywa okubi.

UJeremiya 13:17

Kodwa lapho lingalaleli, ngizakhala ensitha ngenxa yokuziqhenya kwenu, ngizakhala kakhulu, lamehlo ami ehlise inyembezi, ngoba umhlambi weNkosi uthunjiwe.

UJeremiya 4:31

Ngoba ngizwile ilizwi kungathi ngelowesifazana ohelelwayo, ukukhala okubuhlungu okunjengokozibulayo; yikukhala kweZiyone elikhefuzelayo, liselula izandla zalo lisithi: Maye mina! ngiphelelwa ngamandla ngoba nampa ababulali bayeza.