Izililo 1:11 - iBhayibhili Elingcwele 1978

¹¹ Bonke abantu balo bayabubula bedinga ukudla; banike okuligugu kwalo ngokudla ukuba baqinise amandla abo. Nkosi, ake ukhangele ngoba mina Jerusalema ngiyadelelwa.

IBhayibhili Elingcwele LesiNdebele

¹¹ Bonke abantu bayo bayagomela behamba bedinga ukudla; bathengisa inotho yabo eligugu ngokudla ukuze bangafi. “Oh Thixo, ake ungihawukele ngoba sengidelelwa.”

Izililo 1:11 Referans Kwoze

UJeremiya 52:6

Ngosuku lwesificamunwemunye lwenyanga yesine indlala yaba nkulu phakathi komuzi, kwasweleka ukudla kwabantu elizweni.

UJeremiya 38:9

wathi: Nkosi yami, abantu laba benzile okubi ngakho konke abakwenze kuJeremiya umprofethi, ngoba bamphosele emgodini, uzabulawa yindlala ngoba kakusekho ukudla emzini.

Izililo 2:12

Bathi kubonina: Kungaphi ukudla lewayini na? lapho besifa njengabantu abalinyaziweyo endleleni zomuzi, lapho befela ezifubeni zabonina.

Izililo 2:20

Ake ukhangele, Nkosi, ubone. Ngubani owake wamphatha ngokunje na? Abesifazana bazakudla inzalo yabo yini, abantwana babo ababazeleyo na? Umpristi lomprofethi bazabulawa endlini engcwele yeNkosi na?

Izililo 1:9

Ukungcola kwalo kwakusezidwabeni zalo, kalikhumbulanga ngokuchitheka kwalo. Ngakhoke ukuwa kwalo kukhulu, kalilaye umduduzi. Nkosi, akukhangele ukuhlupheka kwalo, ngoba isitha sesinqobile.

UJeremiya 19:9

Ngizakubenza badle inyama yamadodana leyamadodakazi abo; bonke bazakudla inyama yabomakhelwana babo ngesikhathi sokuvinjezelwa lesokuhlupheka okuzalethwa yizitha zabo lalabo ababazingelayo.

UJobe 40:4

Khangela, kangisilutho lwalutho, ngingakuphendula ngithini na? Ngibamba umlomo wami ngesandla sami.

2 AmaKhosi 6:25

Kwaba khona indlala enkulu eSamariya ngesikhathi sokuvinjezelwa kwalo; ikhanda likababhemi lathengiswa ngamashekeli esiliva angamatshumi aficaminwembili, legajana lombhida othile ngamashekeli amahlanu esiliva.

UJeremiya 15:19

Ngakhoke kutsho iNkosi, uba ubuya, ngizakukwamukela ungisebenzele. Uba ukhuluma okuhle, ungakhulumi okubi, uzakuba njengomlomo wami. Bazakuza kuwe, kodwa wena kawuyikuya kubo.

Izililo 1:8

IJerusalema lonile kakhulu, ngakho seliyisinengiso. Bonke ababelihlonipha sebelidelela, ngoba sebebonile ubuze balo. Yebo, selibubula, likhangele eceleni.

AmaHubo 79:4

Sesiphenduke inhlamba kwabakhelene lathi, siyahlekwa, siklolodelwe yilabo abasiphahlileyo.

Izililo 2:11

Amehlo ami asediniwe yikukhala, imibilini yami idungekile. Inhliziyo yami idabukile ngosizi ngenxa yokuchitheka kwabantu bami, ngoba ingane labamunyayo bafela endleleni zomuzi.

Izililo 5:1

Khumbula, Nkosi, okusehleleyo, khangela ubone ihlazo lethu.